Zam Kas Pis Tas Nos yug xyoo 1386. Thaum hnub nyoog 26 xyoo, Zam raug xaiv tsa ua thawj tswj cheeb tsam Pes Lus Ntsias (Perugia) hauv Is Tas Lias. Zam raug Mas Las Tes Tas (Malatesta) ntes kaw hauv tsev loj faj, ces Zam txiav siab kawm ua Leej Choj thiab txais Cim Tiag Tes thaum nws muaj hnub nyoog 34 xyoos.
Zam thiab cov phooj ywg tub koom haum Fas Ntshis Kas 12 leeg tau mus tshaj Ntuj Lus rau Aws Los Pas Nrab. Lawv pab txhawb zog rau cov ntseeg nyob thaj tsam ntawd.
Xyoo 1453 haiv neeg Tws Kis ntau tau lub nroog Npis Xaas, Vaj Qhia Kas Lis Tus tim 3 (Pope Callixtus III) thiaj xa Zam mus qhia kev ua rog rau cov ua Ntuj kev cai. Zam coj cov tub rog ua Ntuj kev cai mus pab tus thawj tub rog Zam Hus Yas Ntis (John Hunyadi) txuag lub nroog Npes Nkes (Belgrade) hauv cov Tws Kis txhais tes.
Hnub tim 23 lub 10 hli xyoo 1456, Zam tau tas sim neej nyob rau hauv lub nroog Npes Nkes ntawd.
