Leej Ntshiab Vaj Qhia Mas Tis Nus yug hauv Is Tas Lias teb kwv yees xyoo 590-600. Nws yog noob nom tab sis muaj lub siab hlub cov neeg txom nyem.
Xyoo 641 Vaj Qhia Zam tim 4 kom Mas Tis Nus nqa lub Koom Txoos cov nyiaj mus ua nqe txhiv tsoom ntseeg raug cov Xas Las ntes nyob Das Mas Thias (Dalmatia) thiab Is This Lias (Istria). Tom qab ntawd, Mas Tis Nus tau ua Vaj Qhia This Os Dos (Pope Theodore I) tus tiam lis (legate) nyob Koos Taas Tis Nos Pos Lis.
Xyoo 649 lub Koom Txoos xaiv Mas Tis Nus ua Vaj Qhia. Mas Tis Nus nqua hu tas 105 tus Tswv Qhia tuaj ua lub rooj sab laj hais txog kev tiv thaiv thiab tawm tsam cov Hes Les Tis uas hais tias Huab Tais Yes Xus tsis yog tseem tib neeg, tsis yog tus cawm tib neeg dim ntawm kev txhaum.
Xyoo 653 Vaj Qhia Mas Tis Nus raug tus vaj Koos Taas tim 2 nyob Koos Taas Tis Nos Pos Lis liam tias nws fim cov Mawv XIm Lim, ces Vaj Qhia Mas Tis Nus raug ntes thiab xa mus nyob rau Khais Mias (Crimea). Nws tuag nyob ntawd hauv xyoo 655.
Vaj Qhia Mas Tis Nus tau hais ib lo lus tias “Tswv Ntuj muab av luaj los puab ua leej tib neeg, yog li peb yuav ntshai tus dab tsi, peb thiaj tsis muaj cuab kav ua raws Huab Tais Lo Lus.”