Vaj Qhia Les Os 14 nthuav txog Hmo Xya Ntshiab tias Huab Tais Yes Xus nqes mus hauv ntuj txias teb tsaus kom tau coj qhov pom kev mus kaj hauv qhov tsaus ntuj.
Hnub tim 24 lub 9 hli 2025 yog hnub Vaj Qhia rov tawm tuaj qhia Ntuj kev cai, hnub no Vaj Qhia hais tias Huab Tais Yes Xus tuag, ces ua ntej nws yuav sawv rov los, Huab Tais Yes Xus tau nqe mus rau ntuj txias teb tsaus. Tos Huab Tais Yes Xus mus rau ntuj txias teb tsaus vim Tswv Ntuj nyiam peb. Huab Tais Yes Xus tsis yog tuag kom tau txhiv peb cov neeg ciaj xwb, Huab Tais Yes Xus tseem tuag kom tau nrhiav cov ploj mus nyob hauv tub tuag teb thiab.
Lo lus tias ‘tub tuag teb’ (underworld) los raws li Hmoob hais tias ‘Yeeb Ceeb’ mas tsis yog ib thaj chaw (place) tab sis yog zwj ceeb (condition) txoj sia qhuav lawm (deplete), raug mob (pain), nyob twm zeej (solitude), tu siab (guilt), thiab raug cais (separate) ntawm Tswv Ntuj thiab lwm tus.
Huab Tais Yes Xus nqes mus rau tub tuag teb, kom tau muab tub tuag teb nchuav thiab tso cov tuag kom dim. Huab Tais Yes Xus mus rau tub tuag teb, kom tau ua tim khawv txog Leej Txiv txoj kev nyiam thiab hlub lawv. Huab Tais Yes Xus mus rau tub tuag teb, tsis yog mus txiav txim tab sis nws mus cawm lawv.
Huab Tais Yes Xus mus txog qhov tob tsaus ntuj nti hauv tub tuag teb tau li ntawd, mas thiaj li tsis muaj ib yam dab tsi yuav thaiv tau Huab Tais Yes Xus txoj kev cawm, txawm tias yam ntawd yuav yog neeg lub txim txhaum.