20Yes Xus cem cov nroog uas tau pom nws ua hwj huam yees ntxwv ntau tshaj, vim lawv tsis hloov siab tias 21“Kos Las Ntxis, koj txoj hmoov phem! Npes Xais Das, koj txoj hmoov phem! Vim tias cov hwj huam yees ntxwv uas kuv tau ua hauv neb, kheev lam yog ua nyob Tws Los thiab nyob Xis Doos mas ob lub nroog ntawd twb hloov siab lawm ntxov, lawv twb hnav ntaub tsaj thiab muab plua av los nphoo lawv. 22Kuv hais meej rau neb, hnub txiav txim, Tws Los thiab Xis Doos yuav raug txim sib dua neb. 23Thiab koj, Kas Fas Naus, koj xav tias koj yuav sawv siab txij ntuj puas yog, koj twb nqes yuav txog tub tuag teb. Vim tias cov hwj huam yees ntxwv kuv tau ua nyob hauv koj, kheev lam yog ua nyob Xos Dos Mas mas lub nroog ntawd tseem yuav nyob txog tav no. 24Kuv hais meej rau koj tias hnub txiav txim, Xos Dos Mas teb yuav raug txim sib dua koj.”
Cov Nkas Lis Lais thiab cov Yus Das pom Huab Tais Yes Xus cov hauj lwm tab sis lawv tsis ntseeg tias Huab Tais Yes Xus yog Leej Pleev, mas Huab Tais Yes Xus thiaj foom lus phem rau cov nroog tsis ntseeg ntawd.
Huab Tais Yes Xus ‘tsawm’ cov nroog tsis yog vim lawv tsis ntseeg Huab Tais Yes Xus cov lus thiab tsis yog lawv coj tus yam ntxwv phem, tiam sis vim lawv pom Huab Tais Yes Xus cov hwj huam, lawv tsis yeem ntseeg tias cov hwj huam ntawd yog ib lub cim tias Tswv Ntuj nrog Huab Tais Yes Xus nyob.
Tus twg tau pom Huab Tais Yes Xus cov hwj huam los yog tau hnov Huab Tais Yes Xus cov lus, yog nws tsis yuav Huab Tais Yes Xus mas nws yuav raug phem. Peb yog ib tug neeg paub Huab Tais Yes Xus, yog peb tso Huab Tais Yes Xus pov tseg mas peb yuav muaj txhaum loj dua cov neeg uas lawv yeej tsis tau paub Huab Tais Yes Xus.