COV NKAUJ QHIB LUB TXOOS
1. Cav txog Huab Tais saum Ntuj Ceeb Tsheej (เสียงจากเทวา)
1) Ntuj cov Tshiab saum Ceeb Tsheej los seev suab lub suab nrov,
hu nkauj txog Huab Tais Ntuj tus khuv leej.
Cov suab nrov saum ntuj los thoob ntiaj teb,
neeg yaj ceeb thiaj txais hu rau Tswv Ntuj.
(Txais) Peb cav txog, peb cav txog, peb cav txog Huab Tais saum Ntuj Ceeb Tsheej.
Kev xyiv fab kev zoo siab nyob hauv peb.
2) Caw peb los tsa suab hu nkauj ua ke rau Tswv Ntuj,
kom nrov thoob qab ntuj rau tib neeg hnov,
kom muaj kev xyiv fab nyob puv lub siab,
kom paub txog tus Huab Tais tsim peb los. (Txais)
3) Huab Tais Ntuj tus ntshiab huv muaj hwj chim nyob mus li,
peb thov koj lub txiaj ntsim nyob hauv peb.
Kev zoo siab kev hom khaj tsis deb peb,
kom kev txhaum raug koj daws ntawm peb mus. (Txais)
2. Cav txog Tswv Ntuj lub koob meej (Glory and Praise to our God)
(Txais) Peb cav txog Ntuj lub koob meej. Nws pub qhov pom kev tuaj kaj peb.
Nws pub ntau yam txiaj ntsim paj tshab rau cov neeg taug nws txoj kev.
1) Peb yog Tswv Ntuj cov tub cov ntxhais. Nws tsim tej toj roob hauv pes.
Peb cav txog nws cov hauj lwm zoo uas nws ua nyob hauv peb. (Txais)
2) Ntuj kev thoob tsib ua peb ntshiab tuaj li cov kub sim hauv hluav taws.
Txawm kev phem muaj zog npaum li cas Tswv Ntuj yuav nyob ntawd cawm. (Txais)
3) Peb tus Tswv Ntuj niaj hnub tos nrhw yuav cawm peb txhua lub sij hawm.
Nws npaj rawv yuav mus nrhiav tus ploj, nws pub rau cov nrhiav nws.
4) Lub ntiaj teb av qhuav qhawv, Tswv Ntuj tso dej los ywg kom av phom.
Dej phwj yaws hauv tej kwj liag txaus sawv daws haus yug txoj sia.
3. Cav txog Tswv Ntuj (สรรเสริญพระเจ้า)
(Txais) Peb los nquas suab cav txog Tswv Ntuj.
Peb los ua ke mus hawm Huab Tais.
Nws yog tas peb tsoom Hmoob txoj sia.
Nws yog peb qhov chaw vam chaw so.
1) Peb thov ua tsaug Tswv Ntuj siab zoo.
Peb thov ua tsaug cav txog ntuj moo.
Koj yog tus tswv kav tas ntiaj teb.
Koj yog tus tswv kav tas ntawm peb. (Txais)
2) Tswv Ntuj yog tus uas muaj hwj chim.
Tswv Ntuj yog tus uas muaj txiaj ntsim.
Tsim nyog peb yuav saib nws muaj nqis.
Tsim nyog peb yuav los hawm los pe. (Txais)
3) Tswv Ntuj muaj kev hlub neeg mus li.
Tswv Ntuj muaj kev hlub neeg ib txhim.
Nws tso Leej Tub los them txim txhaum.
Nws tso Leej Tub los pab kom dhau. (Txais)
4) Muab txoj sia los daws neeg muaj txim.
Muab txoj sia los pab neeg tau dim.
Nws pub lub cev ua Thaj Txi Ntuj.
Nws pub lub cev ua lub Cim Yug. (Txais)
4. Cov ntseeg los teev Ntuj (เชิญเราคริสตชน)
1) Los peb cov ntseeg los, sawv daws zoo siab.
Los koom siab koom suab hu nkauj ua ke.
Nrog cov Leej Ntshiab thiab nrog Ntuj tsoom Tshiab
los hu nkauj cav txog Tswv Ntuj.
2) Los koom siab koom ntsws los peb teev Ntuj.
Mloog peb tus Huab Tais Yes Xus lo lus
uas yog qhia rau peb kom paub kev hlub
thiab coj mus ua raws li nws qhia.
(Txais) Thov koj los Yes Xus Pleev, los nyob hauv peb nruab siab
thiab pub txoj kev sib hlub rau ntiaj teb.
Thov koj los, los yug peb tus ntsuj plig uas tshaib nqhis.
Muab koj lub cev thiab cov ntshav yug peb.
3) Peb yuav nrog Leej Ntuj Plig ua ib cuab.
Peb yuav muaj txoj sia nyob hauv Vaj Yes Xus
thiab vam txog kev hlub nyob hauv Tswv Ntuj.
Peb yuav muaj txoj sia mus li.
5. Hawm txog Huab Tais (เข้าเฝ้าพระองค์)
1) Caw los hawm txog Huab Tais Leej Txiv, yog tus uas tsim lub ntuj lub teb.
Huab Tais muaj hwj xyeej, khuv leej mus li ntiaj teb tib neeg thov cav txog koj.
2) Caw los hawm txog Huab Tais Leej Tub, yog tus tau yug los cawm ntiaj teb.
Peb los hawm txog nws nyob saum khaub lig ntoo, tus Tswv siab zoo uas pub txoj sia.
(Txais) Peb los hawm txog Tswv Ntuj tas nrho lub siab,
thov koj nqes los nyob hauv peb Thaj Txi Ntuj.
Thov pub peb nyob thaj yeeb thiab mog,
peb thov hawm txog Huab Tais mus li.
3) Caw los hawm txog Leej Ntuj Plig Ntshiab, yog tus nplij siab tsoom neeg sawv daws.
Huab Tais Peb Leeg tus muaj hwj chim, tas nrho ib sim peb thov hawm koj.
6. Hnub no peb muaj kev zoo siab (สาธุการในวันนี้)
1) Hnub no peb muaj kev zoo siab, rau qhov tias peb ua Thaj Txi Ntuj,
nco txog Yes Xus nws hliv roj ntsha, kom tau pab them peb ib tsoom neeg txhaum.
(Txais) Peb sawv daws tuaj hu nkauj cav txog Huab Tais Yes Xus,
nrog ib tsoom Leej Ntshiab ua Tswv Ntuj tsaug. Nws pub kev thaj yeeb tuaj nyob hauv nruab nrab peb.
Peb tuaj pe, tuaj ua Tswv Ntuj tsaug. As Le Lus, As Les Lus, As Les Lus, As Les Lus Yas
2) Hnub no peb tuaj hawm Tswv Ntuj, nrog tas yus nplooj siab thiab lub cev.
Koom nrog Leej Choj ua Thaj Txi Ntuj, kom tau cev yus rau Huab Tais Tswv Ntuj. (Txais)
7. Hu nkauj cav txog Tswv Ntuj (โอ้ นภากาศ)
(Txais) Hu nkauj cav txog Tswv Ntuj tus nto koob meej mus li,
hwj chim tswv yim Tswv Ntuj tib tug muaj sia nyob mus li.
1) Nyob sim ceeb no Tswv Ntuj tsim tas txhia yam thoob qab ntuj. Tswv Ntuj hais kom muaj qhov pom kev thiab qhov tsau ntuj tuaj. (Txais)
2) Niam nkauj hnub thiab txiv nraug hli ci nra rau txhua txoj sia, los hu nkauj cav txog Huab Tais Tswv Ntuj tus txawb nkawd saum ntuj. (Txais)
3) Lub ntuj ntsuab nyob hauv nruab teb nrog ntuj ntsuab nyob qaum ntuj, los hu nkauj cav txog Huab Tais Tswv Ntuj tus cais nkawd tawm. (Txais)
4) Daim av hiav txwv toj roob hauv pes nrog hav luaj suab puam, los hu nkauj cav txog Huab Tais Tswv Ntuj tus tsa lawv sawv. (Txais)
5) Ntiaj teb tib neeg me kab me noog tsiaj txhu ntses qab thu, los hu nkauj cav txog Huab Tais Tswv Ntuj tus pub txoj sia. (Txais)
8. Hu nkauj rau Peb Leeg Huab Tais (สรรเสริญพระตรีเอกาภาพ)
1) Peb cov ntseeg koom siab koom ntsws, los ua Thaj Txi Ntuj ua ke,
los cav txog peb Leej Txiv Tswv Ntuj siab zoo. Peb los txaum yim teev Tswv Ntuj,
nqua suab hu cav txog Huab Tais Leej Txiv thiab, Leej Tub thiab Leej Ntuj Plig Ntshiab.
(Txais) Koom siab cav txog Huab Tais Leej Txiv, Leej Tub txhiv ntiaj teb neeg hauv kev phem,
Leej Ntuj Plig tswv yim coj peb kev. Cav txog Peb Leeg Huab Tais ua ke.
2) Peb los koom ua Thaj Txi Ntuj, pe hawm txog Huab Tais Leej Txiv.
Yes Xus Pleev, Leej Ntuj Plig tus nyob mus li. Nrog cov Tshiab, Tswv Ntuj tub txib,
cov Leej Ntshiab nyob saum Ceeb Tsheej sib koom siab los cav txog Peb Leeg Huab Tais. (Txais)
3) Peb sawv daws los nrog hu nkauj seev suab rau Peb Leeg Huab Tais
tus siab ntshiab thiab siab zoo mloog peb lus hais. Peb los txoos tsa suab ua zaj,
dhia hom khaj zoo siab xyiv fab muaj kev vam khom Leej Pleev nyob mus ib txhis. (Txais)
9. Los peb los (เราจงมา)
1) Los peb los cav txog Tswv Ntuj.
Qhib siab yuj yees txog Ntuj Ceeb Tsheej.
Nqua suab yeev hu nkauj luag li ntxhi
los cav txog Tswv Ntuj.
2) Los peb los koom suab hu nkauj
tsis hais laus los hluas hu kom txhij,
yuav cav txog qhuas txog peb Leej Txiv,
Leej Tub, Leej Ntuj Plig.
3) Los peb los ua Tswv Ntuj tsaug
tus nws tau tsim lub cev tus plig
tus tau tsim txoj sia puas tsav yam
qhov chaw vam chaw so.
4) Los peb los cev tas txhua yam
cev kom tas yus lub siab lub ntsws
tej hauj lwm, lub cev thiab tus plig
ua cov txim rau Ntuj.
5) Los peb los thov Ntuj txiaj ntsim
peb yuav kim caug pe Huab Tais Ntuj,
ntseeg kom nruj, ruaj nreb khov kho,
hlub tas nrho zeej tsoom.
6) Los peb los koom Thaj Txi Ntuj
cev Yes Xus kom xis Ntuj lub siab.
Cev txoj sia lub siab ntsws kev zoo
koom nrog Vaj Yes Xus.
10. Mus cuag Tswv Ntuj (ก้าวไปหาพระองค์)
1) Txoj kev iab los txoj kev khwv, peb rhais ruam mus cuag Tswv Ntuj.
Txoj kev nkhaus los txoj kev fab peb mus cuag Tswv Ntuj.
(Txais) Peb sib hlub nyob hauv Huab Tais Tswv Ntuj,
sib koom siab nyob hauv Yes Xus.
Yog txoj kev coj peb mus muaj txoj sia.
Thov mus cuag Tswv Ntuj.
2) Muaj kev nyuaj los kev zoo siab peb rhais ruam mus cuag Tswv Ntuj.
Muaj kev ntxhov los kev xyiv fab peb mus cuag Tswv Ntuj. (Txais)
3) Ua neeg ncaj thiab ua neeg zoo peb rhais ruam mus cuag Tswv Ntuj.
Neeg siab dawb thiab neeg siab huv peb mus cuag Tswv Ntuj. (Txais)
4) Ua siab loj thiab ua siab tawv peb rhais ruam mus cuag Tswv Ntuj.
Ua siab ntev thiab ua siab dav peb mus cuag Tswv Ntu. (Txais)
11. Nqua suab hu nkauj (เชิญร้องบรรเลง)
1) Hnub no peb tau lom zem, lub siab yuav nyob kaj lug,
siab ntsws xyiv fab luag ntxhwb luag ntxhi. Lub siab kaj lug tas txwv,
nqua suab los peb hu nkauj, cuab suab los cav txog Huab Tais Ntuj.
(Txais) Los peb koom suab hu nkauj cav txog Huab Tais Ntuj.
Huab Tais muaj kev hlub, Peb Leeg Huab Tais Ntshiab,
peb nco koj tej txiaj ntsim, thov txaum yim hawm koj
mus txog hnub peb los cuag koj.
2) Los kwv tij peb koom siab koom ntsws koom suab teev Ntuj.
Muab siab muab ntsws cev rau Tswv Ntuj, tej qav tej num tas nrho,
kev iab kev khwv huv si, peb muab los cev zoo li cov txim. (Txais)
3) Los kwv tij peb sib pab txhawb nqa peb tus Vaj Ntxwv,
tshuab raj luag nyav los cav txog nws. Los dhia cav txog Leej Txiv,
Leej Tub thiab Leej Ntuj Plig, Peb Leeg Huab Tais koom ua ib leeg.(Txais)
12. Saum lub thaj txi Ntuj (สู่พระแท่นบูชา)
(Txais) Saum lub Thaj Txi Ntuj muab ntau yam coj los txi,
thov kom tig los nrog txais.
1) Peb Leej Txiv, koj yog tus muaj hwj chim,
thov koj pub Ntuj txiaj ntsim tuaj rau peb. (Txais)
2) Peb Leej Txiv, koj nyob saum txheej ntuj siab,
koj txais cia Thaj Txi Ntuj thiab lub siab. (Txais)
3) Peb Leej Txiv, tus nyob nto koob meej lug,
thov koj pub kev zoo siab tuaj rau peb. (Txais)
13. Sawv daws los ua ke
(Txais) Peb sawv daws los ua ke, tuaj nyob ze ntawm lub Thaj Txi Ntuj.
Peb cav txog Tswv Ntuj tus nyob mus ib txhiab ib txhis.
1) Tswv Ntuj koj lub siab zoo thiab ncaj, peb thov txaum yim hawm koj.
Tswv Ntuj koj lub npe zoo tag nrho, yuav cav txog koj mus li. (Txais)
2) Huab Tais Leej Txiv thiab Huab Tais Leej Tub thiab Huab Tais Leej Ntuj Plig,
peb cav txog nej Peb Leej Huab Tais, yog tus Tswv Ntuj nyob siab. (Txais)
3) Tswv Ntuj yog tus tsim cov hnub qub cia ntsa iab nyob saum ntuj.
Cov dej hiav txwv thiab cov tsiaj txhu yog Tswv Ntuj lub hwj chim. (Txais)
14. Sawv ntxov ntuj kaj txoog (Morning has broken)
1) Sawv ntxov ntuj kaj nrig, Tswv Ntuj yog tus tsim
noog liaj luv quaj hu, cav txog Tswv Ntuj.
Muab lub suab hu nkauj, lub caij yav sawv ntxov.
Muaj txoj siab tshiab huv tuaj ntawm Tswv Ntuj.
2) Muaj faj huab iab oo, muaj tshav ntuj ci ntsa
zoo xws li lub vaj, uas Tswv Ntuj tsim.
Muaj dej lwg ntsu tuaj, muaj txoj sia ntshiab tuaj.
Muaj ib puas tsav yam, raws Tswv Ntuj xav.
3) Tshav ntuj yog Ntuj li, sawv ntxov yog Ntuj tug
txij lub hauv paus los, uas Ntuj tau tsim.
Muaj txoj kev kaj lug, muaj txoj kev ntshiab tuaj.
Ntuj ua tus saib xyuas, tas txhua txhia hnub.
15. Tas ib tsoom neeg (All people that on earth dwell)
1) Tas ib tsoom neeg nyob hauv ntiaj teb
hu nkauj luag ntxhi cav txog Tswv Ntuj.
Nws xa kev thaj yeeb tuaj rau peb,
thiab pub kom peb tau nyob kaj lug.
2) Tas ib tsoom neeg nej yuav paub tias
Huab Tais Ntuj yog tus tsim peb los.
Peb yog nws cuab yim, nws pab yaj.
Ib txwm Tswv Ntuj yeej hlub peb tiag.
3) peb chaws mus hauv nws cov rooj loog.
Peb sib koom siab koom ntsws luag ntxhi,
los hu nkauj cav txog nws lub npe,
thiab ua kom nws nto meej nto moo.
4) Tswv Ntuj muaj hwj huam loj tas nrho,
txhua yam uas tseem ceeb yog nws qhia.
Nws hlub thiab khuv leej neeg mus li.
Huab Tais nco ntsoov peb txheej dhau txheej.
5) Nyob ntiaj teb no thiab nyob saum Ntuj,
peb nrog Huab Tais Ntuj ib tsoom Tshiab
hwm Leej Txiv, Leej Tub, Leej Ntuj Plig
muaj koob meej nto moo lug mus li.
16. Thov koob hmoov (ขอพระสถิตกับเรา)
(Txais) Thov koob hmoov ntawm Huab Tais Yes Xus,
kev hlub ntawm Huab Tais Leej Txiv,
kev sib fim ntawm Leej Ntuj Plig
los nyob hauv peb sawv daws ib txhis.
1) Thaum peb thooj siab koom ntsws teev Ntuj
nyob hauv Yes Xus lub npe.
Huab Tais cog lus tias yuav nrog peb nyob
thiab mloog peb zaj thov. (Txais)
2) Thaum peb sib nyiam sib hlub xws li
Huab Tais Yes Xus hlub peb,
ntiaj teb neeg thiaj yuav paub tias
peb yog Huab Tais cov thwj tij. (Txais)
3) Thaum peb npaj siab txi Ntuj tiam sis
peb tseem muaj kev npau siab
peb yuav mus rov sib raug zoo
sib zam ua ntej peb txi Ntuj. (Txais)
17. Tswv Ntuj lub Tuam Tsev (พระวิหารศักดิ์สิทธิ์)
COV NKAUJ KHUV LEEJ
1. Huab Tais khuv leej (พระเจ้าทรงเมตตาเทอญ)
Huab Tais koj khuv leej yuad, Huab Tais koj khuv leej yuad.
Huab Tais Yes Xus thov koj khuv leej peb sawv daws yuad.
Huab Tais Yes Xus thov koj khuv leej peb sawv daws yuad.
Huab Tais koj khuv leej yuad, Huab Tais koj khuv leej yuad.
Huab Tais koj khuv leej yuad.
2. Huab Tais khuv leej peb (ข้าแต่พระเจ้า 1)
Huab Tais Tswv Ntuj thov koj khuv leej peb sawv daws.
Huab Tais Tswv Ntuj thov koj khuv leej peb sawv daws.
Yes Xus Huab Tais Leej Tub thov koj khuv leej peb sawv daws.
Yes Xus Huab Tais Leej Tub thov koj khuv leej peb sawv daws.
Huab Tais Tswv Ntuj thov koj khuv leej peb sawv daws.
Huab Tais Tswv Ntuj thov koj khuv leej peb sawv daws.
3. Huab Tais koj khuv leej yuad (พระเจ้าทรงเมตตาเราเทอญ)
Huab Tais koj khuv leej peb yuad.
Huab Tais koj khuv leej peb yuad.
Leej Pleev koj khuv leej peb yuad.
Leej Pleev koj khuv leej peb yuad.
Huab Tais koj khuv leej peb yuad.
Huab Tais koj khuv leej peb yuad.
4. Khuv leej peb (เมตตาข้าเทอญ)
Tswv Ntuj khuv leej peb yuad, khuv leej peb yuad, khuv leej peb yuad. Tswv Ntuj thov koj pab, khuv leej peb sawv daws yuad.
Leej Pleev khuv leej peb yuad, khuv leej peb yuad, khuv leej peb yuad. Leej Pleev thov koj pab, khuv leej peb sawv daws yuad.
Tswv Ntuj khuv leej peb yuad, khuv leej peb yuad, khuv leej peb yuad. Tswv Ntuj thov koj pab, khuv leej peb sawv daws yuad.
5. Thov koj khuv leej peb (ข้าแต่พระเจ้า 6)
Huab Tais Tswv Ntuj, khuv leej peb yuad.
Huab Tais Yes Xus Leej Pleev, khuv leej peb yuad.
Huab Tais Tswv Ntuj, khuv leej peb yuad.
6. Thov koj khuv leej (ข้าแต่พระเจ้า 5)
1) Huab Tais Tswv Ntuj, thov koj khuv leej peb.
Huab Tais Tswv Ntuj, thov koj khuv leej peb, khuv leej peb yuad.
2) Huab Tais Yes Xus, thov koj khuv leej peb.
Huab Tais Yes Xus, thov koj khuv leej peb, khuv leej peb yuad.
3) Huab Tais Tswv Ntuj, thov koj khuv leej peb.
Huab Tais Tswv Ntuj, thov koj khuv leej peb, khuv leej peb yuad.
7. Thov koj khuv leej, Huab Tais (ข้าแต่พระเจ้า 4)
Huab Tais Tswv Ntuj, thov koj khuv leej peb yuad.
Huab Tais Tswv Ntuj, thov koj khuv leej peb yuad.
Huab Tais Yes Xus Pleev, thov koj khuv leej peb yuad.
Huab Tais Yes Xus Pleev, thov koj khuv leej peb yuad.
Huab Tais Tswv Ntuj, thov koj khuv leej peb yuad.
Huab Tais Tswv Ntuj, thov koj khuv leej peb yuad.
COV NKAUJ CAV TXOG TSWV NTUJ LUB KOOB MEEJ
1. Nto meej nto moo (พระสิริรุ่งโรจนา)
(Txais) Huab Tais Ntuj nto meej nto moo tus nyob saum npoo ntuj lub Ceeb Tsheej.
Thov kom neeg qab ntuj no muaj kev noj qab nyob zoo mus li.
1) Peb thov cav txog nws, peb tus Huab Tais Tswv Ntuj siab zoo, uas koj pub txiaj ntsa txiaj ntsim, los pab ntiaj teb tib neeg sawv daws. (Txais)
2) Huab Tais Ntuj Leej Tub, tau tuaj txhiv peb kom dim kev tuag. Thov cav txog koj Leej Tub, thov kom nyob nto meej nto moo ib txhim. (Txais)
3) Yes Xus tus muaj hwj huam, koom nrog Leej Txiv thiab Leej Ntuj Plig, muaj lub koob meej nto moo lug, nyob mus tas txhiab niag tim puas xyoo. (Txais)
Ua li.
2. Tswv Ntuj nto meej nto moo (พระสิริมงคล)
1) Thov hawm txog Tswv Ntuj, Huab Tais Leej Txiv nto meej nto moo. Cov neeg nyob ntiaj teb, thov Tswv Ntuj hlub txhua leej txhua tus.
Peb tus Huab Tais Ntuj, tsoom ntseeg sawv daws zoo siab cav txog. Ntuj tus muaj hwj huam, hwj chim nyob nto moo lug ib sim.
2) Yes Xus Pleev, Huab Tais Leej Tub, cawm lub qab ntuj neeg. Kom ntiaj teb dig ntawm qhov txhaum, ua txim txi rau ntuj.
Thov Ntuj Leej Tub pab khuv leej, neeg ntiaj teb mus li.
3) Thov hawm Leej Ntuj Plig, ib txwm pab neeg kom muaj tswv yim. Kev txawj xav thoob tsib, kev txawj kev ntse tsis poob kev txhaum.
Thov Leej Tswv Yim Ntshiab, tus nto meej nto moo thiab ci ntsa iab, nrog Huab Tais Leej Txiv, Huab Tais Leej Tub nyob mus tas ib txhim.
3. Tus tsim ntiaj teb (สิริมงคล 2)
(Txais) Tus tsim ntiaj teb nto moo mus thoob qab ntuj,
ntiaj teb neeg tau kev noj nyob zoo, muaj qoob loo yug txoj sia.
Thov kom Ntuj nto moo lug.
1) Thov cav txog, peb tus Tswv Ntuj
nyob nto meej nto moo.
Tus Huab Tais kav hnub qub,
koj muaj koob meej nto moo mus li. (Txais)
2) Peb cav txog, Huab Tais Leej Tub
tus tau nqes los nyob hauv lub yaj ceeb no,
kom tau them neeg cov txim txhaum,
koj nyob nto meej nto moo. (Txais)
3) Thov cav txog koj, Leej Ntuj Plig Ntshiab,
koj pub lub txiaj ntsim thoob tsib.
Koj pub kev txawj kev ntse,
thov kom koj nyob mus nto moo. (Txais)
COV NKAUJ PAJ NRUAG
NPN 5. Txhua hnub txhua hmo (บทภาวนาเช้า)
1) Txhua hnub txhua hmo hauv kuv txoj sia,
kuv tau hnov Tswv Ntuj lo lus.
Yog Leej Txiv tus khuv leej neeg,
tau mloog kuv cov lus thov.
2) Txhua hnub txhua hmo ntuj tshiab tawm tuaj,
kuv muab siab ntsws npuab rau koj.
Huab Tais Tswv Ntuj khuv leej neeg,
kuv cev txoj sia rau koj.
3) Kuv thov txog koj mog,
dauv muag los mloog kuv lus.
Pub koj txoj kev ncaj coj kuv kev.
Kuv thov hawm Huab Tais tus muaj kev hlub ruaj khov.
Thov muab lub suab no los qhuas txog koj.
4) Txhua hnub txhua hmo yog Ntuj txiaj ntsim,
Huab Tais koj pub rau kuv.
Huab Tais Tswv Ntuj khuv leej neeg
thov nrog kuv nyob mus li.
NPN 23. Tus Zoo Tswv Zov Yaj
(Txais): Tus zoo tswv zov yaj, nws saib kuv. Kuv tsis paub txoj kev tshaib, txoj kev nqhis txoj kev txhawj.
Tus zoo tswv zov yaj, nws tso kuv nyob hauv tej tshav zaub mos. Nws coj kuv mus so nyob ze dej, kuv haus nws cov dej laj kuv lub siab.
Tus zoo tswv zov yaj, nws pom kuv nyiam nws lub npe.
Nws coj kuv mus kev, kuv taug ib lub hav tsaus ntuj qas nti, kuv tsis nco qab ntshai.
Tus zoo tswv zov yaj, koj rab pas nrig nyob ze kuv, ua kuv luag. Koj xav nplij kuv lub siab, koj tsa koj rab pas nrig nyob ze kuv.
Cov neeg ntxub xav hnyos kuv, koj npaj ib rooj qav nyob ntawm kuv xub ntiag. Koj pleev tshuaj tsw qab, rau saum kuv taub hau. Koj hliv cawv, pub lub ntim rau kuv haus.
Tas kuv sim neej, niaj hnub Ntuj txiaj ntsim los nres kuv. Kuv lub tsev yog lub tsev teev kuv tus Huab Tais. Tas kuv sim neej kuv xav tuaj xyuas nws lub tsev. (Txais)
NPN 23. Zoo Tswv Zov Yaj (พระเจ้าทรงเลี้ยงดู)
1) Tus Zoo Tswv Zov Yaj nws saib kuv, kuv tsis tshaib nqhis.
Nws tso kuv hauv tshav zaub mos, coj kuv nyob ze dej.
2) Tus Zoo Tswv Zov Yaj, nws ntxiv siab rau kuv tus plig,
nws coj kuv mus taug kev ncaj. Nws nrog kuv ua ke.
3) Huab Tais nrog nraim kuv kev, kuv taug kwj deg hav tsaus.
Txhua hnub hauv kuv sim neej, tsis ntshai xwv txheej dab tsi.
Nyob hauv Huab Tais Tswv Ntuj.
4) Huab Tais nrog nraim kuv kev, nws npaj rooj qav rau kuv.
Kev hlub kev kaj nrog kuv, kuv yuav mus nyob txheej hnub
hauv Huab Tais lub Ceeb Tsheej mus ib txhis.
NPN 27. Cawm koj haiv neeg (Save your people, O Lord)
(Txais) Cawm koj haiv neeg, Tswv Ntuj! Qhia peb txoj kev rov los tsev.
Peb tau khiav mus deb ntawm koj txoj kev hlub.
Cawm koj haiv neeg, Tswv Ntuj!
1) Tswv Ntuj, yam kuv thov ntawm koj yog nrhiav
kom tau nyob mus li hauv koj tsev,
kom kuv tau ntsia ntsoov koj txoj kev hlub
txhua hnub hauv kuv lub neej.
2) Koj yuav zais kuv nyob hauv koj phab tis
kom yeeb ncuab xib xub txhob raug kuv.
Koj tso kuv nyob saum lub ncov roob siab,
cawm kuv ntawm kev ntxhov siab.
3) Tswv Ntuj, koj mloog kuv lub suab hu koj.
Kuv tuaj lees kuv cov txhaum rau koj.
Thov koj ntxuav kuv kom kuv rov ntshiab tuaj,
kuv thiaj yuav dawb dua daus.
4) Kuv yuav cav txog koj tas kuv sim neej.
Kuv tsa tes thov thiab hu koj npe.
Tswv Ntuj, thov koj nco ntsoov koj haiv neeg.
Cawm koj haiv neeg, Tswv Ntuj.
NPN 34. Saj Huab Tais lub siab zoo (Taste and See)
(Txais) Nej saj saib! Nej yuav paub tias Huab Tais lub siab zoo.
Kwv tij, nej saj nej thiaj yuav paub tias Huab Tais lub siab zoo npaum cas.
1) Kuv cav txog Tswv Ntuj mus ib txhis.
Kuv di ncauj yuav cav txog Huab Tais Tswv Ntuj.
Kuv tus plig tau koob meej hauv nws
vim Tswv Ntuj siab zoo, nws tau hlub kuv.
2) Nej nrog kuv cav txog Huab Tais mog.
Peb sawv daws cav txog nws lub npe mus li.
Thaum kuv hu txog Huab Tais, nws teb.
Nws cawm kuv ntawm kev nyuaj thiab kev ntxhov.
3) Ib tsoom neeg, nej teev hawm nws mog.
Yog nej thov mas nws yuav pub rau nej tiag.
Nej saj nej yuav paub nws lub siab.
Peb tso siab lug nyob hauv Huab Tais Ntuj.
NPN 40. Kuv nyob nov (Here I am)
(Txais) Kuv nyob nov, Ntuj! Kuv nyob nov! Kuv xav ua xis koj siab.
1) Kuv tos ntsoov Tswv Ntuj los ntev lawm.
Nws hnov kuv lub suab hu.
Nws yog tus uas qhia zaj nkauj no rau kuv,
yog zaj nkauj cav txog nws.
2) Koj tsis kom kuv muab tej tsiaj txhu,
qoob loo los txi rau koj.
Koj pub qhov ntsej rau kuv kom kuv hnov koj.
Kuv teb tias ‘kuv nyob nov!’
3) Koj tau sau koj txoj cai rau kuv,
nws nyob nraim hauv kuv siab.
Kuv ua txoj hauj lwm raws li koj siab xav
mas kuv lub siab kaj lug.
4) Kuv tshaj koj txoj kev cawm nyob ntawm
koj haiv neeg ntshiab xub ntiag.
Kuv yuav tsis zais koj kev hlub thiab kev tseeb,
kuv cav txog koj mus li.
NPN 42. Nqhis Ntuj lus (As the deer)
Kuv ntsuj plig nrhiav Huab Tais li tus muas lwj nrhiav dej haus cawm txoj sia.
Kuv thiaj vam txog Ntuj Lus yug kuv tus plig kom loj hlob muaj zog tuaj.
Tswv Ntuj tiv thaiv kuv hauv kev tuag, Tswv Ntuj yog tus Huab Tais uas kuv nyiam.
Kuv thiaj tuaj hawm cav txog kuv tus Huab Tais Tswv Ntuj pub lus yug kuv.
NPN 84. Koj lub tuam tsev xis kuv siab (How lovely is your dwelling place)
NPN 98. Hu nkauj tshiab cav txog Tswv Ntuj (Sing a new song)
(Txais) Hu nkauj tshiab cav txog Huab Tais Ntuj.
Nej hu nkauj nrov nrov pem roob siab siab.
Hu nkauj tshiab cav txog Huab Tais Ntuj
tias As Les Lus Yas.
1) Tswv Ntuj haiv neeg dhia hom khaj nyob ntawm Huab Tais xub ntiag.
Lawv ntaus suab paj nruag tshuab puab tshuab hom
tshuab raj hu nkauj rau nws. (Txais)
2) Tsoom me nyuam nej sawv tsees los, tus cawm seej tuaj txog lawm.
Nws hloov kev txom nyem ua kev lom zem
ua peb tus plig luag ntxhi. (Txais)
3) Kuv tus plig hom khaj vim kuv tau pom Ntuj lub hwj huam.
Lub suab hom nrov, cov tuag sawv rov los,
tus cawm seej muaj sia nyob. (Txais)
NPN 139. Koj nyob ze (You are near)
(Txais) Tswv Ntuj, kuv paub koj nyob ze,
sawv nraim nyob ntawm kuv ib sab.
Koj thaiv kuv ntawm yeeb ncuab.
Koj coj kuv mus txog txoj sia nyob mus li.
1) Huab Tais! Koj tsom hauv kuv nruab siab.
Koj paub thaum kuv zaum los yog thaum kuv sawv.
Koj txhais tes yeej txuag kuv, npo kuv ntawm txoj kev tuag
thiab txoj kev puas tsuaj.
2) Kuv yuav mus qhov twg thiaj deb koj?
Txawm kuv nce saum ntuj los koj yeej nyob saud.
Txawm kuv hla dej ntuj sab tid los ya txog npoo ntuj,
kuv pom koj nyob ntawd.
3) Koj pom hauv kuv nruab siab nruab plawv.
Koj yog tus puab kuv thaum kuv nyob nruab thiab,
nyob hauv niam plab qhov tsaus, thaum tsis tau pom ntuj kag,
koj twb paub kuv lawm.
4) Koj cov hauj lwm yeej zoo tas nrho.
Huab Tais Ntuj, koj zaj tswv yim tob ua luaj.
Yog tias kuv suav tau mas yeej ntau npaum cov hnub qub,
koj nyob hauv txhua yam.
Saum ntuj daim av (แผ่นดินของเรา)
(Txais) Saum ntuj daim av, muaj Tswv Ntuj kev hlub nyob thoob huv.
Nruab nqhuab nruab hav, muaj Tswv Ntuj kev hlub nyob thoob thawm.
1) Cov hnub qub puv qaum ntuj yog Tswv Ntuj tsim tawm los ci ntsa rau sawv daws.
Niam nkauj hnub txiv nraug hli ci pom kev thiab tsaus ntuj qhia hnub hmo rau peb. (Txais)
2) Noog tuaj ti saum huab cua cov nroj tsuag hauv ntiaj teb yog Tswv Ntuj tsim los.
Cov tsiaj ntses hauv hav dej nyob muaj ntau hauv hiav txwv tsim rau neeg tau noj. (Txais)
3) Cov tib neeg txhua txhia chaw yog muaj tsim dua txhia yam muaj siab paub zoo phem.
Tsiaj hav dej los nruab nqhuab Ntuj tso rau neeg tau siv ua zaub mov yug sia. (Txais)
4) Ntuj txiaj ntsim txhua txhia yam yog Ntuj hlub ntiaj teb neeg kom siab nyiam Tswv Ntuj.
Yes Xus Pleev Ntuj Leej Tub nqis los coj peb hau kev cuag Tswv Ntuj Ceeb Tsheej. (Txais)
Tswv Ntuj thov txuag kuv (Shelter me, O God)
(Txais) Tswv Ntuj, thov txuag kuv. Koj zais kuv nyob rau hauv koj phab tis.
Koj yog kuv qhov chaw vam khom.
1) Thaum yeeb ncuab nyob ncig kuv, koj tsa kuv nyob siab dua lawv,
mloog kuv hu txog koj lub npe.
2) Thov koj txuag kuv zoo li leej niam txuag nws tus me nyuam,
puag kuv rau hauv koj xub ntiag.
3) Txawm kuv mus hauv qhov tsaus, hla lub rooj vam hauv kev tuag,
koj nyob nraim ntawm kuv ib sab.
COV NKAUJ CAV TXOG LUB MOO ZOO
1. As Les Lus Yas, koj muaj txoj kev zam
As Les Lus Yas! Koj muab txoj kev zam rau peb pom yuad, Tswv Ntuj siab zoo.
Koj pub txoj kev cawm neeg rau peb taug yuad! As Les Lus Yas.
2. As Les Lus Yas, kuv cov yaj
As Les Lus Yas! Kuv cov yaj mloog kuv lub suab.
Kuv paub kuv cov yaj, kuv cov yaj paub kuv.
Lawv raws li nraim kuv tus duab.
As Les Lus Yas! Kuv cov yaj mloog kuv lo lus.
Kuv paub kuv cov yaj, kuv cov yaj paub kuv.
Lawv raws li nraim kuv mus. As Les Lus Yas.
3. As Les Lus Yas, Leej Ntuj Plig
As Les Lus Yas! Leej Ntuj Plig koj los mas.
Koj los nyob hauv cov neeg ntseeg txog koj.
Koj ua lawv lub siab kub li hluav taws.
Koj xa koj lub tswv yim los mas,
mas tas lub ntiaj teb yuav tshiab tuaj.
As Les Lus Yas! As Les Lus Yas!
4. As Les Lus Yas, thov peb mloog (อัลเลลูยา วาทะพระเจ้า)
Thov peb mloog Tswv Ntuj lo lus uas cawm txoj sia,
thov caw peb txhua leej txhua tus cav txog Tswv Ntuj lus.
(Txais) As Les Lus Yas, As Les Lus Yas.
As Les Lus Yas, As Les Lus Yas.
As Les Lus Yas, As Les Lus Yas.
As Les Lus Yas, As Les Lus Yas.
Leej Pleev yog txoj kev, Leej Pleev yog qhov tseeb tiag.
Leej Pleev yog txoj sia los cawm peb dim nkawm kev txhaum. (Txais)
5. As Les Lus Yas, txhua haiv neeg (นานาชาติ)
Txhua haiv neeg cav txog Tswv Ntuj,
lawv xyiv fab thiab dhia hom khaj.
Ntuj lo lus yog muab txoj sia,
yuav tshaj mus thoob qab ntuj.
As Les Lus Yas, As Les Lus Yas.
As Les Lus Yas, As Les Lus Yas.
6. As Les Lus Yas, Yes Xus sawv rov los
(Txais) As Les Lus Yas! Yes Xus sawv rov los.
Ae Les Lus Yas! Nws yeej txoj kev tuag.
As Les Lus Yas.
Peb yuav tshaj rau txhia haiv neeg hais tias
peb tus Huab Tais lub theej kiab yog nws tus Ntoo Cuam.
Leej Pleev sawv hauv yeeb ceeb los
tas lub qab ntuj neeg rov zoo siab. (Txais)
7. As Les Lus Yas, Yes Xus yog txoj kev (Celtic Aleluia)
(Txais) As Les Lus Yas! As Les Lus Yas!
As Les Lus Yas! As Les Lus Yas!
1) Yes Xus hais tias ‘nej sawv daws
uas raug txoj kev iab thiab kev khwv,
nej tuaj cuag kuv mas, nej yuav tau so los siav.
2) Kuv yog cov mov muaj txoj sia.
Tus twg ntseeg thiab noj kuv lub cev,
txog hnub kawg kuv yuav tsa nws sawv rov qab los.
3) Kuv yog nej txoj kev mus cuag
Leej Txiv muaj hwj huam nyob saum ntuj.
Tus twg taug ntawm kuv, nws yuav mus txog Leej Txiv.”
8. Hu As Les Lus Yas rau Tswv Ntuj (ร้องอัลเลลูยา แด่พระเจ้า)
Hu As Les Lus Yas Rau Tswv Ntuj,
Hu As Les Lus Yas Rau Tswv Ntuj.
Hu As Les Lus Yas, hu As Les Lus Yas.
Hu As Les Lus Yas rau Tswv Ntuj.
(Hu As Les Lus Yas rau Tswv Ntuj)
9. Yes Xus sawv los lawm (อัลเลลูยา 1)
(Txais) As Les Lus Yas, As Les Lus Yas, As Les Lus Yas, As Les Lus Yas
1) Thaum Huab Tais Yes Xus sawv rov los,
coj txoj kev pom kev rau peb
muab kev hlub tag nrho tsis tseg
zoo li tus dej nyob mus ib txhis. (Txais)
2) Thaum lub hnub ci ntsa tim npoo ntuj
zoo li Yes Xus txoj kev hlub
tuaj mus txog thoob lub qab ntuj
sawv daws txhua tus nyob kaj siab lug. (Txais)
10. Yes Xus Pleev, peb cav txog koj (Caij Plaub Caug)
Yes Xus Pleev, peb cav txog koj, koj yog tus vaj muaj koob meej nto moo lug.
COV NKAUJ CEV MOV CEV CAWV
1. Cev rau Tswv Ntuj (ขอเทิดเกียรติ)
(Txais) Cev rau Tswv Ntuj, Cev rau Tswv Ntuj. Cev rau Tswv Ntuj ua cov txim, Ua li
1) Ua tsaug kuv tus Huab Tais Tswv Ntuj, Leej Txiv
ua tsaug koj tau txais cov mov peb cov txim.
Nplej tuaj hauv av, peb cov hauj lwm,
koj muab txia ua cov mov cawm sia.
Cev rau Tswv Ntuj, cev rau Tswv Ntuj. Cev rau Tswv Ntuj ua cov txim, Ua li (Txais)
2) Ua tsaug kuv tus Huab Tais Tswv Ntuj, Leej Txiv
ua tsaug koj tau txais cov cawv coj los txi.
Txiv cawv saum ntoo, peb cov hauj lwm,
Koj muab txia ua cov cawv cawm sia.
Cev rau Tswv Ntuj, cev rau Tswv Ntuj. Cev rau Tswv Ntuj ua cov txim. Ua li (Txais)
2. Cev siab ntsws rau saum thaj txi Ntuj (จากดวงใจสู่พระแท่น)
1) Thov muab peb lub siab ntsws mus cev rau Tswv Ntuj saum Thaj Txi Ntuj
xws li cov pa xyab ncho nce mus txog ntawm Tswv Ntuj nyob saum ntuj.
Peb xav cev cov txim ntshiab no, cev tas nrho peb lub siab lub ntsws rau Tswv Ntuj.
2) Xws li Huab Tais Yes Xus tuag nyob saum tus ntoo cuam ua cov txim
kom tau daws peb lub txim thiab txhiv peb kom dim ntawm lub qhov txhaum.
Yog lub Thaj Txi Ntuj tseem ceeb uas xis Huab Tais Tswv Ntuj lub siab ntsws kawg nkaus.
(Txais): Thiaj thov Huab Tais Leej Txiv txais cov txim ntawm peb siab ntsws. (siab ntsws)
Ntxuav peb qhov tsis huv tseg thiaj tsim nyog cev ua ib Thaj Txi Ntuj. (Txais)
3. Cov paj thiab txoj sia (ดอกไม้และดวงใจ)
1) Cov paj tshiab nra nyob saum lub thaj zoo puav tam lub siab, yuav muab los txi rau Ntuj.
Paj tshiab zoo saib, luag cav tias yog zoo nkauj. Tiam sis nyob hauv lub siab zoo dua tej ntawd.
2) Cov dej thiab cawv twb yuav txia ntshi ua mov yug txoj sia, tuaj nyob hauv nruab nrab peb.
Tswv Ntuj Leej Tub yeem tuag ua nqe txhiv peb, kom tau cawm, coj peb mus cuag Leej Txiv.
(Txais) Xav ua raws As Npes tus muaj siab ncaj.
Ib txwm tau xav muab lub siab los txi Ntuj.
Xav muab tas txhua yam uas yog muaj nqis,
muab coj los cev, Ntuj txiv koj tuaj txais mus.
4. Khoov cev sam hwm (ด้วยศรัทธา)
1) Khoov cev sam hwm Tswv Ntuj, Thaj Txi Ntuj cev rau tus muaj hmoov.
Yam tsw qab yog lawm paj hmab paj ntoo, peb muab los koom Leej Tub kev txi Ntuj tas.
(Txais) Txoj hauv kev kaj yog Ntuj Ceeb Tsheej.
Ntuj qhia qhov tseeb txog txoj sia nyob mus li.
Sib pab lub zog kom muaj kev ntseeg ruaj khov.
Huab Tais Pleev tuaj coj kom tau txuag peb tsoom neeg. (Peb cov Hmoob)
2) Paj hmab paj ntoos, tswm ciab ci ntsa, yog cov paj tshab peb nqa tuaj rau Tswv Ntuj.
Thov txog koj txais cia thiab mog Tswv Ntuj. Koj txais cov lus, Tswv Ntuj peb tuaj hawm koj.
5. Koom nrog Yes Xus txi Ntuj (ร่วมในบูชาของพระเยซู)
1) Thaj tseem ceeb yog Thaj Txi Ntuj yog kab ke ntshiab
nco txog Yes Xus txoj kev hlub peb.
Nws tuaj yeem muab nws lub cev thiab nws cov ntshav
cev rau Tswv Ntuj kom tau cawm peb.
(Txais) Peb ua ke cev lub siab lub plawv
nrog Leej Choj tus sawv peb sawv daws chaw.
Muab lub siab lub cev, cev rau Tswv Ntuj
nrog cov txi uas yog Yes Xus Pleev li.
2) Lub ncuav mov mog ntawm no yog av txi txiv
hloov tas txhia yam neeg hauj lwm tsim.
Cov cawv ntshiab nyob hauv lub ntim hloov kev lom zem,
yuav muab los txi rau koj, Tswv Ntuj. (Txais)
6. Lub siab nyiam Ntuj (ด้วยใจรัก)
1) Hauv lub siab uas nyiam Tswv Ntuj, thiaj tau cev Thaj Txi Ntuj no,
tas lub siab thiab tas txhia yam, Ntuj siab dav thov kom Ntuj txais.
2) Hauv lub siab puv Ntuj txiaj ntsim. Ntuj txiaj ntsim koj tuaj nres kuv.
Thov Tswv Ntuj koj tuaj cawm kuv. Huab Tais Ntuj thov koj txais mus.
(Txais) Tas txhia tsav txhia yam, kuv tso rau Ntuj txhais tes.
Coj lov cev rau Ntuj nres, Ntuj siab zoo thov kom Ntuj txais.
3) Yes Xus hlub nws thiaj nqes los. Nws nqes los qhia kev pom kev.
Yes Xus hlub nws tuaj yeem them, nws yeem tuag kom tau cawm peb.
7. Muab kev hlub txi rau Ntuj (บูชาแห่งรัก)
1) Koom cev txim rau Ntuj nrog Yes Xus Leej Pleev. Muab siab ntsws kev hlub los ua txim.
Saum Ntoo Cuam yog Theej Kiab tsob hwb qab ntuj, saum lub Thaj Txi Ntuj koom siab.
(Txais) Thov txaum yim rau Huab Tais Ntuj, yog tus pub mov thiab dej cawv
kom txia ua lub cev thiab cov ntshav. Thov hawm txog peb tus Tswv Ntuj,
tus ntxuav peb txoj sia kom ntshiab kom tau nyob npuab ze nrog Huab Tais.
2) Nrog cov pa tsw qab cav txog Ntuj txiaj ntsim, hauv kuv siab ntsws raug zoo nrog koj.
Tas kuv lub neej yog cov txiv muaj txoj sia, thov koj txais cov txim no mus. (Txais)
3) Li cov dej nyob hauv lub ntim rau cov cawv, yog lub siab quaj nrhiav txog Huab Tais.
Vam tau ntsib tau pom Tswv Ntuj txoj kev hlub, kom tau koom nrog Neeg Leej Tub. (Txais)
8. Muab lub cev lub siab
1) Kuv thov muab lub cev lub siab ua txhiam xws cev rau Tswv Ntuj
zoo li cov paj xyab ncho nce mus txog ntawm Tswv Ntuj.
2) Peb thov cev cov mov mog no cia koom nrog cov cawv ntshiab
kom hloov ua Yes Xus txoj sia los coj peb mus saum Ntuj Ceeb Tsheej.
3) Txia ua Yes Xus lub cev txia ua Yes Xus cov ntshav
kom yug peb tus ntsuj plig cia tau nyob ze Tswv Ntuj mus li.
4) Kuv thov muab lub cev lub siab tuaj koom nrog Leej Choj cev mus
nyob hauv peb lub Thaj Txi Ntuj kom nce mus txog saum Ntuj Ceeb Tsheej.
9. Peb cev cov mov (ข้าแต่พระบิดา 2)
1) Huab Tais Ntuj cov mov ntshiab no, peb cov neeg me muab cev rau koj.
Thov koj txais mus thiab foom hmoov zoo kom tau txia ua Yes Xus Leej Pleev lub cev.
2) Huab Tais Ntuj cov cawv ntshiab no, peb cov neeg me muab cev rau koj.
Thov koj txais mus thiab foom hmoov zoo kom tau txia ua Yes Xus Leej Pleev cov ntshav.
(Txais) Lub caij thaum nyob saum Ntoo Cuam, Yes Xus tu siav cawm ntiaj teb.
Zim txwv no nyob saum lub thaj, peb cev cov txim, koj pub txoj sia.
3) Huab Tais Ntuj peb cev cov mov yog cov mov coj los txi rau koj,
thov koj txais cov mov peb cev no peb thiaj tau nyob hauv Thaj Txi Ntuj.
10. Thaj txi Ntuj nyob ib sim (บูชานิรันดร์)
1) Mov mog yog lub Cim Yug ntshiab huv, ncuav mov ces yog Yes Xus lub cev.
Lub ncuav mov mog peb cev ntawm no yog cov ua Thaj Txi Ntuj.
2) Cov cawv tsw qab nyob hauv lub ntim, yog cawv ntxiv zog rau peb tus plig.
Cawv ntshiab no yog Yes Xus cov ntshav. Thaj Txi Ntuj ib sim.
3) Peb muab los txi rau Leej Txiv, cev txoj sia thiab siab ntsws.
Thov koj muab ntxuav kom huv si, kom peb muaj txoj sia tshiab hauv Tswv Ntuj.
4) Zoo siab muab los cev rau Tswv Ntuj, thov koj ntsia yog qhov xis koj siab.
Yog cev tas peb lub siab lub ntsws, cev rau koj mus tas ib txhis.
Cev rau koj mus tas ib txhis.
11. Thov cev txim (ขอทูนถวาย)
1) Peb thov cev peb lub siab lub ntsws, koom nrog Leej Choj hauv lub Cim Yug,
thov kom Tswv Ntuj foom ib lo lus kom peb yuav koom nrog vaj Yes Xus.
Thov koom nrog koj thooj ib lub siab, muab ib lub siab tas nrho los cev.
Yam twg tsis zoo koj ntxuav pov tseg, kom nyob hauv peb koom ib lub siab.
2) Koj tuaj nyob saum cov mov mog ntshiab kom pab lub ntiaj teb kev thaj yeeb,
koom siab koom ntsws nrog ib tsoom ntseeg, koom siab koom ntsws kom nto koob meej.
Thov cev lub siab lub ntsws rau koj, peb muab los nrog Leej Choj cev mus.
Peb yuav muaj feem los ntseeg Yes Xus, muaj siab sib hlub hauv cov txim no.
3) Cov dej uas Leej Choj hliv los xyaw cawv, yog peb sawv daws cov ntseeg koob hmoov
uas peb cev rau Huab Tais Tswv Ntuj, koom Yes Xus Pleev cov ntshav Txi Ntuj.
Leej Tswv Yim Ntshiab pab lub txiaj ntsim, kom tau nyob ze Yes Xus mus li.
Txoj sia lub neej tsis tsaus ntuj nti, mus txog hnub kawg nyob kaj siab.
COV NKAUJ HUAB TAIS NTSHIAB
1. Faj Tim (ศักดิ์สิทธิ์ พระองค์ทรงฤทธิไกร)
Faj Tim, Faj Tim, Faj Tim. Ntuj muaj hwj chim loj tshaj,
tus tswv koj kav saum ntuj. Peb tuaj hawm tus tswv nyob siab.
Peb qhuas txog, peb qhuas txog, peb qhuas txog. Peb qhuas txog tus tswv nyob siab.
Tswv Ntuj peb tuaj thov hawm koj. Peb cav txog tus tswv nyob siab.
2. Faj Tim Huab Tais Ntshiab
Faj Tim Huab Tais Ntshiab, Tswv Ntuj kav tsoom hnub qub.
Koj nto koob meej mus puv lub ntuj lub teb,
koj muaj txoj sia mus li nyob txheej ntuj saud.
Tus tuaj ntawm Huab Tais xub ntiag tuaj nto moo lug.
Nws muaj txoj sia mus li nyob txheej ntuj saud.
3. Huab Tais Ntshiab (ทรงฤทธิ์งามล้ำ)
Tswv Ntuj, Tswv Ntuj tus ntshiab.
Tswv Ntuj kav tsoom hnub qub.
Koj nto koob meej moo lug puv lub ntuj thiab lub teb.
Koj muaj txoj sia mus li nyob sab txheej ntuj saud.
Tus nqes saum Tswv Ntuj los, nyob mus nto meej nto moo.
4. Thov Ntuj cov Tshiab (ขอเทพนิกร)
Thov Ntuj cov Tshiab, neeg ntiaj teb sawv daws tas tib si
los hawm txog tus Huab Tais tsim tas txhua txhia yam.
Hos Lis, Hos Lis, Hos Lis Tswv Ntuj nto moo mus li.
Hos Lis, Hos Lis, Hos Lis Yes Xus thov koj cawm peb.
COV NKAUJ YAJ TXI TSWV NTUJ
1. Kev hlub twg tsis npaum Yes Xus (ไม่มีรักใดเท่า)
Tsis muaj lwm txoj kev nyiam loj cuag li Yes Xus, nws yeem muab txoj sia uas tsim nqe pub rau peb.
Yes Xus yog Tswv Ntuj leej tub ntshiab nyob saum ntuj. Nws tuag kom tau cawm peb cov neeg lub txim txhaum.
Auj! Yes Xus Pleev (auj! Yes Xus Pleev) yaj txi Tswv Ntuj (yaj txi Tswv Ntuj)
tus txawj hlub neeg, koj khuv leej peb yuad. Auj! Yes Xus Pleev (auj! Yes Xus Pleev)
yaj txi Tswv Ntuj (yaj txi Tswv Ntuj) tus txawj hlub neeg, pub peb nyob thaj yeeb.
2. Tswv Ntuj kev hlub (ความรัก)
Tswv Ntuj kev hlub loj tiag, muab txoj sia txhiv neeg rov qab.
Muab lub cev daim nqaij thiab ntshav cev saum Thaj kom tau cawm peb.
Thov koj khuv leej peb mas, coj peb hla dim kev tuag,
los npuab nyob ze Tswv Ntuj, kaj siab lug hauv Huab Tais.
3. Tus cawm seej (พระชุมพา 1)
Tus cawm seej yog tuaj ntawm Ntuj, peb thov koj hlub uas koj yog tus muaj yeej.
Koj yog tus zam txim txhaum txheej mus dhau txheej.
Koj nto koob meej nrog Leej Txiv mus li.
4. Yaj Txi Tswv Ntuj (ชุมพาพระเจ้า)
Yaj Txi Tswv Ntuj, yaj ris qab ntiaj teb tib neeg cov txhaum, thov khuv leej peb yuad.
Yaj Txi Tswv Ntuj, yaj tuag kom peb qab ntuj neeg ciaj sia, tuaj yug peb txoj sia.
Yaj Txi Tswv Ntuj, yaj ua koj lub cev yog zoo tshuaj, ua peb siab kaj lug.
5. Yes Xus peb tus Yaj (องค์ความรัก)
Yes Xus, Yaj Txi Tswv Ntuj kev hlub them peb cov txhaum.
Yes Xus, Tswv Ntuj Leej Yaj los tsa peb dim kev tuag.
Cov ntshav ntxuav peb kom huv lub cev yug peb muaj sia.
Ntoo Cuam coj peb mus txog Leej Txiv Tswv Ntuj Ceeb Tsheej.
Yes Xus kev tuag cawm peb txhiv peb hauv cov txim txhaum.
6. Yes Xus, Yaj Txi Tswv Ntuj (โอ้ชุมพา)
Yes Xus Pleev, Yaj Txi Tswv Ntuj tuaj cawm peb ntiaj teb neeg txhaum,
coj sawv daws dim hauv kev tuag. Leej Pleev raug ntsia tuag saum tus Ntoo Cuam
kom peb sawv daws tau kev cawm. Ntuj Leej Tub, Tswv Ntuj Leej Tub
muab txoj sia txi rau Ntuj, coj sawv daws mus cuag Tswv Ntuj Ceeb Tsheej.
COV NKAUJ TXAIS CIM YUG
1. Cav txog Leej Pleev lub cev (Song of the body of Christ)
(Txais) Peb tuaj cev peb lub neej rau koj. Peb tuaj txais koj lub cev ntshiab.
Peb thiaj paub txog peb txoj kev sawv rov qab los.
1) Peb tuaj vim peb yog koj haiv neeg, vim peb yog koj li ntiag tug,
peb sib sau ua ib tsev neeg nyob hauv txoj kev hlub.
2) Koj hu peb mus nplij cov tu siab, cog kev cia siab rau cov pluag,
pub mov rau cov neeg txom nyem tshaib nqhis nyob ncig peb.
3) Koj yog mov muaj sia, ntshav cog lus, yog rooj qav sau peb ua ke.
Txawm peb ciaj peb tuag, thov kom lub Ceeb Tsheej los txog.
4) Koj coj kev, peb yuav raws koj mus. Koj yog txoj pa pub txoj sia.
Koj yog dej muaj txoj sia, peb vam koj qhov pom kev.
5) Peb hu nkauj cav txog koj mus li! As Les Lus, As Les Lus Yas!
Thov kom peb sib hlub thiab nyob thaj yeeb tas peb sid.
2. Cov muaj hmoov zoo (บุญลาภ)
1) Cov muaj hmoov zoo yog cov pluag hauv nruab siab, vim tias Ntuj lub Ceeb Tsheej yuav yog lawv li.
Cov muaj hmoov zoo yog cov tshaib nqhis txog txoj kev ncaj, vim lawv yuav tau txais kev puv siab mus li.
2) Cov muaj hmoov zoo yog cov neeg uas mloog lus, lawv yuav tau lub ntiaj teb los ua lawv tug.
Cov muaj hmoov zoo yog cov neeg uas hlub luag tej, vim tias yuav muaj tus nthuav tes hlub lawv.
3) Cov muaj hmoov zoo yog cov tsim kev thaj yeeb, lawv yuav tau hu ua Ntuj cov me nyuam.
Cov muaj hmoov zoo yog cov siab dawb siab huv, lawv yuav tau mus pom Tswv Ntuj ntsej muag.
4) Cov muaj hmoov zoo yog cov neeg uas quaj ntsuag, vim tias yuav muaj tus tuj nplij lawv lub siab.
Cov muaj hmoov zoo yog cov raug luag hiam vim kev ncaj, lawv li paj tshab yog Ntuj Ceeb Tsheej.
5) Nej txoj hmoov zoo, nej raug luag hiam vim kuv. Cov paj tshab saum ntuj yuav yog nej li.
Nej txoj hmoov zoo, nej txoj hmoov zoo. Leej twg ua li no nws txoj hmoov zoo.
3. Cov tautxoj hmoov zoo
1) Cov muaj hmoov zoo yog cov pluag hauv nruab siab
Ntuj lub Ceeb Tsheej yog lawv li.
Cov muaj hmoov zoo yog cov quaj ntsuam,
yuav muaj tus nplij lawv.
(Txais) Nej nyob kaj siab lug, nej txoj hmoov zoo,
nej siab dawb huv.
Nej nyob kaj siab lug,
Ntuj lub Ceeb Tsheej yog nej tus.
2) Cov muaj hmoov zoo yog cov siab zoo,
lawv yuav txais lub ntiaj teb ua lawv tug.
Cov muaj hmoov zoo yog cov nqhis txog txoj kev ncaj,
yuav muaj tus daws lawv qhov nqhis. (Txais)
3) Cov muaj hmoov zoo yog hlub luag tej,
yuav muaj tus hlub lawv.
Cov muaj hmoov zoo yog cov siab huv,
lawv yuav pom Tswv Ntuj. (Txais)
4) Cov muaj hmoov zoo yog cov tsim kev thaj yeeb,
lawv yog Tswv Ntuj cov me nyuam.
Cov muaj hmoov zoo yog cov ntseeg txog kuv,
Ntuj lub hwj chim yog lawv li. (Txais)
5) Yog nej raug luag hiam, vim nej tau nyiam kuv,
mas nej txoj hmoov zoo.
Nej nyob kaj siab hlub, Tswv Ntuj lub Ceeb Tsheej
yuav ci rau sawv daws pom. (Txais)
4. Kev hlub hauv Tswv Ntuj (พักพิงในพระเจ้า)
1) Nyob ntiaj teb muaj kev ntxhov siab lwj plawv, sawv daws yuav los koom siab sib hlub
sib pab sib txhawb zoo li kwv tij neej tsa. Los mog peb ua ib cuab ib yig.
2) Yog ntiaj teb muaj kev sib hlub sib pab, sawv daws yuav los muaj kev sib fim xyiv fab.
Kev hnyav kev ntshai kev ntsuag yuav ploj yuav mus. Sawv daws los mog sib pab sib hlub.
(Txais) Kev hlub hauv Tswv Ntuj, kev hlub hauv Yes Xus yog txoj kev qhov tseeb txoj sia.
Sib hlub hauv Tswv Ntuj, sib hlub hauv Yes Xus yog qhov zoo qhov tseeb tiag tsis txawj tuag,
coj mus cuag Huab Tais Ntuj thiab Leej Ntuj Plig Ntshiab.
Vim peb leeg koom ua ib tug Huab Tais muaj hwj chim, ua vaj nyob mus li.
5. Kuv hnov Yes Xus hu kuv (I heard the voice of Jesus)
1) Kuv hnov Yes Xus lub suab hais tias ‘Cov raug kev iab kev khwv,
tuaj cuag kuv thiaj tau so, nej los pw hauv kuv lub xub ntiag.’
Kuv tuaj cuag Yes Xus thaum kuv raug kev txom nyem thiab quaj ntsuag.
Kuv nrhiav tau chaw so nyob hauv nws, nws ua kuv siab kaj lug.
2) Kuv hnov Yes Xus lub suab hais tias ‘Nej tuaj, kuv zoo siab muab
cov dej uas pub txoj sia rau nej haus kom muaj txoj sia nyob.’
Kuv tuaj cuag Yes Xus thiab kuv haus cov dej uas pub txoj sia
los daws kuv tus plig txoj kev nqhis, nyem no kuv nyob hauv nws.
3) Kuv hnov Yes Xus lub suab hais tias ‘Kuv yog ntiaj teb kev kaj.
Tuaj cuag kuv, koj kev quaj yuav ploj koj yuav muaj kev kaj siab.’
Kuv tuaj cuag Yes Xus, kuv nrhiav tau lub hnub lub hli hauv nws.
Kuv yuav taug txoj kev pom kev ntawd mus kom tag kuv sim neej.
6. Kuv ntseeg txog Tswv Ntuj (ลูกเชื่อในพระองค์)
1) Kuv ntseeg Tswv Ntuj tas nrho, kuv ntseeg Tswv Ntuj.
Kev ntiaj teb thaiv kuv kev, kuv ntseeg txog Tswv Ntuj.
Huab Tais Ntuj qhia tseem ceeb, kuv thiaj li mloog nws lus.
Kuv ntseeg Tswv Ntuj tas nrho, kuv ntseeg txog Tswv Ntuj.
2) Kuv tso siab rau Tswv Ntuj, kuv tso siab tiag.
Kev txhawj xeeb nyob ncig kuv, Tswv Ntuj txawj tshem tas.
Thov pub txiaj ntsim rau kuv, kom ua siab loj zuj zus.
Kuv tso siab rau Tswv Ntuj, kuv tso siab tiag tiag.
3) Kuv nyiam Tswv Ntuj tas nrho, kuv nyiam Tswv Ntuj.
Thaum twg kuv taug kev nyuaj, nws los nplij kuv siab.
Thov koj txhib kuv lub siab, kom kuv txawj nyiam koj tiag.
Kuv nyiam Tswv Ntuj tas nrho, kuv nyiam Tswv Ntuj tiag.
4) Kuv xav nrog Tswv Ntuj nyob, kuv xav tas zog.
Nyob hauv Huab Tais xub ntiag, kuv yuav nyob kaj nrig.
Thov koj tuav kuv txhais tes, mus nyob hauv koj lub tsev.
Kuv xav nrog Tswv Ntuj nyob, kuv xav tas zog.
7. Lub siab nrhiav Ntuj (ใจข้าแสวงหา)
1) Nyiam Tswv Ntuj tas siab tas ntsws, hlub Huab Tais dhau txhua txhia yam.
Kuv nrhiav txog koj kev hlub kev nyiam txhua hnub txhua hmo.
(Txais) Kuv thiaj tsa suab quaj hu txog koj, thov Huab Tais Tswv Ntuj,
kom kuv tau txais Tswv Ntuj txiaj ntsim tas ib txhis hauv kuv txoj sia, kuv thov koj mog.
2) Xav ntsib koj nyob hauv txoj sia, xav nrog koj nyob mus ib txhis.
Kuv nrhiav txog koj kev hlub kev nyiam txhua hnub txhua hmo. (Txais)
3) Ua siab muag txais Ntuj Lo Lus, ua siab tus coj mus ua raws
thiaj tau paub txog kev hlub kev nyiam txhua hnub txhua hmo. (Txais)
4) Muaj tej zaug siab tsis tiaj tus, muaj tej zaug kuv tso Ntuj tseg,
Kuv txawm vam khom Huab Tais Tswv Ntuj coj kuv kev mog. (Txais)
8. Nco ntsoov txog Yes Xus (Keep in mind)
(Txais) Peb yuav nco txog Yes Xus Pleev, nws tuag txhiv peb, nws sawv rov qab los.
Nws rhuav peb lub txim txhaum thiab pub txoj sia nyob mus li.
1) Yog peb nrog Leej Pleev tuag, mas peb nrog nws muaj sia.
Yog nrog nws ris kev txom nyen, peb thiaj nrog nws ua vaj.
2) Nws ris peb tej kev txhawj, nws yog kev zoo siab.
Nws pub kev hlub rau peb, peb thiaj nyob kaj lug.
3) Nws daws tas peb qhov nqhis, nws pub kev thaj yeeb.
Txiaj ntsim txhawv ntawm nws los thiab kho peb zoo hlo.
9. Tswv Ntuj kev hlub (สวรรค์ชาวดิน)
1) Tswv Ntuj kev hlub los txog ntiaj teb no,
yog Leej Tub Yes Xus nqis los ua neeg tseeb tiag.
Nws hais tias txawm pluag txawm ntsuag thiab muaj,
peb yog kwv tij neej tsa yuav tsum sib hlub txhawb nqa.
2) Yes Xus kev hlub los txog ntiaj teb no,
nws tau qhia ua qhov zoo qhov yog thiaj li tsim nyom,
nws tau muab nws tus kheej thiab txoj sia
los theej tib neeg lub txim lub txhaum, kom muaj sia.
(Txais) Yes Xus Pleev tau hais tseeb qhia kuv yog txoj kev qhov tseeb thiab yog txoj sia.
Yog nej ntseeg ua raws li kuv lus qhuab qhia, nej yuav muaj txoj sia tshiab.
Yes Xus lo lus hais tseg.
10. Ntuj lub txiaj ntsim (Amazing grace)
1) Ntuj lub txiaj ntsim muaj zog tas nrho cawm neeg ntxhov siab li kuv.
Yav tas kuv yuam kev, nyem no kuv hloov siab. Dig muag lawm los kuv rov pom.
2) Ntuj lub txiaj ntsim tau qhia rau kuv kom txawj ua neeg siab zoo.
Ntuj lub txiaj ntsim muaj nqis tas nrho, tawm tuaj thaum kuv los ntseeg.
3) Txawm muaj xwm txheej ntau yam raug kuv, kuv ua siab loj tas nrho.
Ntuj lub txiaj ntsim tau cawm kuv tiag. Nws coj kuv mus txog Ceeb Tsheej.
4) Huab Tais tau cog lus zoo rau kuv, kuv thiaj muaj kev tso siab.
Thaum kuv tseem ua neej nyob ntiaj teb, nws ua daim leem phiaj thaiv kuv.
5) Thaum peb nyob saum ntuj txhiab vam xyoo ci ntsa iab xws lub hnub,
peb tseem hu nkauj cav txog Tswv Ntuj mus tag ib txhiab ib txhis.
11. NYob hauv hmo kawg (ในคืนสุดท้าย)
1) Nyob hauv hmo kawg uas Vaj Yes Xus tseem muaj txoj sia zoo ib yam li peb,
Yes Xus tau muab lus qhia rau peb sawv daws. Hais rau sawv daws sib nyiam sib hlub.
2) Yog lub ntsiab lus hauv ntawv Moo Zoo ua muaj txoj sia npuab cia nrog Tswv Ntuj.
Yes Xus tseem yog txoj kev uas nyob kaj lug rau cov neeg uas coj nraim Tswv Ntuj Lo Lus.
(Txais) Yes Xus Pleev muaj hwj chim, yeem muab txoj sia los txi rau Ntuj.
Muab nws lub cev los ua mov pub txoj sia kom coj los cia yug sia ib sim.
3) Kom peb muab siab rau Ntuj Lo Lus. Tas peb sim neej nco ntsoov ua qhov zoo.
Ntshai yuav nco ntsoov, yuav ua raws li Tswv Ntuj, yuav coj lub siab sib nyiam thiab sib hlub.
12. Nyob nrog Tswv Ntuj (สายสัมผ้ส)
1) Ntuj nrog nraim peb niaj hnub, peb nyob ruaj hauv Ntuj kev hlub.
Peb nyob hauv kev saib xyua, Ntuj yuav coj txog Ntuj Ceeb Tsheej.
Ntuj nrog nraim peb niaj hnub.
(Txais) Yes Xus kev tuag kev quaj ntsuag tu siab, yam no tau pab peb kom mus txog
nyob saum Ntuj Ceeb Tsheej. (Yuav nyob nrog Ntuj niaj hnub, yuav nyob nrog Ntuj niaj hnub)
2) Nyob nrog nraim Ntuj niaj hnub, nyob ruaj hauv Ntuj kev hlub.
Yog koj nyob hauv Tswv Ntuj zoo koj siab koj yuav paub.
Ntuj nrog nraim peb niaj hnub. (Txais)
3) Yog koj nyob hauv Tswv Ntuj zoo koj siab koj uav paub.
Yog koj ntseeg koj tso siab, Ntuj yuav cia koj dim kev khwv.
Ntuj nrog nraim peb niaj hnub. (Txais)
13. Sib hlub li kuv hlub nej (จงรักกันและกัน)
(Txais) Sib hlub sib nyiam sib pab, sib txhawb sib nqa mus li.
Sib hlub sib nyiam xws li, kuv tau hlub nej mog.
1) Nej sawv daws txais kuv lub cev mus noj, yog lub cev puas pab nej.
Nej sawv daws haus hauv lub ntim no mog, yog ntshav cog lus tshiab. (Txais)
2) Nej yog lub teeb ci rau lub ntiaj teb, lub teeb ci tsom pom kev.
Nej yog cov ntsev las lub ntiaj teb, muaj pob ntseg tig mloog mog. (Txais)
14. Tib lub ncuav mov tib lub cev (One bread one body)
(Txais) Peb nrog ntau haiv neeg nyob thoob qab ntuj
noj tib lub mov haus tib lub ntim
uas Tswv Ntuj foom los cawm neeg txoj sia.
Peb yog ib lub cev nyob hauv Tswv Ntuj.
1) Nyob hauv Tswv Ntuj, tus muaj tus pluag,
tus nom tus qhev sib hlub. (Txais)
2) Tus ntseeg tsis ntseeg, poj niam txiv neej,
Tswv Ntuj yeej hlub tas nrho. (Txais)
3) Txiaj ntsim paj tshab, txhua yam hauj lwm,
yog Tswv Ntuj li ntiag tug. (Txais)
15. Tso siab hauv Tswv Ntuj (มั่นใจในพระองค์)
1) Lub siab kaj lug hauv Tswv Ntuj. Ntuj tau khuv leej peb tsoom neeg
tau muab txoj sia los txhiv sawv daws txim txhaum, kom peb tau nyob kaj siab lug.
2) Lub siab ntxhov hnyo tsaus ntuj nti, tsis muaj siab ua neej mus ntxiv.
Thov kom Leej Pleev los nres lub neej sawv ruaj thiaj muaj lub zog tiv kev nyuaj.
(Txias) Tswv Ntuj yog (Tswv Ntuj yog) chaw sov siab (chaw sov siab) tshaj txhua yam pab peb kaj siab.
3) Yam peb xav ntsib saum Ceeb Tsheej, nyob ze Tswv Ntuj mus tag ib txhis.
Nyob ntiaj teb no tsis muaj dab tsi ruaj nreb tsuas yog Ntuj hlub mus ib txhis.
16.Tswv Ntuj cog lus (พระสัญญา)
1) Niaj hnub tshiab yus ntsib Tswv Ntuj txhia sij hawm muaj kev vam.
Niaj sawv ntxov muaj tshav ci ntsa txoj kev ua lub neej tseem yuav sib pab sib nres.
2) Tswv Ntuj foom hmoov zoo rau yus txhua yam. Muaj txoj kev txhawj xeeb, nws los tuav yus tes.
Muaj Ntuj lub txiaj ntsim nrog yus tsis tseg, muaj zog tiv tus phem txoj kev haub ntxias.
3) Nyob hauv lub neej uas txom nyem ntxhov siab, kev tsaus ntuj nti ntsia tsis pom kev,
los kuj tseem tshuav kev hlub los nres. Txoj kev hlub ntawd yog Tswv Ntuj muab.
4) Muaj kev hlub kev nyiam ntau tshaj yam tus dej dav ntws ntxee yees.
yus yuav tso siab rau tus tsim neeg, muab tus plig rau Leej Txiv saib.
Yus yuav tso siab rau tus tsim neeg, muab tus plig rau Leej Txiv saib.
18. Txhua yam nej tau ua (ทุกสิ่งที่ท่านได้ทำ)
(Txais) Txhua yam uas nej tau ua rau cov me hauv kuv tsoom kwv yog nej ua rau kuv lawm.
1) Thaum kuv tshaib tshaib plab, nej muab rau kuv noj. Thaum kuv nqhis nqhis dej, nej muab rau kuv haus.
Nej sawv daws los nyob hauv kuv Leej Txiv lub tsev. (Txais)
2) Thaum kuv tsis muaj vaj tse nyob, nej txais kuv. Thaum kuv khaub hlab hnyov, nej muab rau kuv hnav.
Nej sawv daws los nyob hauv kuv Leej Txiv lub tsev. (Txais)
3) Thaum kuv sab qaug zog, nej nrhiav chaw kuv so. Thaum kuv txhawj xeeb ntxhov siab, nej tuaj nplij kuv.
Nej sawv daws los nyob hauv kuv Leej Txiv lub tsev. (Txais)
19. Txoj kev, qhov tseeb, txoj sia (หนทาง ความจริง ชีวิต)
1) Yes Xus hais tias kuv yog txoj kev uas taug tsis muaj xwm txheej.
Yog txoj kev coj peb ntsuj plig mus txog pem Ntuj.
2) Yes Xus hais tias kuv yog qhov tseeb yog lub chaw so, yog qhov tseeb uas nyob mus li.
Thaum twg muaj txoj kev ntxhov siab, peb yuav nrhiav qhov tseeb hauv Tswv Ntuj.
3) Yes Xus hais tias kuv yog txoj sia leej twg kub siab ua raws Tswv Ntuj siab xav,
leej twg coj nraim Tswv Ntuj lo lus tab txawm tuag lawm yeej yuav sawv rov qab los.
4) Txoj kev, qhov tseeb thiab txoj sia yog Vaj Yes Xus tus uas tuag txhiv peb,
yog txoj kev coj peb mus nrog Leej Txiv nyob mus ib txhis.
Txoj kev, qhov tseeb thiab txoj sia yog Vaj Yes Xus tus uas tuag txhiv peb,
yog txoj kev yuav txhiv txoj sia mus li yuav yog peb li paj tshab.
Txoj kev, qhov tseeb thiab txoj sia. Txoj kev, qhov tseeb thiab txoj sia.
20. Txoj kev tshiab (หนทางใหม่)
1) Peb lub neej lawm yav tom ntej yeej ntsuas tsis tau,
yuav tu siab los txawm sov siab xyiv fab npaum cas,
txawm tau zoo los kev iab kev khwv kev sab,
txoj kev tshiab yuav zoo li cas peb tsis paub taug.
2) Txhia niaj hnub peb ntseeg tso siab rau Huab Tais Ntuj.
Ntuj tau txuag thiab hwj peb mus tsis pub kom vau.
Cia li mloog Huab Tais lus qhia thiab mus taug
rau txoj kev mus Ntuj Ceeb Tsheej uas kaj lug.
3) Tab txawm yog txoj kev no yuav tsum hla
niam dej dag muaj ceem ntws ntxhee yees
txawm roob siab nco tshab ntuj los yuav nce
vim muaj Tswv Ntuj nrog yus mus ua kwv luag.
4) Tswv Ntuj kev hlub ruaj nreb xws tsua caj zeb
vim hlub nws thiaj pab peb thiab los nyob ze,
nrog peb mus ua ke tsis muaj hnub nrug.
Peb rhais ruam mus kaj lug nyob hauv Tswv Ntuj.
21. Xub nrhiav Tswv Ntuj (Seek Ye first)
1) Neeg tsis kawg muab mov los yug siav xwb,
neeg tseem yuav cov lo lus
tawm ntawm Tswv Ntuj lub ncauj los yug siav thiab.
As les lus, as les lus yas.
2) Nej yuav xub nrhiav Tswv Ntuj lub Ceeb Tsheej
thiab nws txoj kev ntshiab tso,
ces Ntuj yuav pub puas tsav yam ntxiv rau nej.
As les lus, as les lus yas.
3) Nej thov ces Tswv Ntuj yuav muab rau nej.
Nej nrhiav ces nej yuav ntsib.
Nej khob qhov rooj ces Ntuj yuav qhib rau nej.
As les lus, as les lus yas.
22. Yes Xus lub npe zoo (เยซู นามนี้ไพเราะ)
1) Yes Xus lub npe no zoo tas nrho, leej twg tau hnov zoo nws lub siab.
Nws yog Tswv Ntuj Leej Tub nqis los, nws yog tus coj txoj sia rau peb.
2) Yes Xus lub npe no muaj hwj chim, yog lub txiaj ntsim coj peb dim tau.
Tswv Ntuj Leej Tub hlub peb kawg nkaus, nws yeem raug tuag kom pab peb dim.
3) Yes Xus lub npe no zoo mus li, nws yog tus txhiv kom peb tau dim.
Nws raug luag nkaug vim peb lub txim, tiam sis nws rov txais kev yeej lawm.
4) Yes Xus lub siab no zoo kawg nkaus, nws tau hlub peb haiv neeg sawv daws.
Peb zoo siab txais Yes Xus los hawm, ua peb sawv daws tus Vaj Tswv Ntuj.
5) Yes Xus lub siab no zoo kawg nkaus, nws tau hlub peb haiv neeg sawv daws.
Peb yuav zoo siab txais Yes Xus los, ua peb sawv daws tus Huab Tais Ntuj.
23. Yim txoj hmoov zoo (ความสุขแท้ 8 ประการ)
Yog tus twg xav los paub txog cov muaj hmoov zoo
cia nws los mloog Huab Tais Yes Xus lo lus qhia
cov lo lus nyob saum roob lub Moo Zoo rau neeg qab ntuj
Yes Xus zaum tsa ncauj qhia lo lus pub txoj sia rau tus mloog.
1) Tus tau txoj hmoov zoo yog tus siab pluag
tso siab rau Huab Tais Tswv Ntuj
Nws xub nrhiav Yes Xus Pleev
Ntuj Ceeb Tsheej yog nws lub cuab tam.
2) Tus tau txoj hmoov zoo yog tus quaj ntsuag
los kua muag vim nws tu siab
rau kev phem thiab cov txhaum
coj nws mus poob qhov tuag
3) Tus muaj hmoov zoo, yog tus muaj lub siab zoo.
4) Tus muaj hmoov zoo, yog tus tsim kev thaj yeeb
5) Tus muaj hmoov zoo, yog tus hlub luag tej lwm tus.
6) Tus muaj hmoov zoo, yog tus muaj lub siab huv.
7) Tus tau txoj hmoov zoo yog tus tshaib nqhis
txoj kev ncaj rau Huab Tais Ntuj
thiab pheej xeeb siab ruaj nreb
vim Tswv Ntuj yuav daws lawv qhov nqhis.
8) Tus tau txoj hmoov zoo yog tus raug hiam
vim ntseeg txog Huab Tais Yes Xus
Ntuj Ceeb Tsheej yog nws li
mus tag ib txhiab ib txhis.
COV NKAUJ XAUS LUB TXOOS
1. Cov pluag lub suab quaj (The cry of the poor)
(Txais) Huab Tais mloog cov pluag lub suab quaj. Peb cav txog Huab Tais.
1) Kuv yuav niaj hnub cav txog Huab Tais.
Kuv lub ncauj yuav cav txog nws.
Kuv tus plig hom khaj hauv Huab Tais,
nws yuav mloog cov pluag lub suab quaj. (Txais)
2) Cov neeg me hnov lawv zoo siab tias
Huab Tais mloog lawv tej lus thov.
Tswv Ntuj nyob ze cov neeg ntxhov siab,
nws yuav mloog cov pluag lub suab quaj. (Txais)
3) Tswv Ntuj cawm cov siab lwj siab ntuag.
Nws muab nws ua nqi txhiv lawv.
Thaum lawv ntshai, nws yog lawv chaw nkaum
vim nws mloog cov pluag lub suab quaj. (Txais)
4) Tswv Ntuj, peb tshaj koj lub hwj huam.
Peb lub ncauj yuav cav txog koj.
Koj ci tuaj kaj peb lub ntsej muag
vim koj mloog cov pluag lub suab quaj. (Txais)
2. Kaj lug hauv Ntuj kev hlub (สุขในความรักพระเจ้า)
1) Peb lub siab tiaj tus kaj lug nyob hauv Tswv Ntuj. Niaj hnub Ntuj foom hmoov rau peb
kom peb coj nraim nws lus. Mus ua Ntuj tim khawv muab peb lub neej tib si
mus tshaj Ntuj txoj kev hlub neeg kom thoob txhia haiv neeg nyob ntiaj teb.
(Txais) Kub siab, hlub txhua txhia yam. Txhob lam khiav ncaim ntawm Tswv Ntuj.
Thov Ntuj ntxiv lub zog rau peb kom ruaj nreb hauv kev hlub.
2) Peb yog ib cuab yim yuav nyob sib rub sib nres. Yes Xus lub cev thiab cov ntshav yuav nrog peb nyob ib txhis.
Peb yog ib tsoom Hmoob yuav koom sib hlub sib roos los nraim hauv Yes Xus tus ntxoo
koom nrog Yes Xus mus Ntuj Ceeb Tsheej.
3. Kuv tau txiav txim siab (I have decided)
1) Kuv tau txiav txim siab cia los raws Yes Xus.
Kuv tau txiav txim siab cia los raws Yes Xus.
Kuv tau txiav txim siab cia los raws Yes Xus.
Tsis tig rov qab, tsis tig rov qab.
2) Lub Ntuj ua kuv qab, tus ntoo cuam ua ntej.
Lub Ntuj ua kuv qab, tus ntoo cuam ua ntej.
Lub Ntuj ua kuv qab, tus ntoo cuam ua ntej.
Tsis tig rov qab, tsis tig rov qab.
3) Txawm tsis muaj twg tuaj, kuv yuav raws nws mus.
Txawm tsis muaj twg tuaj, kuv yuav raws nws mus.
Txawm tsis muaj twg tuaj, kuv yuav raws nws mus.
Tsis tig rov qab, tsis tig rov qab.
4) Koj puas txiav txim siab tias yuav raws Yes Xus.
Koj puas txiav txim siab tias yuav raws Yes Xus.
Koj puas txiav txim siab tias yuav raws Yes Xus.
Tsis tig rov qab tsis tig rov qab.
4. Nej yog kuv tug (You are mine)
1) Kuv tuaj cuag nej thaum ntuj teb ntsiag to.
Kuv yuav tshem nej tej kev txhawj xeeb.
Nej hnov kuv lub suab, kuv xaiv nej ua kuv tug.
Nej paub tias kuv nyob ze nej.
(Txais) Nej tsis txhob ntshai mog, kuv nrog nraim nej.
Kuv hu nej txhua tus lub npe.
Nej tuaj cuag kuv mog, kuv coj nej los tsev,
kuv hlub nej, nej yog kuv tug.
2) Kuv yog cov tas kev cia siab chaw vam.
Kuv yog qhov muag rau cov xav pom,
yog teeb kaj qhov tsaus, kuv yog nej qhov pom kev.
Nej los kuv yuav cia nej so.
3) Kuv yog cov neeg tsis muaj zog lub zog.
Kuv yuav ntxuav lawv tej kev txaj muag.
Cov dig muag yuav pom, cov tuag ceg rov mus kev,
Txhua tus yuav paub kuv lub npe.
4) Kuv lo lus coj nej rau kev ywj pheej.
Kuv yog kev thaj yeeb rau ntiaj teb.
Kuv yuav hu nej npe, kho nej tej kev mob nkeeg
kom xwv nej muaj txoj sia nyob.
5. Nyob hauv Yes Xus (อยู่เพื่อพระคริสต์)
(Txais) Nyob hauv Yes Xus lub npe peb yuav tsis ntshai, peb yuav tso siab rau tus Huab Tais muaj zog,
peb thiaj tsis yuam kev thiab tsis ntog. Vim tias nws tuaj tuav peb thiab hwj peb, coj peb txoj hauv kev mus.
1) Thaum peb ntxhov siab nyob hauv txoj kev txhawj xeeb, peb yuav tso siab rau tus Huab Tais tseem ceeb. Yog tias peb ntseeg thiab peb tso siab, nws yeej yuav los pab peb kom tau muaj yeej. Peb yuav tau nyob kaj siab. (Txais)
2) Thaum uas peb raug dab phem txoj kev haub ntxias, peb yuav nquag teev Ntuj thiab thov Ntuj tiag tiag. Yes Xus uas hnov peb lub suab hu, nws yeej yuav nqes los pab kom peb muaj yeej. Peb yuav tau nyob kaj lug. (Txais)
6. Peb mus tshaj Ntuj Lus (ให้เราไปป่าวประกาศ)
(Txais) Kwv tij peb mus tshaj txog Tswv Ntuj lub npe
yog tus tseem kev hlub rau neeg ib sim.
Kwv tij peb mus tshaj txog Yes Xus lus qhia
mus ua tim khawv zeem tseeb txog txoj kev hlub.
1) Ntuj Lo Lus qhuab qhia peb txhob lam muab nrom tseg, yuav coj mus tseb kom thoob ntiaj teb,
kom tas tsoom neeg (kom tas tsoom neeg) tau txais kev cawm. (tau txais kev cawm)
Ntuj kev zoo siab yog qhov peb ua tim khawv. (Txais)
2) Yes Xus Pleev lub cev thiab cov ntshav yog cov txim, pab peb ntsuj plig kom muaj siab ntev,
ntxiv kev ntseeg ruaj. (ntxiv kev ntseeg ruaj) los tiv ntxwj nyoog. (los tiv ntxwj nyoog)
Kom peb ua zoo mus raws kev ntseeg tseem tseeb. (Txais)
7. Peb sawv daws yog ib tsev neeg (หนึ่งเดียว)
1) Peb sawv daws yog ib tsev neeg, peb sib hlub hauv Leej Pleev. Peb sawv daws yog ib tsev neeg,
peb sib sau hauv Leej Ntuj Plig, thiab peb thov kom sawv daws sib koom mus tas ib txhiab ib txhis.
(Txais) Luag thiaj paub peb yog cov ntseeg hauv kev hlub, hauv kev pab, kom luag paub peb yog cov ntseeg muaj kev sib hlub.
2) Peb yuav mus nyob ua ib ke, peb yuav sib tuav tes rawv. Peb yuav mus nyob ua ke.
Peb yuav sib tuav tes rawv mus ua ke. Peb mus qhia txoj hmoov zoo Tswv Ntuj nrog peb nyob. (Txais)
3) Peb yuav sib cog ua hauj lwm, peb yuav sib pab sib nres. Peb yuav sib cog ua hauj lwm,
peb yuav sib pab sib nres. Peb yuav saib ib leeg rau ib leeg, ua kom muaj kev nyob thaj yeeb. (Txais)
4) Peb sawv daws thov hawm Leej Txiv tus pub tas puas tsav yam, thiab peb thov txog nws Leej Tub,
Yes Xus Pleev, tus Cawm Seej. Peb tseem hawm txog Leej Ntuj Plig, los nrog peb nyob tas mus li. (Txais)
8. Qhov peb xav pom
1) Qhov peb xav pom yog tus Leej Txiv Tswv Ntuj
niaj hnub sawv ntxov peb ua koj tsaug.
Tsa peb lub siab nyob ze ruaj nreb ntawm koj.
Thov koj pov hwm peb tsoom neeg mog.
2) Qhov peb xav pom yog tus Leej Tub Yes Xus,
nws tau muab nws txoj sia rau peb
kom peb tau tawm dim ntawm dab phem txhais tes.
Thov koj pab peb kom peb muaj zog.
3) Qhov peb xav pom yog tus Leej Ntuj Plig tshiab,
niaj hnub nws tuaj qhia peb lub siab
kom peb xawj nyiam txawj xav thiab ua qhov zoo.
Thov koj pab hloov peb lub siab mog.
4) Qhov peb xav pom yog tus leej niam siab tshiab,
thov niam siab ntshiab khuv leej tsoom neeg.
Kom peb tsoom ntseeg muaj lub siab kub siab tawv
raws li peb niam Mab Liab siab zoo.
5) Thaum txog hnub peb tso lub ntiaj teb no tseg,
thov cov Leej Ntshiab pab tuav peb tes
kom peb mus txog lawv lub Ceeb Tsheej kaj lug
thiab nyob ntawm Ntuj xub ntiag mus li.
9. Taug Tswv Ntuj txoj kev (ให้เราก้าวเดินไป)
1) Peb ua lub siab loj muaj lub siab tawv khawv
taug Tswv Ntuj txoj kev mus kom kawg ntsis.
Tab yog txoj kev no txawm ua qhov khaub khis
muaj tus phem nyas ntshis xav ntxias kom tau yus.
(Txais) Lo lus (Lo lus) coj neeg lub neej (coj neeg lub neej)
peb zoo siab txais (peb zoo siab txais) yoog raws koj qhia (yoog raws koj qhia)
Tseem yuav (tseem yuav) tshaj koj lub npe (tshaj koj lub npe)
rau txhua haiv neeg (rau txhua haiv neeg) mus thoob qab ntuj.
2) Peb thov ua koj tsaug vim koj khuv leej peb
thiab nres peb txoj sia kom ntev mus ntxiv.
Peb khaws koj lus qhia nrog peb mus tas ib txhim
tsis muaj hnub tso tseg peb thov cog lus. (Txais)
10. Thov ua tsaug (ขอบพระคุณ 1)
(Txais) Thov ua tsaug, Tswv Ntuj tus tau pub txoj hmoov zoo rau sawv daws.
1) Moo Zoo uas peb tau mloog hnub no zoo siab hlo coj mus tsim kho ua raws. (Txais)
2) Yes Xus Pleev tus txuag peb tus plig kom peb nyob kaj siab lug. (Txais)
11. Tsim neej tshiab (ชีวิตใหม่)
1) Peb tuaj tsim kho lub neej tshiab, lub neej tshiab uas mloog Ntuj lus,
kev tsis zoo muab tso pov tseg, rov los nrhiav Huab Tais Tswv Ntuj.
2) Peb los tsim ib lub neej tshiab, yog lub neej muaj kev ncaj ncees.
Kev tsis zoo yuav tso pov tseg, peb lub neej thiaj nyob ruaj nreb.
(Txais) Tswv Ntuj kev hlub los txog, peb sawv daws tso siab rau nws.
Yuav los mloog Tswv Ntuj lus qhia, peb lub neej thiaj nyob kaj siab.
3) Peb los tsim ib lub neej tshiab, lub neej qub peb tsis tig ntsia,
kev ntxhov siab yuav ploj ntais mus, peb lub neej thiaj nyob kaj lug.
12. Tswv Ntuj tseeb tiag (พระเจ้าเที่ยงแท้)
1) Muaj ntau xwm txheej kuv no tsis paub. Muaj ntau qhov chaw kuv mus tsis tau.
Los kuv tso siab tias muaj Tswv Ntuj. Huab Tais Tswv Ntuj tseeb tiag tib leeg hauv kuv txoj sia.
(Txais) Tswv Ntuj tseeb tiag (Tswv Ntuj tseeb tiag), tseeb tiag tib leeg (Tseeb tiag tib leeg).
Tswv Ntuj tseeb tiag cawm kuv dim hauv kev tuag rov los.
Tswv Ntuj kev hlub (Tswv Ntuj kev hlub), tsim kev zoo siab (tsim kev zoo siab).
Tswv Ntuj tseeb tiag, tseeb tiag hauv kuv txoj sia mus li.
2) Koj tu siab rau tej tus tib neeg, tag kev vam khom vim txoj kev qaug.
Tswv Ntuj yuav pab daws kev tu siab, ntxiv zog rau koj kom muaj kev vam zoo siab xyiv fab. (Txais)
13. Ua tsaug Yes Xus
1) Ua tsaug, ua tsaug Yes Xus. Ua tsaug, ua tsaug Yes Xus.
Ua tsaug, ua tsaug Yes Xus hauv peb siab.
2) Ua tsaug, ua tsaug Yes Xus. Ua tsaug, ua tsaug Yes Xus.
Ua tsaug, ua tsaug Yes Xus hauv peb siab.
14. Ua raws Ntuj lus (ชีวิตมีค่า)
1) Kev teev Ntuj los xaus lawm mog, zoo siab hlo ua raws Ntuj Lus.
Lub neej muaj Ntuj pov hwm, peb thiaj tau nyob mus kaj siab lug.
2) Peb tau txais lub Cim Yug, Yes Xus los nyob rau hauv peb nruab siab.
Lub neej lawm yav tom ntej Yes Xus yog tus coj peb hau kev mus.
COV NKAUJ CAV TXOG NIAM MAB LIAB
1. Cev paj ntoos rau niam (ถวายช่อดอกไม้)
1) Tsoom neeg ntseeg, thov caw nej koom siab luag li ntxhi cev paj ntoos rau leej niam
uas yog tus nkauj tsim txiaj Mab Liab zoo nyiam.
(Txais) Leej niam Mab Liab zoo nyiam tas nrho. Thov niam zoo siab txais cov paj no,
peb zoo siab luag ntxhi cev rau koj.
2) Niam hais tias peb yog niam me nyuam. Peb yuav tsum tso txoj kev txhaum pov tseg,
tig los ntseeg Tswv Ntuj kom ruaj nreb mus li. (Txais)
3) Cov paj ntoos muaj ntau hom sib txawv, yog paj tshab peb nqa tuaj cev rau niam.
Txawm tsis zoo, tsis tsim nyog los thov niam txais. (Txais)
4) Cov paj ntoos ntau hom yeej zoo nkauj piv tsis tau niam lub siab dav siab zoo.
Peb zoo siab hlo nqa tuaj cev rau leej niam. (Txais)
2. Koj nyob kaj lug Mab Liab
Koj nyob kaj lug Mab Liab tus tau txiaj ntsim puv siab
Huab Tais Ntuj nrog koj nyob koj tau koob tau hmoov tshaj
sawv daws poj niam tib si thiab koj Leej Tub Yes Xus tau koob tau hmoov.
Leej Ntshiab Mab Liab Tswv Ntuj Leej Niam,
koj thov Ntuj hlub peb cov neeg txhaum,
nyem no mus txog thaum peb lub caij tso ntiaj teb no tseg.
3. Koj nyob zoo Mab Liab (วันทามารีอา 1)
Koj nyob zoo Mab Liab, txiaj ntsim puv koj lub siab Huab Tais Ntuj nrog koj nyob,
koj tau koob tau hmoov tshaj sawv daws poj niam tib si thiab koj leej tub Yes Xus tau koob tau hmoov.
Mab Liab Huab Tais Ntuj tus niam nyem no thiab thaum txog peb lub caij tuag koj thov pab peb cov neeg txhaum. Ua li.
4. Leej niam, koj thov Ntuj rau peb (Mother dear, O pray for me)
1) Niam Mab Liab, thov koj pab peb
thaum peb ncaim deb Ntuj Ceeb Tsheej.
Peb ntxhov siab vim kev txhawj xeeb,
kev ntshai, kev txom nyem quaj ntsuag.
Thov so peb kua muag iab kua muag daw.
Leej Niam tus khuv leej neeg
thaum peb ntsib kev tsaus hauv peb lub neej,
thov koj tuav tes coj kev.
(Txais) Niam Mab Liab, koj nco ntsoov peb.
Thov txhob tso peb pov tseg
txog hnub peb nrog koj nyob saum Ntuj,
tau koj txoj kev hlub mus li.
2) Niam Mab Liab, thov koj pab peb
thaum peb raug kev haub kev ntxias.
Txhob cia peb yuam kev mus deb
ntawm koj txoj kev zoo, kev ntshiab.
Leej Niam siab ntshiab, koj zaum saum theej kiab,
koj dauv muag los ntsia peb.
Thov koj txuag peb thiab ua koj lub ntsej
Muag luag ntxhi coj peb kev.
5. Leej niam Mab Liab (ชาวเราจงยินดี)
1) Hnub no peb zoo siab tuaj ua hmoov cav txog niam. Hu nkauj muaj lus zoo los cev rau nkauj tsim txiaj.
(Txais) Leej niam tus siab ntshiab, tus siab zoo yog niam Mab Liab.
Leej niam tus siab ntshiab, tus siab zoo yog niam Mab Liab.
2) Ua hmoov niam Mab Liab, peb zoo siab tuaj hawm nws. Leej niam tau pab peb, kom sawv daws nyob kaj lug. (Txais)
3) Yuav npaj lub siab tshiab, kom tsim nyog mus cuag niam. Thov koj khuv leej peb, tsoom neeg ntseeg nyob kaj lug. (Txais)
6. Muaj hnub tau nyob saum ntuj (สักวันฉันจะได้เห็น)
1) Muaj hnub tau nyob saum ntuj yuav muaj Leej Niam hlub peb,
yog Yes Xus niam Mab Liab, nws yog leej niam siab ntshiab.
(Txais) Muaj hnub tau nyob saum ntuj yuav ntsib leej niam Mab Liab.
Muaj hnub tau nyob saum ntuj yuav ntsib leej niam tsim txiaj.
2) Muaj hnub tau nyob saum ntuj Mab Liab yuav coj peb mus,
mus ntsib Huab Tais Yes Xus, nws yog tus cawm peb dim. (Txais)
3) Muaj hnub tau nyob saum ntuj, leej niam Mab Liab siab ntshiab
yuav qhia peb ntseeg Tswv Ntuj ua nws me nyuam mus li. (Txais)
7. Niam Mab Liab tus tsis lo keeb txhaum (Immaculate Mary)
1) Niam Mab Liab tus tsis lo txhaum, peb cav txog koj.
Koj nrog Yes Xus muaj txoj sia nto moo lug nyob.
(Txais) As Ves, As Ves, As Ves, Mas Lias As.
As Ves, As Ves, As Ves Mas Lias As.
2) Saum Ntuj, cov Leej Ntshiab cav txog koj lub hwj chim.
Ntiaj teb no peb vam koj lub npe muaj txiaj ntsim. (Txais)
3) Koj Leej Tub tuaj cawm peb, peb muaj kev tso siab.
Nws tuaj theej peb lub txhaum, peb txais txoj sia tshaib. (Txais)
4) Peb thov koj nres lub Koom Txoos nyob ntiaj teb no
thiab thov koj pov hwm lub teb chaws uas peb nyob. (Txais)
5) Thov koj pab peb kom nyob ruaj hauv txoj kev ntseeg,
peb thiaj muaj feem tau txais Yes Xus kev cawm seej. (Txais)
6) Thov koj pab txuag koj tsoom tub txib ua Leej Choj.
Koj thov Tswv Ntuj lub zog nres lawv kom txhob ntog. (Txais)
8. Poj Huab Tais saw Mab Liab (ราชินีแห่งสายประคำ)
1) Poj Huab Tais saw Mab Liab ntshiab thiab huv Leej Tswv Yim los nyob hauv koj tus plig
tus puv Tswv Ntuj lub txiaj ntsim. Huab Tais Ntuj leej niam,
nkauj tsim txiaj uas muaj kev nyiam kev hlub, yog qhov chaw uas pev cov neeg txhaum nkaum,
nws qhia peb kom nquag teev Ntuj. Saw Mab Liab coj lub siab.
(Txais) Koj nyob zoo Mab Liab, koj nyob zoo Mab Liab, koj nyob zoo Mab Liab.
2) Poj Huab Tais saw Mab Liab zoo zoo tshaj, koj lub ntsej muag ci ntsa iab zoo nkauj.
Yog tus tsis muaj lub keeb txhaum, peb txhos caug hawm koj.
Peb vam khom txog koj txoj saw tsim txiaj. Yuav rau siab teev Ntuj txhua hnub txhua hmo,
los them peb cov txhaum ntawm no, kom ntiaj teb nyob thaj yeeb. (Txais)
COV NKAUJ LUB CAIJ TOS HUAB TAIS
1. Los Mas Es Mas Nus Es (O come O come, Emmanuel)
1) Los mas, los mas Es Mas Nus Es. Tuaj ua tus cawm lub qab ntuj neeg.
Nws quaj tu siab rau lub zwm ceeb no tos Huab Tais leej tub tuaj tshwm sim los.
(Txais) Los mas, los mas Es Mas Nus Es, koj tuaj cawm koj haiv neeg los mas.
2) Los mas, los mas tus thoob tsib nyob saum ntuj. Koj tuaj kav tas lub ntuj lub ntiaj teb no,
koj tuaj qhia koj txoj kev mus saum Ntuj, peb thiaj li tau kev nyob kaj siab lug. (Txais)
3) Los mas, los mas vaj txheeb pub kev thaj yeeb, koj yog tus txawj coj tsoom sid zoo tas nrho.
Thov koj pub koj cov txiaj ntsha txiaj ntsim, peb yuav tau txoj kev nyob thaj yeeb nyab xeeb. (Txais)
2. Peb yuav tsum zoo siab (จงชื่นชมยินดี)
(Txais) Peb sawv daws yuav zoo siab mog Yes Xus yuav nqes los.
1) Peb yuav tsum zoo siab Huab Tais Ntuj yuav nqes los tiag.
Peb yuav tsum zoo siab Yes Xus yuav nqes los tiag. (Txais)
2) Peb yuav tsum zoo siab npaj peb lub siab txais Yes Xus.
Peb yuav tsum zoo siab Yes Xus yuav nqes los tiag. (Txais)
3) Peb yuav tsum zoo siab Yes Xus Pleev yog chaw cia siab.
Peb yuav tsum zoo siab Yes Xus yuav nqes los tiag. (Txais)
4) Peb yuav tsum zoo siab Yes Xus Pleev yog tus cawm seej.
Peb yuav tsum zoo siab Yes Xus yuav nqes los tiag. (Txais)
3. Tuaj mas Tswv Ntuj Leej Tub (เชิญเสด็จพระมหาไถ่)
(Txais) Tuaj mas Tswv Ntuj Leej Tub Ntshiab, nqa kev cia siab tuaj pab cawm seej.
Koj yog tag nrho peb lub neej, kav tsij maj zeem tuaj mas.
1) Tswv Ntuj Leej Tub kav tsij tuaj mas, koj lub cev yuav daws peb kev txhaum
hauv lub ntiaj teb uas tsaus ntuj nti. Thov koj hais qhia rau peb tias
koj hlub peb ntiaj teb neeg npaum cas, tseem txhuav ntau leej tsis paub koj,
kav tsij maj zeem tuaj mas. (Txais)
2) Nyob Npes Les Hes cov Tshiab hu nkauj tiv cav txog koj lub koob lub npe
thiab lub hwj huam koj tuaj pab peb. Ntiaj teb poob rau txoj kev qis,
tsis txawj sib hlub tsis txawj sib haum. Tso koj lub hwj chim los kav,
kav tsij maj zeeg tuaj mas. (Txais)
3) Koj tuaj yeem yug los daws kev txhaum, koj cov txiaj ntsim yuav tuaj pab peb
ntawm txoj kev ntshai dab teb tsaus ntuj. Huab Tais tso koj Leej Tub los
pab qhia peb ua neeg kaj siab lug. Koj yog tus pab, tus cawm peb,
kav tsij maj zeem tuaj mas. (Txais)
COV NKAUJ LUB CAIJ YES XUS YUG LOS
1. Hmo ci ntsa (คืนนั้นเงียบสนิท/ Silent night)
1) Hmo ci ntsa, hmo ntshiab huv, ntuj ntsiag to, qab ntuj kaj.
Yog Huab Tais Ntuj leej tub yug los lawm, peb yuav nqa peb lub siab tig mus hawm.
Nyob saum ntuj Tswv Ntuj nto moo, nyob ntiaj teb neeg zoo siab.
2) Hmo tawg paj, hmo txi txiv, Ntuj cov Tshiab, dhia hom khaj.
Tus me nyuam yug los daws peb lub txim. Ib tsoom neeg nrog cov phooj ywg zov yaj
nqa paj tshab tuaj cev rau nws. Tus cawm peb yug los lawm.
3) Hmo ci ntsa, hmo ntshiab huv. Txoj kev kaj ci ntsa iab,
ntawm Tswv Ntuj Leej Tub lub ntsej muag tuaj. Nws coj txoj kev sib nyiam sib hlub tuaj
kom ntiaj teb neeg nyob kaj lug. Huab Tais Yes Xus yug los.
2. Hmo ntuj hmo teb ntsiag to (ทั่วโลกา/ The first Nowell)
1) Hmo ntuj hmo teb ntsiag to, cov zov yaj pw tsaug zog
ntawm lawv pab yaj nyob hauv nruab liaj nruab teb tam sim ntawd qab ntuj ci ntsa
Ntuj cov Tshiab hu nkauj tias ‘Nej kav tsij mus xyuas tus cawm neeg tau yug los lawm.’
(Txais) Nos Es, Nos Es, Nos Es, Nos Es!Tus daws qab ntuj neeg lub txim yug los lawm.
2) Cov zov yaj coj lawv cov yaj nrog lawv ua ke tuaj pom
niam Mab Liab zaum luagntxhi nrog Yos Xes tus nres nws, zov tus me nyuam pw tsaug zog
hauv lub dab nyuj noj zaub. Lawv txhos caug hawm tus me nyuam uas cov Tshiab qhia lawv.
3) Tas ntiaj teb thiab tas tsoom ntseeg, tas ib tsoom neeg sawv daws
luag ntxhwb ntxhi mus hawm nws, peb tus vaj yug los lawm. peb ua ntaj teg luag lis ntxhi
cev peb lub siab rau nws. peb hu nkauj cav txog nws lub npe ‘Es Mas Nus Es’.
3. Hnub qub thoob qab ntuj (ดาราประกายแจ่มฟ้า)
Hnub qub ci ntsa kaj lug txog caij Ntuj cog lus
cov Tshiab hu nkauj hom khaj, tas ntiaj teb nej yuav zoo siab.
Neeg Leej Tub yug los lawm, yog tus cawm peb sawv daws.
Koj los nyob nruab nrab yuad, peb thiaj yuav nyob kaj lug.
4. Huab Tais yug los (พระทรงบังเกิด/ Joy to the world)
1) Huab Tais yug los ntiaj teb zoo siab cav txog Tswv Ntuj tas zog.
Txhua leej txhua tus npaj lub siab lub ntsws nrog Ntuj cov Tshiab hu nkauj,
nrog Ntuj cov Tshiab hu nkauj, hu nkauj cav txog Huab Tais yug los.
2) Nws yog Tswv Ntuj kav lub ntiaj teb, tas txhua yam cav txog nws.
Ntiaj teb cov dej cov roob cov pob zeb hu nkauj cav txog Tswv Ntu,
hu nkauj cav txog Tswv Ntuj, hu nkauj hu nkauj cav txog Tswv Ntuj.
3) Nws tuaj cawm peb ntawm peb cov txhaum kom peb tau nyob kaj lug.
Nws foom koob foom hmoov rau peb tas ib sid. Peb nqa tes ua nws tsaug,
peb nqa tes ua nws tsaug, peb nqa tes ua nws tsaug mus li.
4) Nws kav lub ntiaj teb raws kev ncaj kom ntiaj teb neeg thiaj li
pom nws lub koob meej thiab nws txoj kev ncaj thiab paub nws txoj kev hlub,
thiab paub nws txoj kev hlub, thiab paub nws txoj kev nyiam kev hlub.
5. Ntuj cov Tshiab hu nkauj (เห็นดาวทอง/Angels we have heard on hight)
1) Ntuj cov Tshiab hu nkauj saum ntuj, hu nkauj cav txog Huab Tais Ntuj.
Lawv lub suab ncha puv ntiaj teb qhia tsoom ntseeg koom suab ua ke.
(Txais) Kos Lis As, is es xes xis des os. Kos Lis As, is es xes xis des os.
2) Cov zov yaj nej mus qhov twg? Vim li cas nej dhia hom khaj?
Nej qhia peb paub zaj tshwm sim, peb nrog nej ua kev mus tsham. (Txais)
3) Nej nrog peb mus Npes Les Hes xyuas Tswv Ntuj Leej Tub yug los.
Peb ua ke txhos caug pe hawm tus me nyuam ntiaj teb neeg tos. (Txais)
6. Peb mus hawm (ค่ำคืนดี/ He is born)
(Txais) Peb mus hawm peb tus Vaj yug los! Peb yuav nqa peb lub siab mus rau nws.
Nws pw hauv lub dab nyuj noj zaub. Peb hu nkauj cav txog nws yug los.
1) Ntuj tus Tshiab tuaj hais rau Mab Liab ‘Koj tau txoj hmoov zoo, koj yuav xeeb tub,
Nws lub npe yog Es Mas Nus Es. Nws yuav hu ua Tswv Ntuj Leej Tub.’ (Txais)
2) Mab Liab uas nyiam Tswv Ntuj tas nrho nws hais tias ‘Kuv yog Huab Tais ntxhais txib,
thov kom muaj tuaj raws li koj hais.’ Nws thiaj txhos caug hawm Leej Tswv Yim. (Txais)
3) Hmo no Huab Tais Leej Tub yug los, nyob Npes Les Hes tsis muaj chaw txais nws.
Cov zov yaj xub hnov lub Moo Zoo, lawv maj zeeg mus hawm tus me nyuam. (Txais)
4) Cov kws txuj kuj tuaj nrhiav Huab Tais. ‘Tus vaj Yus Das yug los nyob qhov twg?
Peb nqa paj tshab peb tuaj hawm nws.’ Lawv pom tus me nyuam, lawv khoov pe. (Txais)
7. Tswb nrov nrov (เพลงระฆัง)
1) Peb cov hluas hu nkauj, cav txog me nyuam Yes Xus.
Los hawm peb tus Huab Tais pw nyob hauv lub daj nyuj,
Tswv Ntuj Leej Tub Yes Xus nws lub siab zoo tas nrho,
nws yuav foom koob hmoov zoo rau peb ib txhiab ib txhis mus li.
(Txais) Tswb nrov nrov, tswb nrov nrov, nrov tas hnub tas hmo,
peb cov hluas lom zem kawg ua hmoov Yes Xus yug los, auj!
Tswb nrov nrov, tswb nrov nrov, nrov tas hnub tas hmo,
peb cov hluas lom zem kawg ua hmoov Yes Xus yug los.
2) Peb sawv daws zoo siab nrog tsoom kwv tij phooj ywg,
koom tas ntiaj teb tib neeg ua hmoov Yes Xus yug los.
Ua hmoov tsuj xeeb hnub no peb coj lub siab tuaj hawm
cav txog Huab Tais Yes Xus ua nws pw nyob hauv lub dab nyuj. (Txais)
8. Tswv Ntuj Leej Tub yug los (ถ้ำเบธเลเฮม)
(Txais) Hnub no Tswv Ntuj Leej Tub yug los. Huab Tais yug los coj kev thaj yeeb rau lub neej.
Nyob hauv ntiaj teb hmo no yuav ci ntsa iab, sawv daws zoo siab hu nkauj cav txog Tswv Ntuj.
Zoo siab (sawv daws zoo siab) Hu nkauj (sawv daws qhuas txog) vim yog Huab Tais nws yug los pab peb.
Sawv daws (Peb tuaj hawm txog) Huab Tais (peb tus Huab Tais). Yog tus Huab Tais yug los pab peb.
Hmo ci ntsa iab tus cawm nws tau yug los. Nws yog tus coj txiaj ntsim los pub rau peb.
1) Nyob hauv ntiaj teb sawv daws zoo siab. Tso plhuav num cia tuaj hawm Tswv Ntuj. (Txais)
2) Ntuj Leej Tub coj kev cawm neeg tuaj cawm seej tas ntiaj teb neeg txhaum. (Txais)
9. Tuaj mas cov me nyuam (O come little children)
1) Tuaj mas cov me nyuam, nej sawv daws cia li tuaj
mus lub zos Npes Les Hes mus xyuas lub dab nyuj.
Tswv Ntuj xa tus Cawm Seej tuaj yog nws Leej Tub.
Nej cia li zoo siab cav txog Huab Tais Yes Xus.
2) Tuaj mas cov me nyuam, nej sawv daws cia li tuaj
mus xyuas tus me nyuam uas pw hauv lub dab nyuj.
Nws leej niam Mab Liab muab ntaub mos coj los qhwv,
leej txiv Yos Xes pov hwm nws leej tub yug los.
3) Tuaj mas cov me nyuam, nej sawv daws cia li tuaj
nrog Ntuj ib pab Tshiab hu nkauj cav txog Tswv Ntuj,
nrog ib cov zov yaj tuaj txhos caug thiab txaum yim,
nrog cov kws hnub qub muab paj tshab rau Yes Xus.
10. Tuaj mas kwv tij phooj ywg (ขอเชิญท่านผู้วางใจ/O come, all ye faithful)
1) Tuaj mas kwv tij phooj ywg, zoo siab luag ntxhi tuaj
peb sawv daws mus xyuas tus me nyuam nyob Npes Les Hes.
Peb yuav mus pom tus vaj cawm tas lub qab ntuj neeg.
(Txais): Tuaj, peb sawv daws mus xyuas nws. Tuaj, peb sawv daws mus xyuas nws.
Tuaj peb sawv daws mus hawm nws, peb tus Huab Tais Pleev.
2) Nej ntsia cov zov yaj saib! Lawv tso lawv pab yaj
tseg, lawv mus xyuas tus Huab Tais, nws pw hauv lub dab nyuj.
Peb kav tsij maj zoj zeeg raws lawv qab mus xyuas nws. (Txais)
3) Hnub no yog hnub ntshiab huv vim Leej Lo Lus yug
los ua neeg, nws yog Yes Xus, nws yog tus vaj nto moo.
Peb tuaj hawm nws, peb hu nkauj cav txog nws lub npe. (Txais)
COV NKAUJ LUB CAIJ PLAUB CAUG
2. Kuv nyob nov, Ntuj (Here I am, Lord)
1) Kuv yog Tswv ntawm dej thiab huab.
Kuv tau hnov kuv haiv neeg quaj.
Cov nyob hauv qhov tsaus kev txhaum
kuv cev tes cawm.
Kuv tsim hnub qub los kav hmo,
kuv ua lawv qhov tsaus pom kev.
Twg yuav coj qhov ci txog lawv?
Yuav xa leej twg?
(Txais) Kuv nyob nov Ntuj! koj tau xaiv kuv.
Kuv tau hnov koj hu kuv thaum hmo ntuj.
koj tuav kuv npe, kuv ua siab mus.
Kuv yuav puag koj haiv neeg hauv nruab siab.
2) Kuv yog Tswv ntawm daus thiab nag.
Kuv tau tiv lawv qhov mob nkeeg.
Kuv tau muab kev hlub rau lawv,
lawv tseem tig khiav.
Kuv yuav pub ib lub siab muag
los hloov lub siab tawv li zeb.
Kuv xav hais kuv lus rau lawv.
Yuav xa leej twg? (Txais)
3) Kuv yog Tswv ntawm cua thiab taws.
Kuv yuav pab cov neeg txom nyem.
Kuv yuav npaj rooj qav tos lawv.
Kuv tes yuav txuag.
Kuv yuav pub mov rau lawv noj
txog thaum lawv tau noj txaus siab.
Kuv xav muab txoj sia rau lawv.
Yuav xa leej twg? (Txais)
3. Kuv tau ua txhaum (สำนึกผิด)
1) Thaum noj qab nyob zoo, kuv nyob tshav ntuj nrig,
tsis muaj kev ntxhov siab, kuv tsis nco qab Tswv Ntuj.
2) Thaum kuv muaj mob nkeeg, kuv ntsib kev tsaus ntuj,
Kuv vam txog Ntuj kev hlub, kuv hu Tswv Ntuj los pab.
(Txais) Kuv lub siab txhaum ntxeev siab tsis npuab ze koj.
Txhua hnub kuv ua yuam kev tsis ua raws koj siab nyiam.
3) Hnub no kuv hloov siab yuav nco ntsoov Tswv Ntuj,
Kuv yuav raws Yes Xus txhua hnub txhua hmo mus li.
4. Kuv vam txog Ntuj (ข้าพึ่งพระองค์)
1) Kuv thov vam txog Ntuj yog tus uas nyob siab tshaj. Kuv siab tshee nuj na Huab Tais Ntuj tuaj pab kuv.
Kev txhaum ua rau kuv tau nrug deb ntawm Tswv Ntuj. Tswv Ntuj tus loj tshaj yog tus tuaj pab cawm kuv.
(Txais): Kuv vam txog Ntuj, kuv vam txog Ntuj. Ntuj thaiv kuv zoo tshaj cuag txiag zeb tiv thaiv kuv.
2) Txawm noj qab nyob zoo, los kuv raug kev nyuaj siab. Thaum dab phem tuaj ntxias kom kuv tso Tswv Ntuj cia.
Thaum raug kev txom nyem kuv vam txog Ntuj pab kuv, kuv thiaj tuaj nyob ntawm Tswv Ntuj lub xub ntiag. (Txais)
5. Nej tsis txhob ntshai (Be not afraid)
1) Nej yuav tau hla lub hav suab puam
tiam sis nej yuav tsis tuag dej.
Txawm tias nej yuav tsis paub xub ke
los nej yuav tsis raug xwv txheej.
Nej hais nej cov lus rau lwm haiv
neeg luag yeej yuav to taub nej.
Nej yuav pom Tswv Ntuj thiab muaj sia nyob.
(Txais) Nej tsis txhob ntshai, kuv ua nej ntej coj nej kev.
Tuaj raws kuv mog. Kuv yuav nrhiav chaw nej so.
2) Txawm nej hla cov dej nphau npog
hauv hiav txwv nej yuav tsis tog.
Txawm nej hla nruab nrab hauv nplaim taws
nej yuav tsis kub hnyiab.
Txawm dab phem lub hwj huam sawv tawm
tsam thiab kev tuag nyob ib sab.
Nej nco tias kuv nrog nej tiv txhua yam. (Txais)
3) Cov pluag tau hmoov zoo,
Ntuj lub Ceeb Tsheej yog lawv tug.
Cov neeg quaj ntsuag tau hmoov zoo,
muaj ib hnub lawv yuav luag.
Txawm yog muaj cov neeg phem thuam thiab
ntxub nej vim yog nej nrog kuv.
Nej yuav tau txoj hmoov zoo. (Txais)
6. Ntoo Cuam cawm peb (กางเขนชัย 1)
(Txais) Ntoo Cuam yog peb txoj kev vam, cawm tas peb sawv daws cov txhaum.
1) Peb tau ua txhaum dab tsi, yuav tig los hloov siab, coj lub neej tshiab, qheb siab hlub sawv daws. (Txais)
2) Huab Tais Yes Xus kev hlub nyob puv lub ntiaj teb. Cov pluag, txom nyem tau kev nplij siab. (Txais)
3) Yes Xus nyob saum Ntoo Cuam, yuav tuag tseem hais tias Txiv thov koj zam lub txim rau sawv daws. (Txais)
7. Os Xes (Hosea)
1) Nej hloov siab ntsws rov los cuag kuv.
Txhob cia kev ntshai cais nej ntawm kuv.
Kuv tuaj hu nej kom nej hloov siab,
kuv yuav qhwv nej cov qhov txhab.
(Txais) Kuv tos nrhw nej rov qab los cuag kuv.
Nyob hauv kuv lub tsev, nej yuav muaj txoj sia tshiab.
2) Nej rov qab los lees nej tej txhaum,
kuv yuav ywg kuv txoj kev ncaj.
Txawm nej nyob deb, nej ua siab loj.
Kuv yuav hlub nej mus tag ib txhis. (Txais)
3) Kuv coj nej mus hauv chaw suab puam.
Kuv hais lus rau nej lub siab mog.
Kuv yuav qhaib nej hauv txoj kev ncaj
thiab hauv txoj kev sib nyiam sib hlub.
8. Saum lub roob Nkos Nkos Tas (โกละโกธา)
1) Kuv mus txog saum lub roob Nkos Nkos Tas kuv tsa muag mus ntsia toj roob hauv pes.
Kuv xav tias lub neej txhaum no tsis muaj nqis, kuv ntsib kev cawm ntawm Nkos Nkos Tas.
2) Kuv hnov ib lub suab saum Nkos Nkos Tas, kuv Leej Txiv khuv leej tas txhia haiv neeg.
Kuv tsim dheev, kuv kua muag cia li nrog los. Kuv thiaj tso siab vim Nkos Nkos Tas.
3) Kuv tsa muag ntsia Yes Xus dai saum Ntoo Cuam, kuv pom nws ntshav ntws los ntxaum lub roob,
kuv thov nws ntxuav kuv ntawm kuv lub txim txhaum. Kuv tu siab vim roob Nkos Nkos Tas.
4) Kuv pom niam Mab Liab ntawm Nkos Nkos Tas, nws nrog Zam sawv nyob hauv qab Ntoo Cuam.
Yes Xus tias tus ntawd yog nej sawv daws niam. Kuv ntsib kev hlub ntawm Nkos Nkos Tas.
9. Thov txim ntawm Tswv Ntuj (เมื่อลูกสบตา)
1) Kuv tau ua txhaum rau koj lawm mog, Huab Tais Tswv Ntuj kuv tu siab kawg.
Kuv cov txhaum nyob ntawm koj xub ntiag, thov koj pab ntsia, koj cia muab daws.
Kuv tau ua tsis ncaj rau koj ntxiv, thov koj ntxuav kuv qhov uas tsis ncaj.
Kuv ua txhaum lawm, koj yaug kuv txhaum, kuv lub siab thiaj li yuav rov kaj.
2) Huab Tais Tswv Ntuj thov koj txhob ntiab, kuv mus deb ntawm koj lub xub ntiag.
Koj xeem tsim ib lub siab huv si coj los hloov kuv lub me qub siab.
Koj tsis txhob thau koj lub Tswv Yim Ntshiab mus deb ntawm kuv lub siab ntsws.
Koj xeem ua ib lub tswv yim tawv los cog rau hauv kuv lub siab ntsws.
3) Koj lub siab zoo, koj cawm kuv mas, kuv yuav rov paub txoj kev lom zem.
Kuv lub ncauj yuav cav txog koj npe rau txhua haiv neeg nyob hauv ntiaj teb.
Kuv yuav rov qhia koj txoj kev zam rau cov neeg txhaum cov neeg yuam kev
kom lawv yuav rov qab los cuag koj, cav txog koj lub npe tas ib sim.
10. Yes Xus saum Ntoo Cuam (รอยระลึก)
1) Yes Xus Leej Pleev raug ntsia saum Ntoo Cuam los daws cov txim.
Kuv ua txhaum ntau yam tsis zoo, Kuv tu siab cov txhaum.
(Txais) Yes Xus raug ntsia saum Ntoo Cuam, nws tuag ua Yaj Txi Ntuj
cawm peb sawv daws hauv kev txhaum, rov los nyob hauv Tswv Ntuj.
2) Yes Xus Pleev cov ntshav ntws los, raug tsim txom vim peb.
Lub kauj pos saum nws taub hau coj mus cuag Ceeb Tsheej. (Txais)
COV NKAUJ LUB CAIJ HLA
1. Kev kaj tus me nyuam (I want to walk as a child of the light)
1) Kuv xav ua neej li kev kaj tus me nyuam.
Kuv xav mus lawv Yes Xus qab.
Tswv Ntuj tsim lub hnub qub ci kaj lub ntiaj teb.
Lub hnub qub ci rau kuv yog Yes Xus.
(Txais) Leej Yaj yog kev kaj hauv Ntuj lub Tsheej.
Nruab hnub los hmo ntuj yeej zoo tib yam.
Nyob hauv Leej Yaj tsis muaj qhov tsaus ntuj li.
Yes Xus, thov kaj kuv nruab siab.
2) Kuv xav mus pom Tswv Ntuj qhov ci ntsa siab.
Kuv xav ntsia ntsoov Yes Xus Pleev.
Nws yog lub hnubb pub kev ncaj kaj kuv kev
thiab coj kuv mus txog Leej Txiv Tswv Ntuj. (Txais)
3) Kuv tos ntsoov hnub Leej Pleev yuav rov qab los.
Kuv xav mus nrog Yes Xus nyob.
Yog kuv ua siab ntev khiav mus kom txog chaw,
kuv yuav paub Yes Xus txoj kev lom zem. (Txais)
2. Koj puas yuav los raws kuv (The Summons)
1) Koj puas yuav los raws kuv qab, yog tias kuv hu koj npe?
Koj puas mus qhov koj tsis paub
uas koj lub neej yuav hloov?
Koj puas qhia kuv txoj kev hlub,
qhia kuv lub npe rau luag paub,
puas cia kuv txoj sia hlob hauv koj thiab koj hlob hauv kuv?
2) Koj puas yuav tso txhua yam tseg yog tias kuv hu koj npe?
Koj puas hlub neeg phem neeg zoo,
hloov koj lub neej lub siab?
Koj puas tiv cov neeg lim hiam,
txawm yog koj muaj kev txhawj ntshai?
Koj puas yuav cia kuv teb koj cov lus thov thiab pab koj?
3) Koj puas yuav pab cov dig muag, yog tias kuv hu koj npe?
Koj puas yuav tso cov raug txim,
hloov koj lub neej lub siab?
Koj puas kam tu cov mob ruas
uas tsis muaj leej twg ua dua
thiab zoo siab ua txhua yam raws li kuv tau qhia rau koj?
4) Koj puas hlub koj tus kheej dua, yog tias kuv hu koj npe?
Tso koj tej kev ntshai pov tseg,
hloov koj lub neej lub siab?
Koj puas siv koj txoj kev ntseeg
los pab txhim kho lub ntiaj teb
raws li kuv txoj kev nyiam kev hlub uas hlob nyob hauv koj?
5) Huab Tais thaum koj hu kuv npe,
koj lub suab ntxhe txog kuv.
Cia kuv tig los lawv koj qab,
txawm kuv lub neej yuav hloov.
Koj nrog kuv mas kuv yuav mus.
Qhov twg muaj koj txoj kev nyiam,
kuv yuav mus qhov ntawd
kom kuv hlob hauv koj txoj kev lub.
3. Kwv tij neej tsa cav txog Huab Tais (Ye sons and daughters)
(Txais) As Les Lus Yas! As Les Lus Yas! As Les Lus Yas!
1) Kwv tij neej tsa sawv daws cav txog
tus vaj nto koob meej nyob saum ntuj.
Hnub no nws yeej txoj kev tuag lawm. As Les Lus Yas!
2) Thaum hnub chiv nyob hauv lub lis piam,
thaum sawv ntxov tsees, ntuj tsis tau kaj,
cov poj niam mus xyuas Yes Xus lub ntxa. As Les Lus Yas!
3) Tus Tshiab tshwm tuaj nyob ntawm lub ntxa
tshaj rau Mab Liab thiab cov tuaj tias:
Huab Tais Yes Xus rov muaj txoj sia. As Les Lus Yas!
4) Yes Xus tshwm sim rau cov thwj tim,
nws hais rau lawv tias nej txhob ntshai,
nej nyob kaj lug, nej nyob kaj nrig! As Les Lus Yas!
5) Tos Mas hnov lawv hais rau nws tias
lawv pom Huab Tais sawv rov los lawm
nws yeej tsis ntseeg cov thwj tim li. As Les Lus Yas!
4. Muaj txoj sia tshiab (New life)
(Txais) Peb muaj txoj sia! Koj coj txoj sia tshiab rau peb.
Peb muaj txoj sia! Peb nrhiav tau txoj sia ruaj nreb nyob hauv koj.
1) Koj yog lub hauv paus txhawv kev zoo siab,
txhua txoj sia txhawv ntawd los.
Koj pub cov dej muaj txoj sia,
koj caw kom peb tuaj haus.
Peb tuaj cuag koj, peb tuaj hawm koj,
peb cav txog koj lub npe.
Peb tsob hwb koj, peb teev hawm koj,
peb ua tsaug vim koj pub txoj sia tshiab.
2) Koj yog lub hauv paus pub txoj sia tshiab,
koj yog peb qhov pom kev.
Koj qhia tej txiaj ntsim rau peb,
koj caw kom peb tuaj xyuas.
Peb tuaj cuag koj, peb tuaj hawm koj,
peb cav txog koj lub npe.
Peb tsob hwb koj, peb teev hawm koj,
peb ua tsaug vim koj pub txoj sia tshiab.
5. Vaj Huab Tais Yes Xus (โอ้พระเยซูพระผู้เป็นใหญ่)
1) Huab Tais Yes Xus Vaj Pleev cawm neeg. Ntiaj teb zoo siab tig los hawm koj.
Thov koj pab peb kom nyob kaj lug, vim koj tau cawm lub qab ntuj neeg.
(Txais) Huab Tais Yes Xus Leej Pleev thov koj qhia txhua haiv neeg
koj yog Tswv Ntuj Leej Tub, koj yog neeg tus cawm seej.
2) Huab Tais Yes Xus vaj ntxwv muaj tsim, peb nyo taub hau ntawm koj xub ntiag.
Koj yog Tswv Ntuj uas nyob ib txhim, koj yog tus tsim lub ntiaj teb neeg. (Txais)
3) Huab Tais Yes Xus koj yog tus ntshiab, Huab Tais nyob siab nqes los cawm neeg.
Koj yeem yug los kom tau cawm peb, koj yog tus qhib kev mus saum Ntuj. (Txais)
4) Huab Tais Yes Xus tus Leej Choj Ntshiab, koj nyob ib txhim thiab nyob mus li.
Peb thov muab peb lub siab los txi, los ua cov txim cev rau Tswv Ntuj. (Txais)
5) Huab Tais Yes Xus Tswv Ntuj Leej Tub, koj tau tuaj nyob hauv lub Cim Yug.
Huab Tais Yes Xus peb tus phooj ywg, koj yeem tuaj yug cawm lub ntiaj teb.(Txais)
6. Yes Xus Pleev sawv rov los (พระคริสตเจ้ากลับเป็นขึ้นมา)
1) Huab Tais Yes Xus sawv rov los, As Les Lus Yas.
Zoo li nws hais tseg ua ntej, As Les Lus Yas.
2) Nws tau pub txiaj ntsha txiaj ntsim, As Les Lus Yas.
Ntws los saum tus ntoo cuam los, As Les Lus Yas.
3) Yes Xus Pleev tus sawv rov los, As Les Lus Yas.
Nws muab nws txi rau Tswv Ntuj, As Les Lus Yas.
4) Huab Tais Yes Xus sawv rov los, As Les Lus Yas.
Nws mus npaj chaw rau peb nyob, As Les Lus Yas.
COV NKAUJ CAV TXOG LEEJ NTUJ PLIG
1. Los Leej Ntuj Plig
1) Los Leej Ntuj Plig los coj tas kuv lub neej,
qhia txoj kev sis nyiam sis hlub,
pub kuv koj tug, lees pab kuv ntseeg koj.
Leej Ntuj Plig.
2) Leej Ntuj Plig kev thoob tsib ci nyob hauv kuv,
pab kuv xav tom ntej tom qab,
kav kuv lo lus, coj kuv hais lus tseeb.
Leej Ntuj Plig.
3) Leej Ntuj Plig coj kuv paub Ntuj qhov ci ntsa,
qhib kuv qhov muag pom koj hlub.
Luag thiaj tau ntseeg, tau Ntuj qhov ci ntsa.
Leej Ntuj Plig.
2. Thov koj Leej Ntuj Plig (เชิญพระจิต)
1) Peb hu txog Leej Ntuj Plig, koj los mas. Los xyuas peb, koj haiv neeg nyob ntawm no,
nrog peb nyob nruab nrab peb ib sim neej, peb thiaj li yuav thoob xeeb nyob ua ke.
(Txais) Peb thov koj, peb thov koj, Leej Ntuj Plig. Peb thov koj, peb thov koj, Leej Ntuj Plig.
2) Peb hu txog Leej Ntuj Plig, koj los mas. Koj yog peb cov tib neeg qhov pom kev,
tso tswv yim, kev kaj lug rau sawv daws, peb thiaj li yuav txawj ua cov hauj lwm. (Txais)
3) Peb hu txog Leej Ntuj Plig, koj los mas. Koj yog peb tus Tswv Ntuj uas siab zoo,
thov koj tso txoj kev nyiam puv ntiaj teb, tsoom tib neeg yuav sib hlub raws li koj. (Txais)
3. Thov Leej Ntuj Plig qhib peb siab (By the walking of our heart)
(Txais): Thov Leej Ntuj Plig qhib peb siab, tsa peb tus plig kom tsim dheev.
Thov Leej Ntuj Plig Ntshiab nrog nraim peb, coj peb los ua ke hauv Leej Pleev.
1) Los Leej Ntuj Plig, koj los mas !
Koj nqes saum txheej ntuj siab los,
coj koj qhov pom kev tuaj ziab kom txog peb. (Txais)
2) Los cov txom nyem tus Cawm Seej!
pub koj cov txiaj ntsim rau peb,
coj txoj kev tso siab kev zoo kev ntshiab tuaj. (Txais)
3) Peb ua neeg khwv tas sim neej,
koj yog peb chaw so los siav.
Cov neeg ntxhov siab vam txog koj tuaj nplij lawv. (Txais)
COV NKAUJ CAV TXOG LUB CIM YUG
1. Kuv yog cov mov muaj txoj sia (I am the bread of life)
1) Kuv yog cov mov muaj sia.
Leej twg tuaj cuag kuv, nws yuav tsis tshaib.
Leej twg ntseeg txog kuv, nws yuav tsis nqhis.
Tsis muaj leej twg cuag tau
yog Leej Txiv tsis rub nws los.
(Txais) Kuv yuav tsa nej sawv rov los, tsa nej sawv rov qab los.
Tsa nej sawv rov qab los nyob hauv hnub lub caij kawg.
2) Cov mov kuv muab rau nej,
yog lub cev cia yug qab ntuj neeg.
Yog nej noj cov mov kuv muab
mas nej yuav muaj txoj sia
nyob mus txog txhiab puas xyoo. (Txais)
3) Yog nej tsis noj
neeg Leej Tub lub cev thiab tsis haus
neeg Leej Tub cov ntshav.
Yog tias nej tsis ntseeg
mas nej yuav tsis muaj txoj sia nyob. (Txais)
4) Kuv yog kev sawv rov los thiab yog txoj sia.
Yog tias nej ntseeg txog kuv, mas nej tuag lawm los
nej yuav muaj sia mus li. (Txais)
5) Huab Tais, kuv ntseeg tias koj yeej yog Leej Pleev,
Tswv Ntuj Leej Tub nqes los cawm peb neeg ntiaj teb. (Txais)
2. Lub Cim Yug kho neeg (โอ้ศีลบูชารักษาจิตใจ)
1) Muaj lub Cim Yug kho neeg tus plig, coj nej mus Tswv Ntuj lub Ceeb Tsheej.
Peb muaj tus phem thaiv peb kev mus li, thov koj pab peb muaj zog muaj yeej.
2) Txhua leej txhua tus cav txog Tswv Ntuj, cav txog Tswv Ntuj peb leeg Huab Tais.
Peb thov Tswv Ntuj pab txiaj ntsim rau peb, thiaj muaj sia nyob mus tas ib txhim. Ua li.
3. Yes Xus hauv lub Cim Yug (โอ้ศีลมหาสนิท)
1) Peb txhos caug khoov cev txaum yim, hawm peb Huab Tais Yes Xus.
Nws hlub peb, nws thiaj tuaj nyob, hauv ncuav mov lub Cim Yug.
(Txais) Yes Xus hauv lub Cim Yugmuab koj txoj sia rau peb yuad.
Peb khoov cev pe,koj pab peb nyob kaj siab lug.
2) Peb tso siab rau koj lo lus, “Tus twg txais kuv lub cev
nws yuav tau kev nplij tus plig.” Koj pab peb ntseeg mus li. (Txais)
COV NKAUJ TSIB PEB CAUG
1. Cav txog xyoo tshiab
1) Lub xyoo tshiab no tuaj txog lawm, peb Hmoob sawv daws tuav tes mus tos lub xyoo tshiab no.
Yog txheej laus coj noj coj ua, coj tej hlob cov yau, coj sawv daws koom ua ib pab.
2) Tam tsav paj tawg mus puv hav, sib hlub thiaj li yuav koom tau ua ib pab ib pawg.
Zoo li cov Tshiab nyob saum Ntuj, sib nyiam sib hlub sib pab ua Tswv Ntuj txoj kev kaj lug.
3) Muaj txoj kev txoj cai los nres, Hmoob thiaj coj lub neej raws li Ntuj tsim teb raug.
Peb Hmoob lub neej txawv txheej laus, txheej thaud ntau ntau, yog vim txheej tshiab no kawm txuj kawm ci.
4) Tab peb txawj nte npaum li cas, ntshai yuav tsis cuag peb poj yawm txwv koob txheej thaud.
Tej koob hmoov uas peb tau txais no, nco ntsuj ntsoov tuaj nraub siab, hais rau peb tsoom Hmoob sawv daws.
2. Mus zoo xyoo laus
1) Mus zoo xyoo laus mam mus koj mog. Thov koj tuaj nrog sau suab dub doog,
kev ploj kev tuag piam sij puas ntsoog, ntawm peb tsoom Hmoob mus poob zaj qhov.
Kom ntsej tsis hnov, kom qhov muag txhob pom.
(Txais) Ib xyoo ntuj zeeg kaum ob lub hlis, xyoo laus xaus xis, xyoo tshiab ncig yees.
Tas peb haiv Hmoob txhua peb txhua xeem, zoo siab dhia rhees nquam paj nquam ruas.
2) Nyob zoo xyoo tshiab, peb thov hawm koj. Txais koj tuaj nrog coj kev thaj yeeb,
noj qab haus huv nyob mus vam meej. Ua neej haum xeeb, tsim noob huam vam.
Nyob mus ciaj vaj, zoo tsis txawj tas. (Txais)
3. Nyob kaj lug hauv xyoo tshiab (พรปีใหม่)
1) Nyob kaj lug hauv lub xyoo tshiab, kom nyob ntshiab zoo li dej huv,
muaj lub neej nyob kaj siab lug, nyob ntshiab huv mus tas ib sim.
2) Thov Tswv Ntuj pub lo lus zoo, kom tsoom Hmoob nyob kaj nyob huv,
muaj lub siab nyob tiaj nyob tus, ua yam twg zoo li siab xav.
3) Kom tsoom Hmoob nyob mus kaj siab, niaj hnub niaj hmo nej nyob hauv kev kaj lug,
nyob vam meej hauv lub xyoo tshiab, kom nyob ntshiab zoo li dej huv.
4) Tas lub xyoo nyob mus zoo siab, zoo mus li ib txhiab ib txhim,
tsis raug mob zoo mus li ib sim, zoo mus li huav lub xyoo tshiab.
COV NKAUJ TXAIS CIM COG LUS
1. Kev hlub kaj siab (สุขในวิวาห์)
(Txais) Sib koom hauv Yes Xus, koom siab ntsws hauv Tswv Ntuj.
Kaj siab hlub ruaj nreb. Hlub ncaj ncees thov cog lus.
Wb ob leeg sib hlub, siab kaj lug luag ntxhwb ntxhi.
Kev hlub kaj siab. Hlub ib txhis.
1) Peb tuaj koom siab thov Huab Tais Tswv Ntuj
rau neb ob leeg kom sib hlub ruaj nreeg.
2) Peb tuaj thooj siab ua Huab Tais Ntuj tsaug
vim Ntuj tau coj kom neb los sib ntsib.
3) Peb tuaj sib koom rau hauv neb rooj tshoob,
thov foom koob hmoov neb lub neej kaj siab.
2. Kev hlub koom wb (ความรักรวมเราเป็นหนึ่ง)
1) Koom ib lub siab, koom ib lub cev,
koom txoj sia nyob ua ib ke.
Ob nplooj siab, hlub tsis muaj hnub hloov.
Mus ua ke kaj siab.
2) Muab kev hlub cog rau hauv siab.
Yuav sib hlub mus tas ib sim
li Yes Xus txoj kev hlub ntiaj teb,
tuag cawm peb sawv daws.
(Txais) Tswv Ntuj kev hlub koom neb ua ke.
Thiaj tsim nyog cav txog Tswv Ntuj.
Txawm nyuaj npaum twg, zoo siab npaum cas,
yuav thov sib hlub ib txhis.
Thov cog lus tias yuav sib hlub ib txhis.
3) Sib tuav tes koom ib txoj kev.
Txhob txhawj xeeb teeb meem dab tsi.
Tsim kev hlub txhawb lub zog mus li.
Hlub txog hnub siav tu. (Txais)
3. Kev hlub lub ntsiab
1) Kev hlub yuav tsum ua siab ntev,
kev hlub yuav tsum ua siab dav.
Tsis ua rau tu siab,
tsis ua rau mob siab
thiaj tsis poob lub kua muag.
2) Kev hlub yuav tsis txhob xam khib,
kev hlub tsis ua neeg siab dub.
Zam lub txim rau nws kiag.
Yuav tsum ntseeg nws lub siab,
thiab muaj kev cia siab.
(Txais) Nov yog kev hlub lub ntsiab,
nov yog Tswv Ntuj xav kom peb sib hlub.
Sib hlub mus ib txhis.
3) Kev hlub yuav tsum los sib pab,
kev hlub tsis txhob los sib ceg.
Qhib siab rau tas nrho,
tso siab rau tag nrho,
kev hlub thiaj nyob ruaj nreb.
4) Kev hlub yuav tsum sib ntseeg siab,
kev hlub tsis txhob hais lus dag.
Yuav tsum coj lub siab ncaj.
Muaj kev hlub tsis txawj tag,
Thiaj yuav nyob nto ntsis. (Txais)
COV NKAUJ DUA NRA
1. His Xais 49 (Isaiah 49)
1) Kuv haiv neeg, kuv yuav nco txog nej mus li. Kuv tau txaug nej rau hauv kuv lub xib tes.
Kuv yeej yuav nco ntsoov txog nej. Kuv yuav tsis tso nej ua ntsuag.
Kuv yuav nco ntsoov nej mus ib txhis.
2) Leej niam puas tsis nco qab nws tus me nyuam los yog tus uas tseem nyob hauv nws lub cev.
Txawm tias nws tsis nco qab txog, txawm yog nws tsis nco lawm los,
kuv yuav nco ntsoov tias nej yog kuv tug.
2. Koj nco ntsoov tias koj yog av (Going Home)
(Txais) Koj nco ntsoov koj yog av. Koj yuav rov ua av.
1) Thaum hauv paus, Ntuj muab av tsim ua neeg lub cev.
Ntuj tshuab pa nqa txoj sia. Tshuab pa rau lub plawv.
vim thaum ub, cev ntshaw noj, tswv yim xav paub txuj ci
mloog luag ntxias, ces txoj sia thiaj poob rau kev tuag.
Ntuj siab zoo, xa Leej Tub. Leej twg ntseeg hmoov zoo.
Leej twg ntseeg hmoov zoo. (Txais)
2) Av yog av yug txhia yam cev yuav ciaj ua av
yuav rov muaj txoj sia tshiab, rov mus tas ib txhiab.
Ntuj siab zoo, xa Leej Tub. Leej twg ntseeg, hmoov zoo.
Koj nco ntsoov koj yog av. Koj yuav rov ua av.
Ntuj siab zoo, xa Leej Tub. Leej twg ntseeg, hmoov zoo.
Leej twg ntseeg hmoov zoo. (Txais)
3. Koj tsa muag ntsia
1) Koj tsa muag los ntsia lub ntuj, los saib lub ntiaj teb, tej dej, tej sawv toj, toj roob hauv pes,
xyoob ntoo nroj tsuag muaj sia, yuav los txhawb koj ncu koj lub cev ntawm no kom ciaj.
2) Koj yuav saib qhov pom kev, saib qhov tsaus ntuj. Hmo ntuj koj yuav pom lub hli
thiab cov hnub qub ci rau koj, nruab hnub lub hnub yuav ci tuaj ziab rau saum koj,
koj lub cev yuav rov tshiab li khiv tos koj tus ntsuj plig yuav rov los ti.
(Txais) Ntuj yuav ua kom tej av ntawm no, ncu koj lub cev qhuav li qhawv
ua koj nplooj siab nplooj ntsws noo li zawv tos vaj Yes Xus yuav hu koj lub cev sawv rov los.
4. Koj txhob ntshai
5. Peb tus Tswv Ntuj (พระเจ้ายิ่งใหญ่/How great thou art)
1) Peb tus Tswv Ntuj, thov koj tig lees los saib nws. Nws yog av luaj, ko txhais tes tau tsim los.
Nws muaj txoj sia, yog vim koj tshuab pa rau nws, thiaj yug los ua neeg nyob ntiaj teb no.
(Txais) Nws tus ntsuj plig, yog koj Huab Tais Ntuj tsim. Nws yog koj li! Nws yog koj li!
Nws tus ntsuj plig, yog koj Huab Tais Ntuj tsim. Nws yog koj li! Nws yog koj li!
2) Thaum nws ua neej, nyob rau hauv lub ntiaj teb no, nws mloog koj lus, yoog raws koj tej lus qhia,
nws tau taug kev ncaj ncees raws li koj qhia, muaj lub siab hlub cov neeg me cov pluag. (Txais)
3) Thov koj nco txog , Yes Xus Leej Txiv xa tuaj. Nws raug tuag vim peb lub txim peb kev txhaum.
Saum ntoo ntsia tes nws ua daj hlo los puag koj. Nws ntshav ntws nto, nws tuag vim koj txhaum. (Txais)
4) Thaum Leej Pleev los, los nrog me suab qw lus cav. Nws yuav coj koj, mus koj lub tsev saum ntuj,
koj yuav tau los, txhos caug ntua pe hawm thiab cav. Qhua txog Tswv Ntuj, nws muaj hwj chim loj. (Txais)
6. Thov Huab Tais khuv leej koj (จากหลุมซึ้ง)
1) Hauv toj ntxas peb nco txog Ntuj hwj chim, peb los sib sau thov Ntuj rau koj mog.
(Txais) Thov Huab Tais khuv leej koj tus ntsuj plig!
2) Yog Tswv Ntuj ntsuas peb txhaum hauv siab plawv, peb sawv daws muaj txim loj txheeb tsis tas. (Txais)
3) Huab Tais Ntuj lub siab hlub khuv leej peb, Huab Tais cawm peb tus plig hauv qhov tuag. (Txais)
4) Peb tso siab rau Huab Tais Ntuj Lo Lus, cog tseg tias yuav coj peb rov qab mus. (Txais)
5) Leej Txiv Tswv Ntuj thov pub lub txiaj ntsim, muab los hliv rau saum koj tus ntsuj plig. (Txais)
6) Yes Xus Pleev peb tus vaj tus cawm seej, yuav ntxuav koj tus ntsuj plig kom tshiab huv. (Txais)
7) Leej Ntuj Plig qhov ci ntsa tsom koj kev, coj koj ntej mus txog Ntuj lub Ceeb Tsheej. (Txais)
8) Niam Mab Liab thov pab peb thov Tswv Ntuj, thov Tswv Ntuj mloog me yaus cov lus thov. (Txais)
9) Ntuj Leej Txiv, Neeg Leej Tub, Tus Nplij Neeg, koom ib leej Tswv Ntuj nyob mus ib txhis. (Txais)
7. Thov Yes Xus khuv leej plig (โอ้พระเยซู โปรดกู้วิญญาณ)
(Txais) Huab Tais Yes Xus koj khuv leej plig, cov them txim txhaum nyob qhov hluav taws,
thov koj tuaj cawm lawv mus kom sai, thov koj tuaj txais mus pem Ceeb Tsheej.
1) Txoj kev txom nyem yog them txim txhaum
thiaj li yuav tau Ntuj lub Ceeb Tsheej.
Nyob qhov hluav taws plig txom nyem heev,
thov koj tuaj txheeb lawv mus pem Ntuj.
2) Huab Tais Yes Xus tau hliv roj ntsha
kom tau cawm tas ntiaj teb neeg txhaum,
thov koj zam rau haiv neeg dua nra,
thov koj tuaj pab lawv mus pem Ntuj.
3) Huab Tais Yes Xus, koj hlub cov plig
uas lawv nyob txim, lawv raug kev txhaum,
thov koj tuaj daws kom lawv tau dim,
kom peb sib ntsib saum Ntuj Ceeb Tsheej.
8. Tsuas yog koj tus duab ntxoov (Only a shadow)
1) Kev hlub peb muab rau koj, Huab Tais tsuas yog koj txoj kev hlub tus duab ntxoov rau peb
yog koj txoj kev hlub tus duab ntxoov rau peb, yog koj txoj kev hlub peb.
2) Cov mov peb noj yug siav, Huab Tais yog koj lub cev koj ntais koj pub peb noj,
koj lub cev koj ntais koj pub peb noj, yog koj txoj kev hlub peb.
(Txais) Peb siav nyob hauv koj tes, peb siav nyob hauv koj tes,
kev hlub yuav loj hauv koj, Huab Tais kev kaj yuav tsom hauv peb.
3) Peb txoj kev ntseeg txog koj, Huab Tais tsuas yog koj txoj kev ntseeg tus duab ntxoov rau peb
yog koj txoj kev ntseeg tus duab ntxoov rau peb, yog koj txoj kev ntseeg peb.
4) Txoj kev npau suav hnub no, Huab Tais tsuas yog koj kev npau suav tus duab ntxoov rau peb
yog koj kev npau suav tus duab ntxoov rau peb, yog thaum peb los raws koj. (Txais)
5) Zoo siab xyiv fab hnub no, Huab Tais tsuas yog koj kev xyiv fab tus duab ntxoov rau peb
yog koj kev xyiv fab tus duab ntxoov rau peb, thaum peb rov ntsib koj dua.
9. Zaj nkauj xa plig (Song of farewell)
(Txais) Ntuj cov Tshiab ua ib npoj tuaj tos koj mus,
lawv tuaj tos koj mus nyob pem ntuj Huab Tais Ntuj nthuav tes tos
txais koj mus so nyob mus nto ib txhiab ib txhis.
1). Huab Tais yog lub teeb tsom koj ntej, Huab Tais tshem koj tawm hauv dab phem tes
Huab Tais yog lub zog coj koj kev, koj tsis ntshai txoj kev tuag tuaj nphav koj.
2) Muaj ib yam kuv yuav thov ntawm Huab Tais, thov Ntuj txais khuv leej koj tus ntsuj plig
thov muab tis rau koj ya mus hlo, koj yuav nyob nrog Huab Tais tas txhua hnub mus.
3) Huab Tais koj mloog kuv lub suab nquaj, hlub tshua khuv leej kuv teb kuv lus yuad,
koj txhob ntiab nws mus deb koj ntsej muag, koj yog Huab Tais cawm nws tus plig.
4) Koj tso siab koj yuav pom Huab Tais qhov zoo, koj muaj hmoo, koj yuav nyob nrog cov neeg ciaj.
Vam khom Ntuj, ruaj nreb ntseeg khov tiag, thiab tso siab rau Huab Tais Ntuj.