Zam Das Mas Kis Nos (Iohannes Damascenus) yug xyoo 675 hauv tsev neeg As Lav ntseeg txog Yes Xus nyob Das Mas Kas, Xis Lias teb.
Zam Das Mas Kis Nos yog ib tus tub hais plaub ntug tab sis tom qab nws tau txiav txim siab tso txhua yam pov tseg, nws txiav siab ua Txiv Twj Cuab nyob ze ntawm lub nroog Yes Lus Xas Les. Txiv Tswv Qhia hauv Yes Lus Xas Les pom tias Zam kub siab rau txoj kev ntseeg, yog li nws thiaj pub lub Cim Tiag Tes rau Zam ua Leej Choj.
Zam Das Mas Kis Nos kub siab txuag cov Leej Choj kev qhuab qhia thiab khaws tseg ua tej phau ntawv cia. Zam yog tus tawm tsam cov Is Nkos Nos Nkas Tis uas yuav tsoo cov duab mlom pov tseg. Xyoo 749 Zam Das Mas Kis Nos tuag nyob hauv lub nroog Yes Lus Xas Les.
Zam nyiam sau ntawv hais txog txheej txheem thiab kab ke kev ntseeg, yog li Vaj Qhia Les Os tim 13 thiaj tsa Zam Das Mas Kis Nos ua kws txuj hauv lub Koom Txoos.
Vim muaj Zam Das Mas Kis Nos mas niaj hnub no thiaj tseem muaj cov duab mlom muaj txiaj ntsim rau txoj kev ntseeg nyob hauv tej tsev teev Ntuj.
