Vaj Qhia Les Os 14 hais tias thaum Tswv Ntuj hu peb mus koom rooj qav, mas peb yuav tau tshem cov num tsuam peb (encumber), txo peb qhov xav tau (demand), thiab tso tseg kev muab siab tos tej yam tsis muaj tseeb (unrealistic expectations).
Hnub tim 6 lub 8 hli 2025 yog Lis Piam Hnub Plaub, yog hnub Vaj Qhia rov tuaj qhia Ntu kev cai; zaum no Vaj Qhia xaiv cov zaj hais txog Huab Tais Yes Xus kev txom nyem, kev tuag, thiab sawv rov los. Muaj ib lo lus Vaj Qhia xav coj los nthuav rau sawv daws tau nrog paub; yog lo lus tias ‘npaj txhij’ (prepare). Vaj Qhia hais tias lo lus no yog ib lo lus yooj yim (simple) tab sis yog ib lo lus zais ntshis muaj nuj nqis heev (precious secret) nyob hauv lub neej ua neeg ntseeg txog Yes Xus.
Nyob hauv Mas Kos Ntawv Moo Zoo (MK 14: 12-16) piav tias thaum txog thawj hnub noj cov mov tsis muaj poov xab, cov thwj tim nug Huab Tais Yes Xus tias nws xav kom lawv npaj pluas Hla rau nws noj nyob qhov twg. Qhov no mas tsom pom tias cov thwj tim ras tias yuav muaj yam tseem ceeb xeeb tuaj. Huab Tais Yes Xus hais rau lawv tias “Neb mus hauv nroog, yuav muaj ib tug neeg kwv ib hub dej tuaj ntsib neb. Neb raws nws mus.”
Tus kwv dej, kem tsev, tus tswv tsev; tas cov no puav leej raug npaj ua ntej cia tas lawm. Yog Huab Tais Yes Xus xub npaj rau nws cov thwj tim. Tej yam zoo li no qhia rau peb kom to taub tias ‘kev nyiam tiag’ (true love) tsis yog ‘txoj hmoo’ (chance) tiam sis yog lub txiv txi hauv ‘kev meej pem xaiv’ (conscious choice).
“Kev nyiam nqua hu kev npaj txhij.”
Huab Tais Yes Xus txiav siab nyiaj ris nws kev txom nyem yog tus qauv hais txog ywj siab xaiv txoj kev nyiam.
Vaj Qhia hais nruj nrees tias qhov tau hais los no yuav ua chaw nplij siab rau peb vim peb paub tias Huab Tais Yes Xus tab meeg muab nws txoj sia pub ua paj tshab rau peb.
Ob tug thwj tim qhib kem tsev mas nkawd pom tias rooj tog thiab kem tsev tu txhij tas lawm. Qhov no kuj qhia tau rau peb tias Tswv Ntuj yeej pua kev rau peb lawm. Ua li mas peb yuav ras tau tias Huab Tais Yes Xus twb xub npaj chaw tos peb kom peb lees paub (recognize) peb tus kheej thiab pom tias Huab Tais Yes Xus saib peb yog nws cov phooj ywg (friends).
Peb ib tug rau ib tug yuav pom tias Huab Tais Yes Xus npaj ib kem tshwj xeeb rau peb nyob puag hauv peb nruab siab. Kem no mas tos ntshis saib thaum twg peb yuav qhib mus pom, coj sawv daws mus nyob kom puv, thiab hliv kev nyiam rau hauv.
Txawm tias Huab Tais Yes Xus npaj txhua yam txhij tas lawm, tsis kav nws kuj hais kom cov thwj tim lis lawv cov hauj lwm. Qhov no tseem zoo qhia peb txog txoj sia sab ntsuj plig thiab; yog qhov tias lub txiaj ntsim tsis tau sawb lawj (eliminate) peb kev ywj pheej, tab sis lub txiaj ntsim tsa peb kev ywj pheej kom sawv.
Vaj Qhia ntuas cov tawm rooj tuaj fiv Ntuj nyob hauv Leej Ntshiab Pob Zeb lub tshav puam hnub no tias muaj ib pluas hmo cia rau peb npaj. Pluas hmo ntawd yog lub Txoo Txi Ntuj. Peb tsum tau qhib peb kem tsev kom tau txais txhua yam xws li yog kev ua Tswv Ntuj tsaug.
Tseev kom ua tau raws li hais, Vaj Qhia thiaj ntuas sawv daws kom tshem txhua yam khuam peb cia. Txawm li ntawd, los Vaj Qhia tau ceeb toom rau sawv daws kom txhob yuam kev txog kev npaj txhij thiab kev plooj muag (illusion) los yog ntseeg tias kev npaj txhij txhais tias ua kom yuam kev (delude). Kev plooj muag lem yus mus rau lwm qhov (distract), hos kev npaj txhij taw kev rau yus mus kom yog. Huab Tais Yes Xus ua piv txwv txog qhov no thaum nws npaj pluas hmo Hla rau nws cov thwj tim nyob hauv nws txoj hauj lwm cawm neeg, thaum ntawd nws cov thwj tim tsis to taub qhov nws ua thiab tseem muaj ib tug nrhiav kev ntxeev siab rau nws.
Peb raug hu los npaj pluas Hla zoo ib yam li hmo ntawd. Tsis yog hais txog kev npaj yus tus kheej nyob hauv Thaj Txi Ntuj (Mass) xwb, tseem yog npaj yus tus kheej nyob hauv txhua lub caij nyoog hauv yus lub neej niaj hnub thiab. Tej zaud qhov no yuav yog kom peb npaj meej (ready) tshais thawj ruam, los yog mloog kom ntau, los yog nres tos luag tej hloov lawv.
Thaum peb txiav siab cia Tswv Ntuj hu peb mus npuab Tswv Ntuj, mas peb yuav tsis nyob twm zeej ntxiv. Peb yuav ntsia pom tias muaj cov cim nyob ncig peb, peb yuav tim ntsej thiab hnov cov lus coj peb mus txog kem tsev dav thiab npaj txhij. Nyob ntawd, sawv daws ua ntees tsis muaj caij kawg los cav txog yam tob zais ntshis hauv kev nyiam tsis muaj nrim uas txheem peb thiab ntaus thawj ua peb ntej tas txwv.