Yav thaud mas ntawv Es Nras thiab ntawv Nes Hes Mis yog tib phau xwb. Nyem no sawv daws muab faib ua 2 phau, tab sis yog tib tug neeg sau, nws sau piav ib co xwm sib law. Tus sau ntawv Es Nras thiab Nes Hes Mis, nws kuj yog tus sau phau ntawv Xwm. Nws sau ze ntawm xyoo 350 los 300 ua Yes Xus ntej.
Thaum nws sau phau ntawv, nws vam txog ib co ntawv uas luag xub sau ntxov lawm; zoo li tej daim ntawv nyob hauv cov vaj Npas Npis Los tej tuam tsev, tej daim ntawv nyov hauv lub Tuam Tsev Teev Ntuj nyob Yes Lus Xas Les, tsab ntawv Es Nras sau mus rau tus vaj nyob Npas Npis Los hais txog nws cov hauj lwm, tsab ntawv Nes Hes Mis sau tseg piav nws cov hauj lwm rau Tswv Ntuj.
Ntawv Es Nras thiab phau ntawv Nes Hes Mis qhia dab tsi?

1. Tswv Ntuj pab nws haiv neeg ntseeg txog nws. Tswv Ntuj xa ib cov neeg ntseeg ruaj ntseeg khov tuaj nres nws haiv neeg thiab pab sawv daws ua siab loj rov txhim lub Tuam Tsev Teev Ntuj thiab rov coj Mais Xes txoj cai.
2. Tab yog cov Yus Das lawv tsis muaj vaj kav lawv, mas lawv ua Tswv Ntuj haiv neeg teev Tswv Ntuj li qhov qub tau. Lawv tus vaj yog Tswv Ntuj. Kev ntseeg txog ib yam uas nyias xaiv nyob hauv nyias siab, tsis tas yuav muaj tej tus vaj coj sawv daws teev Ntuj. Cov Yus Das yuav tsis muaj vaj mus txog lub caij Huab Tais Yes Xus yuav tuaj. Yog Huab Tais Yes Xus thiaj yuav qhia meej tias Tswv Ntuj lub Ceeb Tsheej yog nyob hauv zeej tsoom lub siab, tsis yog ib lub teb chaws nyob ntiaj teb no.
   Phau ntawv Es Nres thiab Nes Hes Mis piav tej xwm meej kawg tab sis tus ua ob phau ntawv ntawd muab los sib xyaw me ntsis, peb thiaj tsis paub meej pes tsawg tias yog thaum twg Es Nras thiaj tau ua kab xwm nyob Yes Lus Xas Les.
   Cov xwm nyob hauv ntawv Es Nras thiab phau ntawv Nes Hes Mis.
3. Xyoo 538 Xes Npas Xas coj cov Yus Das nyob Npas Npis Los rov los nyob Yes Lus Xas Les (EN 1-2).
4. Cov Yus Das rov teev Ntuj nyob Yes Lus Xas Les (EN 3).
5. Cov Xas Mas Lias tsis kheev kom cov Yus Das rov txhim lub Tuam Tsev Teev Ntuj (EN 4).
6. Ntxos Los Npas Npes kav cov Yus Das, lawv txhim tau lub Tuam Tsev Teev Ntuj (EN 4-6).
7. Xyoo 515 cov Yus Das nqaum paj nqaum nruas ua Hmoov Hla (EN 6).
8. Xyoo 458 Es Nras ua Leej Choj, nws tuaj ntawm Npas Npis Los tuaj qhia Mais Xes txoj cai rau cov Yus Das (EN 7-10).
9. Xyoo 445 txog xyoo 433 Nes Hes Mis tuaj ntawm Npas Npis Los tuaj kav cov Yus Das, nws kho lub ntsa zeb xov Yes Lus Xas Les (NHM 1, 3, 7).
10. Es Nras rov tuaj tshaj Mais Xes txoj cai (NHM 7-10).
11. Nes Hes Mis sau npe cov neeg rov los nyob Yus Das teb (NHM 11-12).
12. Xyoo 425 Nes Hes Mis rov los kav Yus Das teb (NHM 13).