III.I. HUAB TAIS 10 LO LUS QHIA
-17-
1 Tsoom tub ki Is Xas Lais tso lub hav suab puam Xees tseg, lawv mus ntxiv raws li HUAB TAIS tau hais kom lawv yuav tsum maj mam tsiv zuj zus ib qho rau ib qho. Lawv los tsa tsev nyob rau Les Fis Dis, nyob ntawd tsis muaj dej rau tsoom pej xeem haus. 2 Ces lawv npau taws rau Mais Xes, lawv hais tias : “Koj cia li muab dej los rau peb haus !”
1 All the congregation of the children of Israel traveled from the wilderness of Sin, starting according to Yahweh’s commandment, and encamped in Rephidim; but there was no water for the people to drink. 2 Therefore the people quarreled with Moses, and said, “Give us water to drink.”
Mais Xes hais rau lawv tias : “Vim li cas nej npau taws rau kuv ? Vim li cas nej xav sim HUAB TAIS ?”
Moses said to them, “Why do you quarrel with me? Why do you test Yahweh?”
3 Tsoom pej xeem nqhis dej, lawv yws yws rau Mais Xes tias : “Ua cas koj thiaj coj peb tawm Hais Nkws Tos teb los ? Puas yog koj xav kom kuv tuag dej, kuv thiab kuv cov me nyuam thiab kuv cov tsiaj peb sawv daws tuag dej ?”
3 The people were thirsty for water there; so the people murmured against Moses, and said, “Why have you brought us up out of Egypt, to kill us, our children, and our livestock with thirst?”
4 Mais Xes tsa suab hu HUAB TAIS hais tias : “Kuv yuav ua li cas rau haiv neeg no ? Tshuav me ntsis xwb ces lawv yuav xuas pob zeb txawb kuv.”
4 Moses cried to Yahweh, saying, “What shall I do with these people? They are almost ready to stone me.”
5 HUAB TAIS hais rau Mais Xes tias : “Koj mus ua tsoom pej xeem ntej, koj coj ob peb tug txwj laus Is Xas Lais nrog koj mus. Koj nqa koj rab pas nrig ntawm tes, yog rab pas uas koj tau siv los ntaus tus niam dej nyob Hais Nkws Tos, koj mus. 6 Kuv yuav mus ua koj ntej, saum lub tsua, nyob saum roob Hos Les tos koj tuaj. Koj yuav ntaus lub tsua, ces dej yuav txhawv tawm los rau tsoom pej xeem haus.” Mais Xes ua raws li ntawd, cov txwj laus Is Xas Lais ntsia ntsoov nws ua. 7 Mais Xes tis npe rau thaj chaw ntawd hu ua Mas Xas thiab Mes Lis Npas, vim nyob ntawd, cov Is Xas Lais nrhiav lus rau nws thiab lawv sim HUAB TAIS, lawv hais tias : “HUAB TAIS puas nrog peb nyob los tsis nrog ?”
5 Yahweh said to Moses, “Walk on before the people, and take the elders of Israel with you, and take the rod in your hand with which you struck the Nile, and go. 6 Behold, I will stand before you there on the rock in Horeb. You shall strike the rock, and water will come out of it, that the people may drink.” Moses did so in the sight of the elders of Israel. 7 He called the name of the place Massah,† and Meribah,‡ because the children of Israel quarreled, and because they tested Yahweh, saying, “Is Yahweh among us, or not?”
8 Cov As Mas Les tuaj ntaus cov Is Xas Lais, ces lawv sib tawm tsam nyob Les Fis Dis. 9 Mais Xes hais rau Yos Xuas tias : “Koj xaiv ib pab txiv neej nrog koj, tag kis koj tawm mus ntaus cov As Mas Les; hos kuv, mas kuv yuav mus nyob saum lub ncov roob, tuav rawv Tswv Ntuj rab pas ntawm tes.” 10 Yos Xuas ua raws li Mais Xes hais rau nws, nws tawm mus ntaus cov As Mas Les, hos Mais Xes, As Loos thiab Hwm lawv nce mus saum lub ncov roob. 11 Yog tias Mais Xes tsa nws ob txhais tes twj ywm, ces tog Is Xas Lais yeej, yog nws tso nws ob txhais tes dauv, ces tog As Mas Les yeej. 12 Thaum Mais Xes tsaug leeg npab lawm, lawv muab ib lub pob zeb los rau Mais Xes zaum. Mais Xes zaum saum lub pob zeb, hos As Loos thiab Hwm nkawd txheem nws ob txhais tes, ib leeg nyob ib sab. Lawv ua li ntawd ces nws ob txhais tes thiaj tsa tas mus li txog thaum hnub poob qho. 13 Ces Yos Xuas xuas ntaj los ntaus yeej As Mas Les thiab nws haiv neeg. 14 HUAB TAIS hais rau Mais Xes tias : “Koj muab tej ntawd sau cia rau hauv ib phau ntawv kom tau khaws tseg, thiab koj hais rau Yos Xuas tias kuv yuav rhuav As Mas Les kom ploj ntais hauv lub qab ntuj khwb no mus, yuav tsis muaj neeg nco qab txog nws ntxiv.” 15 Ces Mais Xes txhim ib lub thaj txi Ntuj, nws tis npe hu ua HUAB TAIS Nis Xis. 16 Lub npe no txhais tias : “Tuav rawv HUAB TAIS tus chij ntawm tes ! Vim HUAB TAIS tau tsa rog ntaus As Mas Les mus txheej dhau txheej.”
8 Then Amalek came and fought with Israel in Rephidim. 9 Moses said to Joshua, “Choose men for us, and go out to fight with Amalek. Tomorrow I will stand on the top of the hill with God’s rod in my hand.” 10 So Joshua did as Moses had told him, and fought with Amalek; and Moses, Aaron, and Hur went up to the top of the hill. 11 When Moses held up his hand, Israel prevailed. When he let down his hand, Amalek prevailed. 12 But Moses’ hands were heavy; so they took a stone, and put it under him, and he sat on it. Aaron and Hur held up his hands, the one on the one side, and the other on the other side. His hands were steady until sunset. 13 Joshua defeated Amalek and his people with the edge of the sword. 14 Yahweh said to Moses, “Write this for a memorial in a book, and rehearse it in the ears of Joshua: that I will utterly blot out the memory of Amalek from under the sky.” 15 Moses built an altar, and called its name “Yahweh our Banner”.§ 16 He said, “Yah has sworn: ‘Yahweh will have war with Amalek from generation to generation.’ ”