Leej Ntshiab Tuam Ntxas Kas Lias yug xyoo 1502 hauv Is Tas Lias teb. Ntxas Kas Lias niam xav kom nws txawj hlub cov neeg pluag txom nyem, nws niam thiaj kom nws tawm mus xyaum ua noj haus.

Ntxas Kas Lias kawm ua tub kho mob, ces xyoo 1524 nws pib xyaum hauj lwm, tab sis Ntxas Kas Lias lub siab xib mus rau fab kev cawm neeg tus plig tsis yog lub cev. Peb xyoos tom qab Ntxas Kas Lias pib kawm ua Leej Choj thiab txais lub Cim Tiag Tes nyob hauv xyoo 1529. Txiv Plig Ntxas Kas Lias ua hauj lwm nyob hauv cov tsev kho mob thiab lub tsev cia rau cov neeg pluag.

Xyoo tom qab, Txiv Plig Ntxas Kas Lias tshais chaw mus nyob Mis Las Nos. Nyob ntawm no, Txiv Plig Ntxas Kas Lias pib tshaj txoj kev ntseeg rau cov nom tswv thiab tsoom pej xeem uas kub siab ua cov hauj lwm tsim koob hmoov.

Lub zim txwv ntawd, txoj kev ntseeg nyob rau Is Tas Lias qaum teb tsuag heev, cov neeg ntseeg tsis quav ntsej teev Ntuj, ces Txiv Plig Ntxas Kas Lias nrog ob tug tub nom txhim tsa ib pawg Leej Choj tshiab muaj lub siab xav kho txoj kev nyiam teev Tswv Ntuj thiab coj lub neej mus raws kev ntseeg tseeb. Lawv muaj lub npe tias ‘cov Npas Nas Npais’ (the Barnabites).  

Txiv Plig Ntxas Kas Lias kom cov tsev teev Ntuj khob rwb nyob hauv Hnub Rau hauv lub lis piam, thaum hnub qaij. Txiv Plig Ntxas Kas Lias tawm mus tshaj Huab Tais Yes Xus txoj kev tuag, lub Cim Yug thiab Leej Ntshiab Paj Lug cov tsab ntawv rau tsoom neeg nyob ntawm tej tog kev. 

Xyoo 1539 Txiv Plig Ntxas Kas Lias tawm mus qhia kev ntseeg nyob hauv lub plawv nroog, nws muab hluav taws hlawv nws cov plaub hau, nws hais rau sawv daws tias “Nej ntsia kuv raug hlawv mas!” Hais li ntawd tas, mas nws mam tuag. Txiv Plig Ntxas Kas Lias lub cev raug los nyob hauv qab lub tsev teev Ntuj Npas Nas Npais hauv nroog Mis Las Nos.