Lus Xias yug hauv lub pov txwv Xis Xis Lias, Is Tas Lias teb. Lus Xias cog lus cev tag nrho nws lub neej thiab txoj sia rau Tswv Ntuj, ces nws thiaj coj lub neeg ntseeg txog Yes Xus yam qhib siab lug thiab ua tim khawv rau zeej tsoom pom txog nws txoj kev ntseeg.
Muaj ib hnub, txawm muaj ib tug tub hluas tuaj thov yuav Lus Xias mus ua nws poj niam, tiam sis Lus Xias tsis kam yuav tus hluas ntawd, ces tus hluas thiaj mus kom Lus Xias rau cov nom tswv Los Mas.
Tus nom yuam kom Lus Xias thim kev ntseeg mas nws thiaj yuav txuag nws txoj sia tau. Tus nom nug Lus Xias tias “Leej Ntuj Plig nyob ntxawm hauv koj lod?”
Lus Xias teb tias “Tus neeg twg muaj siab ntshiab mas tus neeg ntawd yog Leej Ntuj Plig lub tsev.”
Ces tus nom thiaj muab riam hno Lus Xias hauv siab tuag ua tim khawv hauv hnub tim 14 lub 12 hlis xyoo 304
Cov ntseeg cav tias leej twg mob qhov muag yog thov Leej Ntshiab Lus Xias mas tus neeg ntawd qhov muag yuav rov zoo tuaj.
