Hnub tim 20 lub 8 hli tas los no, Vaj Qhia Les Os 14 rov tuaj qhia Ntuj kev cai rau sawv daws nyob hauv chav tsev Paj Lug 6 nyob Vas Tis Kas. Hnub no Vaj Qhia hais txog cov xwm hauv hmo lawv noj pluas Hla, ces Huab Tais Yes Xus muab ncuav mov ntsw kua cev rau Yus Das.
Xyoo no yog Xyoo Ntshiab (Jubilee 2025), mas Vaj Qhia Les Os 14 thiaj li qhia Ntuj kev cai hais txog ‘Huab Tais Yes Xus yog peb chaw vam khom’. Hnub no yog hais txog zaj ‘Huab Tais Yes Xus raug txom nyem’ (The Passover of Jesus) nqe 3 hais tias ‘zam txhaum’ (Forgiveness). Vaj Qhia pib tias tus Hauv Paus Xa Lus Zam piav tias ‘thaum yuav txog lub ntees Hla, Yes Xus paub tias txog nws lub caij hla lub ntiaj teb no rov mus cuag Leej Txiv. Nws nyiam nws cov thwj tim uas nyob hauv lub qab ntuj no, mas nws nyiam lawv mus txog thaum kawg’ (Z 13: 1). Lo lus tias ‘nyiam mus txog thaum kawg’ (love to the end) yog tus yawm sij qhib peb lub tswv yim kom to taub txog Huab Tais Yes Xus lub siab lub ntsws (Christ’s heart). Cov thwj tim ‘tsis kam txais’ (rejection) Huab Tais Yes Xus, cov thwj tim ‘ua kev tu siab’ (disappointment) rau Huab Tais Yes Xus, cov thwj tim ‘tsis nco kev tshav ntuj’ (ingratitude) Huab Tais Yes Xus pub rau lawv; txawm li ntawd, Huab Tais Yes Xus tseem nyiam cov thwj tim vim tias Huab Tais Yes Xus lub siab nyiam tsis muaj nrim (love that does not cease).
Huab Tais Yes Xus paub zoo tias yuav muaj xwm phem dab tsi tuaj raug nws, tsis kav nws tsis khiav, tsis qhia sawv daws paub tias tus ntxeev siab yog Yus Das, tsis ua ib yam dab tsi los txuag nws kom tsis txhob raug cov xwm phem ntawd. Qhov Huab Tais Yes Xus ua mas yog nyiam lawv zoo li qhov qub, ces Huab Tais Yes Xus thiaj li ‘ntxuav’ (wash) cov thwj tim ko taw, muab lub ncuav mov ‘ntsw’ (deep) kua cev rau sawv daws noj, thiab ‘cev’ (offer) nws pub rau sawv daws.
Huab Tais Yes Xus txo nws lub hwj chim, ces nws piav cev ua qhov yooj yim (simple) thiab tsis muab hlob (humble) rau cov thwj tim. Qhov no yog Huab Tais Yes Xus muab nws kev nyiam pub rau tas sawv daws. Huab Tais Yes Xus to taub zoo tias kev phem (evil) rub neeg tawm hauv kev twj lij (freedom), tab sis tus yeeb yam muag mos txeem tau mus txog hauv tus neeg ntawd nruab siab; vim tias kev zam txhaum tseeb tiag tsis tos kom tus neeg txhaum hloov siab tso, tab sis kev zam txhaum tseeb tiag yuav tsum xub cev tus kheev rau tus neeg txhaum. Muab kev zam txhaum pub ua paj tshab rau tus neeg tau ua txhaum, tsis txhob vam tias tus neeg ua txhaum yuav tsum pauj rov los.
Huab Tais Yes Xus ua piv txwv rau peb pom tias nws zam txhaum rau Yus Das, yog thaum nws cev qhov ncuav mov rau Yus Das. Huab Tais Yes Xus kuj cev qhov ncuav mov rau peb txhua tus thiab. Qhov ncuav mov ntawd yog ‘peb kev cawm’ (our salvation), vim tias qhov ncuav mov ntawd qhia rau peb kom to taub tias Tswv Ntuj ua tas txhua tsav txhua yam kom tau tuaj cuag (reach) peb, tab txawm tias lub sij hawm ntawd peb tsis txais Tswv Ntuj.
Vaj Qhia hais ntxiv tias kev zam txhaum tsis yog kom peb tsis kam lees (deny) qhov phem, kev zam txhaum yog kom peb tiv thaiv (prevent) tsis pub rov ua phem ntxiv. Kev zam txhaum tsis yog hais tias tsis muaj xwm phem dab tsi tshwm tuaj, kev zam txhaum yog ua tas txhua yam peb yuav ua tau kom ruaj siab tau tias tsis muaj dab tsi khuam siab (resentment) ntxiv lawm.
Thaum tsaus ntuj, Yus Das tawm hauv kem tsev mus, ces Huab Tais Yes Xus hais rau lawv tias “Nyem no, Neeg Leej Tub twb txais koob meej lawm, thiab Tswv Ntuj kuj muaj koob meej nyob hauv nws” (Z 31: 31). Qhov no yog Huab Tais Yes Xus xav qhia rau sawv daws kom to taub tias kev ntxeev siab kuj yog ib lub cib fim zoo rau sawv daws tau txais kev cawm, yog tias sawv daws paub tshwj cia rau ua chaw tsim kev sib nyiam, thiab muab qhov zoo saib muaj nqis dua qhov phem.
Yog kom to taub zoo dua tuaj, Vaj Qhia thiaj hais ua piv txwv tias muaj ntau zaus peb ntsib kev tu siab vim muaj tej tus ua phem ua tsis zoo rau peb. Thaum ntawd, muaj qee yam tawm tuaj ntxias kom peb kaws peb siab, kom peb tiv, kom peb tawm tsam. Tab sis Huab Tais Yes Xus ua rau peb pom kev tso siab tias tseem muaj lwm txoj hauv kev; yog tso siab yam ntsiag ntsiag (silence of trust), thiab tshais ruam mus ntxiv xws li ib tus neeg muaj tsim (dignity) tsis tso lub siab nyiam pov tseg.