Hnub hwm Yes Xus tus Ntoo Cuam 2025 Vaj Qhia Les Os 14 hais tias Tswv Ntuj kev nyiam loj tshaj tau hloov kev tuag rab twj (instrument of death) los ua txoj kev pub txoj sia.

Hnub tim 10 lub 9 hli 2025 tas los Vaj Qhia Les Os 14 tau muab zaj hais txog thaum Huab Tais Yes Xus tso lub ntiaj teb tseg coj los nthuav qhia sawv daws. Vaj Qhia pib tias Huab Tais Yes Xus tsis yog nws tuag ntsiag ntsiag mus xws li qhov pom kev uas maj mam ploj mus, tab sis Huab Tais Yes Xus tso nws txoj sia nrog rau nws lub suab quaj (cry).

Hnub chiv tim 7 lub 9 hli 2025 Vaj Qhia Les Os 14 tsa Fas Xas Tis thiab As Khus Tis ua Leej Ntshiab.

Hnub tim 3 lub 9 hli tas los no, Vaj Qhia Les Os 14 rov tawm tuaj qhia Ntuj kev cai nyob hauv Leej Ntshiab Pob Zeb lub tshav puam txog Huab Tais Yes Xus lo lus nws hais nyob saum tus Ntoo Cuam, yog lo lus tias “Kuv nqhis dej” (Z 19: 28) thiab lo lus tias “Ib puas tsav yam tiav tas lawm” (Z 19: 30).

Hnub tim 31 lub 8 hli 2025 Vaj Qhia coj sawv daws hais zaj Tswv Ntuj tus Tshiab xa xov, mas Vaj Qhia thov Ntuj kom lub Koom Txoos ua tau lub tsev rau qhia txog kev tsis muab hlob raws nraim li Huab Tais Yes Xus tus piv txwv, kom lub Koom Txoos qhib txais sawv daws, thiab ua qhov chaw rhuav tshem neeg kev ua yeeb ncuab.

Hnub tim 27 lub 8 hli 2025 Vaj Qhia Les Os 14 xav txog cov xwm thaum cov Yus Das tuaj ntes Huab Tais Yes Xus hauv lub vaj Nkes Txes Mas Nis, mas Vaj Qhia pom tias tab txawm nyob hauv lub caij txaus ntshai, lub caij poob rau kev tsis ncaj ncees, lub caij raug tso pov tseg nyob ib leeg, los Tswv Ntuj nrog nraim.