Nyob hauv xyoo 1964 Txiv Plig Nyiaj Pov tau sau phau ntawv ‘TSOOM ZOO KWV HUAM’ raws li phau ntawv ‘Histoire de l’Église catholique’ cia rau tsoom tub ntxhais kawm txuj hauv lub Koom Txoos tau nyeem. Phau ntawv no faib ua 3 phau: Phau ib; yog piav txog thaum pib tsim Yes Xus lub Koom Txoos hauv xyoo 30 los xaus rau xyoo 1054 lub Koom Txoos nyob Npis Xaas ncaim ntawm lub Koom Txoos nyob Los Mas. Phau ob; yog txij tiam 11 los txog tiam 17. Phau peb; yog hais txog lub Koom Txoos hauv tiam 18 txog tiam 20.
Xyoo 2000 Txiv Plig Nyiaj Pov thiab cov tub lis dej num hauv lub tshaj xo ‘ZOO TSWV ZOV YAJ’ tau muab phau ntawv no kho dua tshiab thiab zom ua lus tshaj tawm nyob hauv lub xov tooj cua. Lawv tau muab hloov lub npe hu ua ‘KOOM TXOOS KWV HUAM’ thiab tom qab tau hloov ua ‘KOOM TXOOS LIV XWM’.
Txog xyoo 2023 lub tshaj xo ZOO TSWV ZOV YAJ tau nrhiav tej zaj tshiab los ntxiv rau hauv Txiv Plig Nyiaj Pov phau ntawv KOOM TXOOS LIV XWM, thiab muab teeb dua tshiab; yog phau ntawv ‘KEEB KWM KOOM TXOOS’ nej tab tom nyeem no.
Lub tshaj xo ZOO TSWV ZOV YAJ vam tias phau ntawb KEEB KWM KOOM TXOOS phau no yuav muaj qab hau pab sawv daws paub txog cov xwm tau tswm nyob hauv lub Koom Txoos Kav Tos Liv, thiab yuav pab txhawb sawv daws txoj kev ntseeg txog Yes Xus kom muaj zog dua tuaj.