Lus Kas Ntawv Moo Zoo, mas ua ntej nws yuav sau mas nws tshuaj xwm zoo txog cov xwm hais txog Yes Xus, ces nws saum ze ntawm xyoo 61-63 los ntshai yog xyoo 75 tej. Tej zaum nws sau nyob As Kas Yas teb. Lus Kas npaj nws phau ntawv rau cov Hes Las thiab cov Los Mas uas lawv txais kev ntseeg ntawm tus Hauv Paus Xa Lus Paj Lug. Lus Kas sau hais tias nws sau pub rau Tes Os Fis Los.

Lus Kas sau nws phau Ntawv Moo Zoo, nws vam txog 3 yam: nws muab Mas Kos Ntawv Moo Zoo pab nws, nws muaj Mas Tais thawj phau Ntawv Moo Zoo, nws kuj tseem muaj ib co lus uas nws khaws tau ntawm cov Koom Txoos xub tau txais kev ntseeg los. Li ntawd, Lus Kas tus txheej txheem thiaj zoo li Mas Kos tus txheej txheem ntau. Nws phau Ntawv Moo Zoo txawv Mas Kos Ntawv Moo Zoo yog qhov no:

1. Tej zaj uas Mas Kos muab los nyob hauv ib ntus mas Lus Kas muab rau hauv lwm ntu.

2. Muaj twj zaj uas Mas Kos sau tseg, hos Lus Kas tsis sau, vim nws npaj nws phau ntawv rau cov neeg teev pej kum dab.

3. Lus Kas xav qhia tias Yes Lus Xas Les yog lub tsheej ntshiab uas Yes Xus yuav cawm lub ntiaj teb, ces lub Moo Zoo pib nyob Yes Lus Xas Les thiab yuav kawg nyob Yes Lus Xas Les; yam li Yes Xus tuag thiab sawv rov los, nws tuaj xyuas cov thwj tim nyob Yes Lus Xas Les, thiab yog nyob Yes Lus Xas Les mas Yes Xus thiaj yuav xa cov thwj tim mus.

Lus Kas Ntawv Moo Zoo tus txheej txheem zoo li no:

1. Yes Xus lub neej zais ntshis (LK 1-2).

2. Yes Xus npaj mus tshaj lub Moo Zoo (LK 3-4: 13).

3. Yes Xus tshaj lub Moo Zoo nyob Nkas Lis Lais teb (LK 4: 14-9: 50).

4. Yes Xus mus pem Yes Lus Xas Les (LK 9: 51-19: 27).

5. Yes Xus tshaj Ntuj Lus nyob Yes Lus Xas Les (LK 19: 28-21: 38).

6. Yes Xus kev tuag (LK 22-23).

7. Yes Xus sawv rov los (LK 24).

Lus Kas cev Yes Xus zoo li cas?

Nws cev zoo li Mas Kos; yam li Yes Xus yog Tswv Ntuj Leej Tub tuaj yeem txais kev taug vim yog txoj kev cawm lub ntiaj teb. Nws kuj cev Yes Xus zoo li Mas Tais; yam li Yes Xus yog Tswv Ntuj Leej Tub tshaj Tswv Ntuj lub Ceeb Tsheej nyob ntiaj teb no. Lus Kas tseem txawj hais tej yam zoo kawg txog Yes Xus; yam li nws cev Yes Xus yog ‘tus siab zoo, siab ntev, txawj zam rau cov neeg txhaum’.

Lus Kas cev Yes Xus yog ‘tus nyiam cov neeg me thiab cov neeg pluag’, Yes Xus yog ‘tus txiav txwm hnyav rau cov neeg muaj nyiaj nrhiav kev noj qab nyob zoo’. ‘Yes Xus yog tus siab loj siab tawv’, nws xav kom lub siab txhob dai rau dab tsi, txhob nyiam nyiaj txiag. ‘Yes Xus yog tus ‘nyiam kev thov’, ces nws yog tus piv txwv nyob hauv txoj kev teev Ntuj.

 Lus Kas kuj hais ntau zaus txog Leej Ntuj Plig, kev ua Ntuj tsaug, thiab kev kaj siab lug.