Ntawv Ntshiab tsis yog lawv ua ib teg sau tab sis cov neeg Tswv Ntuj tshoj lawv lub siab kom sau mas lawv nyob lub zim txwv sib txawv, lawv lub caij nyoog los sib txawv, thiab lawv lub tswv yim kuj sib txawv. Li ntawd, lawv ib tug thiaj sau Tswv Ntuj cov lus txawv ib tug, ib phau tsis thooj li ib phau; thaum peb yuav nyeem Ntawv Ntshiab mas peb thiaj yuav tau ua 3 yam no ua ntej tso:
1. Thov Leej Ntuj Plig tuaj kaj peb lub siab tsom kev rau peb lub tswv yim.
2. Soj saib tus sau Tswv Ntuj cov lus ua neej nyob lub caij twg, nws muaj lub tswv yim zoo li cas, lub ntiaj teb thaum nws nyob zoo li cas.
3. Kawm phau Ntawv Ntshiab xws li yog ib zag kwv huam vim tias cov phau ntawv me hauv phau Ntawv Ntshiab sau sib txawv; tej phau sau ua kwv txhiaj, tej phau sau ua tsab ntawv, tej phau sau ua nkauj paj seev, tej phau sau ua liv xwm, tej phau sau ua dab neeg, tej phau sau ua zaj yees siv los kuj muaj.