Thaud sawv daws hais tias Yes Les Mias yog tus sau phau ntawv Seev, ces sawv daws thiaj muab phau ntawv Seev lawv Yes Les Mias qab. Tab sis ntshai tsis yog Yes Les Mias sau, vim Yes Les Mias yauv tsis cav lus zoo txog tus vaj Xes Des Xias, nws tsis hais tias yuav vam txog tus vaj Hais Nkws Tos, nws tsis hais tias tsis muaj Yaj Saub.
Phau ntawv Seev mas lawv sau lub caij tus vaj Nas Npws Kos Nos Dos Xos rhuav lub tsheej Yes Lus Xas Les tas lawm, yam li xyoo 587 qab. Yog lub caij cov His Xas Lais tab tom mus nyob txim rau pej kum teb.
Phau ntawv Seev muaj 5 zaj hu nkauj seev los yog ntsaj thiab quaj txog Yes Lus Xas Les raug piam tseem tas. Cov zaj nkauj seev nug Yas Ves tias vim li cas Yas Ves Tswv Ntuj npau taws tas npaud rau nws haiv neeg. Lawv piav txog Yes Lus Xas Les raug kev lwj liam tas, tsoom pej xeem txom nyem tas rho, Tswv Ntuj haiv neeg poob hwj chim poob koob meej tas lawm. Tos Tswv Ntuj ua li ntawd yog vim muaj cov Yaj Saub cuav, muaj cov Leej Choj tsis saib tsoom pej xeem; tsis kav lawv pheej thov kom Tswv Ntuj rov qab hlub nws haiv neeg, lawv tseem tso siab rau Tswv Ntuj, lawv thov txhaum ntawm Tswv Ntuj.
Niaj xyoo rov txog lub hnub nyoog Nas Npws Kos Nos Dos Xos hlawv lub Tuam Tsev Teev Ntuj mas tsoom His Xas Lais tuaj sib txoos nyob hauv lub tshav thiab lawv hais cov zaj seev txog Yes Lus Xas Les. Nyem no lawv tseem hais nyob ze ntawm ‘phab ntsa seev’. Lub Lis Piam Ntshiab mas lub Koom Txoos hais tej zaj ntawd pab nco txog Yes Xus tuag, pab thov txhaum ntawm Tswv Ntuj.