Vaj Qhia Les Os 14 hais tias Huab Tais Yes Xus quaj thaum nws nyob saum Ntoo Cuam, yog ib yam qhia txog qib kawg hauv txoj kev nyiam uas Huab Tais Yes Xus muab pub rau peb, thiab Vaj Qhia txhib sawv daws kom tsis txhob ntsia tias kev quaj yog kev tsis muaj zog tab sis kom peb ntsia tias kev quaj yog kev thov Ntuj qib siab kawg kiag.
Hnub tim 10 lub 9 hli 2025 tas los Vaj Qhia Les Os 14 rov tuaj qhia Ntuj kev cai hauv lub lis piam dua, Vaj Qhia tau muab zaj hais txog thaum Huab Tais Yes Xus tso lub ntiaj teb tseg coj los nthuav qhia sawv daws. Vaj Qhia pib tias Huab Tais Yes Xus tsis yog nws tuag ntsiag ntsiag mus xws li qhov pom kev uas maj mam ploj mus, tab sis Huab Tais Yes Xus tso nws txoj sia nrog rau nws lub suab quaj (cry).
Huab Tais Yes Xus tsa suab quaj qw tsis yog vim swb rau nws lub cev kev mob, tab sis Huab Tais Yes Xus tsa suab li ntawd yog lub cim kawg ntawm txoj sia. Ua ntej ntawd, Huab Tais Yes Xus hais tias “Kuv tus Tswv Ntuj, kuv tus Tswv Ntuj, ua cas koj tso kuv pov tseg?” (MT 27: 46). Qhov no qhia kom pom txog qib kawg ntawm txoj kev nyiam. Huab Tais Yes Xus lub suab yog lub suab tso siab lug rau Tswv Ntuj mus txog qhov kawg.
Huab Tais Yes Xus txoj sia tu, ces lub ntuj tsaus nti, daim ntaub hauv lub Tuam Tsev Teev Ntuj ntuag rhe puav tam li tas txhua yam nrog Huab Tais Yes Xus ris kev mob. Tab sis nyob hauv qhov tsaus ntuj no muaj ib yam tshiab tawm tuaj; yog Tswv Ntuj tsis nyob nram qab ntaub hauv lub Tuam Tsev Teev Ntuj ntxiv, Tswv Ntuj lub ntsej muag pom tseeb nyob saum Huab Tais Yes Xus tus dai saum Ntoo Cuam.
Huab Tais Yes Xus lub cev muaj cov qhov txhab puv tas dai nyob saum tus Ntoo Cuam qhia peb txog txoj kev nyiam loj tshaj plaws (the greatest love). Peb pom tias Tswv Ntuj tsis nyob nrug deb ntawm peb, tab sis Tswv Ntuj koom nrog peb ris kev mob kev ntsaj, Tswv Ntuj nrog peb hla lub ntiaj teb no ua ke mus kom txog qhov kawg.
Nyob ntawm qab Ntoo Cuam, muaj ib tug to taub zoo txog tej no, tus ntawd yog tus xab txheeb pej kum neeg. Tom qab nws pom tej no tas mas nws ntseeg. Tus xab txheen tshaj lus tias “Tus no yog Tswv Ntuj Leej Tub tiag.” Nws hais li ntawd vim Tswv Ntuj kev nyiam tuaj hloov nws siab.
Muaj ntau zaus peb pom tej yam, ces peb hais tawm los tsis tau tab sis peb lub suab qhia tau txog tej ntawd. Thaum peb zoo siab dhau, peb quaj. Qhov no tsis tau hais tias vim ‘tsis muaj zog’ (weakness) tab sis yog tus yeeb yam tob tob (deep) hauv leej tib neeg.
Lub Moo Zoo muab tus nqe loj tshaj rau peb kev quaj, vim tias kev quaj qhia tawm txog qhov sib txawv ntawm peb kev xav (feeling) thiab kev tawm tsam (struggle). Ntau zaus peb lo lus xwb tsis txaus, ces peb kev quaj hloov ua lo lus thov Ntuj.
Huab Tais Yes Xus lub suab quaj kawg, mas nws tso txhua yam nyob hauv nws mus. Huab Tais Yes Xus ua piv txwv rau peb hais txog kev tsa sua quaj hu tias tsis yog kev swb los kev zwm rau txoj hmoo. Ib tus neeg twg nws quaj hu, mas vim nws ntseeg tias tseem muaj tej tus hnov txog nws lub suab.
Peb leej tib neeg quaj hu tsis yog vim peb tag kev cia siab (despetation) tab sis vim peb ntshaw (despire) hu. Li ntawd, Huab Tais Yes Xus thiaj qhia peb tias yog peb muaj kev cia siab rau (trust) thiab kev tso siab (hope) mas peb muaj peev xwm quaj hu txog Tswv Ntuj tau, tab txawm tias thaum ntawd zoo li txhua yam plam tas.
Thaum peb yug hlo los, peb xub quaj ua ntej. Yog li mas kev quaj thiaj li yog ib yam pab neeg kom nyob yam muaj sia. Thaum peb txom nyem, thaum peb muaj kev nyiam, thaum peb hu txog lwm tus. Tej no peb puav leej tsa suab quaj. Li ntawd, kev quaj thiaj li yog ib feem hauv peb txoj sia. Kev quaj yog ib yam peb tab tom hais rau tus kheej tias peb muaj qee yam xav pub rau.
Nyob hauv lub caij txom nyem loj, Huab Tais Yes Xus lub suab quaj nyob saum Ntoo Cuam qhia rau peb tias “Txhob ntshai” ua tib yam li Huab Tais Yes Xus tau ua. Yog peb quaj vim txoj kev nyiam kev hlub, mas peb lub suab quaj tsis yog yuav tsis muaj qab hau. Yog peb quaj rau Tswv Ntuj, Tswv Ntuj yuav tsis liam faj rau peb.
Ua ntej yuav xaus cov lus qhia hauv hnub no, Vaj Qhia txhib sawv daws kom tsa suab quaj nyob nruab nrab kev txom nyem, vim tias yog peb quaj kom peb lub sab qhib, mas qhov ntawd yuav rhais ua qhov pom kev tshiab, los yog kev yug tshiab lub qhov rooj.