8 Muaj ib tug vaj tshiab sawv los kav Hais Nkws Tos teb. Nws tsis paub txog Yos Xes. 9 Nws hais rau nws cov neeg tias: “Cov neeg Is Xas Lais coob tshaj peb thiab muaj zog tshaj peb lawm. 10 Peb yuav tsum nrhiav ib zag tswv yim yuam kom lawv tsis txhob huam vam ntxiv. Yog tsis ua li ntawd mas ntshai tsam thaum muaj tsov rog, ces lawv mus nrog cov yeeb ncuab koom siab. Mas peb cov yeeb ncuab yuav coob heev, tsam lawv tig rov ntaus rog rau peb kom tau tawm hauv lub teb chaws no mus.” 11 Ces lawv tsa ib cov thawj saib hauj lwm yuam cov Is Xas Lais kom ua hauj lwm hnyav hnyav raws li lawv txib, kom cov Is Xas Lais lub neej txom nyem. Cov Is Xas Lais thiaj ua hauj lwm hnyav txhim tsa tau ob lub nroog muaj tej txhab ntim qoob rau Fas Las Oos, yog ob lub nroog Pis Toos thiab Las Mas Xes. 12 Tab sis lawv yim ua kom cov Is Xas Lais txom nyem, cov Is Xas Lais yim huam coob ntxiv, lawv nyob thoob qhov txhia chaw. Ces neeg ntshai cov Is Xas Lais. 13 Cov Hais Nkws Tos yuam kom cov Is Xas Lais ua hauj lwm tas mus li,
14 mas lawv lub neej txom nyem kawg, vim lawv ua hauj lwm hnyav : lawv do av, npaj av, puab thwv cib, thiab lawv ua ntau yam hauj lwm hnyav nyob nruab liaj nruab teb. Luag yuam lawv ua txhua tsav txhua yam hauj lwm.

8 Now there arose a new king over Egypt, who didn’t know Joseph. 9 He said to his people, “Behold, the people of the children of Israel are more and mightier than we. 10 Come, let’s deal wisely with them, lest they multiply, and it happen that when any war breaks out, they also join themselves to our enemies and fight against us, and escape out of the land.” 11 Therefore they set taskmasters over them to afflict them with their burdens. They built storage cities for Pharaoh: Pithom and Raamses. 12 But the more they afflicted them, the more they multiplied and the more they spread out. They started to dread the children of Israel. 13 The Egyptians ruthlessly made the children of Israel serve, 14 and they made their lives bitter with hard service in mortar and in brick, and in all kinds of service in the field, all their service, in which they ruthlessly made them serve.