Leej Ntshiab Los Lees Ntxos yog thawj tus Leej Ntshiab haiv neeg Fis Lis Pees. Nws yug hauv tuam ceeb Mas Nis Las, Fis Lis Pees teb. Nws txiv yog haiv neeg Suav, nws niam yog neeg Fis Lis Pees. Los Lees Ntxos txoj hauj lwm yog tu lub koom haum Dos Mis Nis Kas lub me nyuam tsev teev Ntuj.
Xyoo 1636 Los Lees Ntxos raug hiam tias nws tua ib tug neeg Xyis Pas Yas tuag, tseem hwv thiaj nrhiav ntes nws. Cov Leej Choj Dos Mis Nis Kas pab kom Los Lees Ntxos tau nrog cov tub tshaj Ntuj Lus mus tshaj lub Moo Zoo nyob Zis Pees teb. Los Lees Ntxos thiab cov tub tshaj Ntuj Lus raug ntes tsim txom kom thim kev ntseeg. Lawv tsis yeem thim kev ntseeg mas thiaj raug tua tuag nyob Nas Nkas Xas Kis hauv hnub tim 29 lub 9 hli 1637.
Thaum yuav tuag, Los Lees Ntxos hais ib lo lus tias “Kuv ntseeg txog Yes Xus, kuv txaus siab tuag rau kuv tus Huab Tais. Txawm kuv muaj txhiab txoj sia, los kuv thov cev txhiab txoj siab ntawd rau kuv tus Huab Tais.”
Hnub tim 18 10 hli 1987 Los Lees Ntxos raug tsa ua ib tug Leej Ntshiab nyob hauv lub Koom Txoos.
