Hnub tim 11 lub 7 hli tas los no, Vaj Qhia Les Os 14 nrog cov neeg pluag txom nyem (Poor) thiab cov ntxiav (vulnerable people) li ob puas leej noj mov ua ke. Lawv cov no tau txais kev pab tu ntawm lub Ceeb Koom Txoos Los Mas (the Diocese of Rome).
Ua ntej yuav noj mov, Vaj Qhia hais rau sawv daws tias hnub no nws tsis tau npaj ib cov lus tuaj hais ntuas sawv daws, yam nws coj tuaj yog kev tshaib nqhis txog txoj kev ncaj (hunger for justice), kev tshaib nqhis txog txoj kev sib hlub tiag (hunger for genuine charity), thiab kev tshaib nqhis txog lub Koom Txoos paub qhib qhov rooj tos txais txhua tus neeg, lub Koom Txoos muaj txoj kev nyiam rau sawv daws thiab tsis muaj leej twg ua yeeb ncuab, thiab lub Koom Txoos sawv daws paub sib haum xeeb (reconciliation), sib zam (forgiveness), thiab nyob thaj yeeb (peace).
Dhau ntawm cov lus no lawm, Vaj Qhia tsis xav kom sawv daws tau tuaj zaum noj mov koom rooj ua ke xwb, nws xav ua ‘tus neeg tuam choj’ (a builder of bridges) nyob hauv kev sib ntsib zaum no kom tau tsim kev sib txheeb nrog cov neeg ntsib kev txom nyem hauv lub neej. Vaj Qhia hais li no “Hnub no Txiv xav tuam choj kom tau tuaj fim nej txhua tus, nej tsev neeg, thiab lub sawm fem peb sawv daws tsum ua neej nyob ua ke. Lub sawm fem li no mas tsum muab kev ncaj saib ua qhov tseem ceeb, thiab tsum ua tiag rhuav lub hauv paus chiv kev pluag txom nyem, kev tsis ncaj ncees, thiab txhua tsav yam yug txoj kev fav xeeb hauv lub qab ntuj. Lub Koom Txoos peb xav pom yog zoo li ntawd.”
Vaj Qhia hais ntxiv tias sawv daws tab tom sib pab tsim lub ntiaj teb txawv qhov tseeb, yog lub ntiaj teb muaj kev tso siab, yog lub ntiaj teb ci ntsa nyob hauv lub qab ntuj no. Tos hais li ntawd, vim ntau zaus peb lub ntiaj teb tawg los ntawm ‘kev kub ntxhov’ (violence), ‘kev ntxub ntxaug’ (hatred), thiab ‘kev xaiv ntsej xaiv muag’ (discrimination).
Vaj Qhia tseem thov caw sawv daws los sib tuav tes tsim lub Koom Txoos tseb kev ncaj, kev thaj yeeb, thiab kev sib nyiam rau lub ntiaj teb.
