-11-
1Thaum ntawd, tas ntiaj teb sawv daws hais ib xeem lus xwb thiab siv ib cov lus xwb. 2Thaum lawv tsiv sab toob fab los mus, lawv los txog ib lub tiaj nyob hauv teb chaws Sis Nes As,[1] ces lawv los nyob ntawd. 3Lawv sib hu tias “Tuaj peb puab thwv cib, peb muab ci hauv hluav taws!” Lawv siv cov thwv cib ntawd los ua pob zeb txhim tsev thiab siv roj hmab dub los leem. 4Lawv hais tias “Tuaj peb txhim ib lub nroog rau peb thiab ib tug pej thuam kom lub ntsis siab mus txog saum ntuj, ces peb lub npe yuav nrov thiab peb thiaj li tsis sib tawg mus nyob thoob ntiaj teb.”
1 The whole earth was of one language and of one speech. 2 As they traveled east,† they found a plain in the land of Shinar, and they lived there. 3 They said to one another, “Come, let’s make bricks, and burn them thoroughly.” They had brick for stone, and they used tar for mortar. 4 They said, “Come, let’s build ourselves a city, and a tower whose top reaches to the sky, and let’s make a name for ourselves, lest we be scattered abroad on the surface of the whole earth.”
5Yas Ves nqes los xyuas lub nroog thiab tus pej thuam uas neeg tau tsa sawv. 6Yas Ves hais tias “Ntsia saib, lawv yog ib haiv neeg thiab hais ib xeem lus xwb, thiab qhov no tsuas yog qhov lawv nyuam qhuav pib ua xwb. Txij no mus yog lawv xav ua dab tsi, ces yuav tsis muaj ib yam uas lawv yuav ua tsis tau lawm. 7Mus, peb sim nqes mus xyuas saib, thiab peb yuav ua kom lawv hais lus tsis sib to taub, ces lawv yuav tsis sib haum ntxiv lawm.” 8Yas Ves ua kom lawv sib tawg mus nyob thoob ntiaj teb ces lawv tso tseg tsis txhim lub nroog ntxiv. 9Vim li ntawd thiaj hu ua pej thuam Npas Npes[2] vim yog nyob ntawd, Yas Ves ua kom ntiaj teb neeg hais lus tsis sib to taub, thiab yog nyob ntawd, Yas Ves ua kom neeg tawg mus nyob thoob ntiaj teb.
5 Yahweh came down to see the city and the tower, which the children of men built. 6 Yahweh said, “Behold, they are one people, and they all have one language, and this is what they begin to do. Now nothing will be withheld from them, which they intend to do. 7 Come, let’s go down, and there confuse their language, that they may not understand one another’s speech.” 8 So Yahweh scattered them abroad from there on the surface of all the earth. They stopped building the city. 9 Therefore its name was called Babel, because there Yahweh confused the language of all the earth. From there, Yahweh scattered them abroad on the surface of all the earth.
10Cov nram no yog Xees caj ces: Thaum dej nyab ntiaj teb tas tau ob xyoos lawm, mas Xees muaj ib puas xyoo, ces nws yug As Pas Xas. 11Thaum As Pas Xas yug lawm, Xees tseem nyob tsib puas xyoo ntxiv, nws yug tau ntau tus tub ntau tus ntxhais.
10 This is the history of the generations of Shem: Shem was one hundred years old when he became the father of Arpachshad two years after the flood. 11 Shem lived five hundred years after he became the father of Arpachshad, and became the father of more sons and daughters.
12Thaum As Pas Xas muaj peb caug tsib xyoos, nws yug Ses Las. 13Thaum Ses Las yug los lawm, As Pas Xas tseem nyob plaub puas peb xyoos ntxiv, nws yug tau ntau tus tub ntau tus ntxhais.
12 Arpachshad lived thirty-five years and became the father of Shelah. 13 Arpachshad lived four hundred three years after he became the father of Shelah, and became the father of more sons and daughters.
14 Thaum Ses Las muaj peb caug xyoo, nws yug Es Npes. 15Thaum Es Npes yug lawm, Ses Las tseem nyob plaub puas peb xyoos ntxiv, nws yug tau ntau tus tub ntau tus ntxhais.
14 Shelah lived thirty years, and became the father of Eber. 15 Shelah lived four hundred three years after he became the father of Eber, and became the father of more sons and daughters.
16Thaum Es Npes muaj peb caug plaub xyoos, nws yug Pes Les. 17Thaum Pes Les yug lawm, Es Npes tseem nyob plaub puas peb caug xyoo ntxiv, nws yug tau ntau tus tub ntau tus ntxhais.
16 Eber lived thirty-four years, and became the father of Peleg. 17 Eber lived four hundred thirty years after he became the father of Peleg, and became the father of more sons and daughters.
18Thaum Pes Les muaj peb caug xyoo, nws yug Les Us. 19Thaum Les Us yug lawm, Pes Les tseem nyob ob puas cuaj xyoo ntxiv, nws yug tau ntau tus tub ntau tus ntxhais.
18 Peleg lived thirty years, and became the father of Reu. 19 Peleg lived two hundred nine years after he became the father of Reu, and became the father of more sons and daughters.
20Thaum Les Us muaj peb caug ob xyoos, nws yug Xis Lws. 21Thaum Xis Lws yug los, Les Us tseem nyob ob puas xya xyoo, nws yug tau ntau tus tub ntau tus ntxhais.
20 Reu lived thirty-two years, and became the father of Serug. 21 Reu lived two hundred seven years after he became the father of Serug, and became the father of more sons and daughters.
22Thaum Xis Lws muaj peb caug xyoo, nws yug Nas Hos. 23Thaum Nas Hos yug los lawm, Xis Lws tseem nyob ob puas xyoo ntxiv, nws yug tau ntau tus tub ntau tus ntxhais.
22 Serug lived thirty years, and became the father of Nahor. 23 Serug lived two hundred years after he became the father of Nahor, and became the father of more sons and daughters.
24Thaum Nas Hos muaj nees nkaum cuaj xyoos, nws yug Tes Las. 25Thaum Tes Las yus los lawm, Nas Hos nyob ib puas kaum cuaj xyoo ntxiv, nws yug tau ntau tus tub ntau tus ntxhais.
24 Nahor lived twenty-nine years, and became the father of Terah. 25 Nahor lived one hundred nineteen years after he became the father of Terah, and became the father of more sons and daughters.
26Thaum Tes Las muaj xya caum xyoo, nws yug As Nplas, Nas Hos, thiab Has Laas.
26 Terah lived seventy years, and became the father of Abram, Nahor, and Haran.
27Ntawm no mus yog Tes Las caj ces. Tes Las yug tau As Nplas, Nas Hos, thiab Has Laas. Has Laas yug tau Los. 28Has Laas tuag nyob hauv lub teb chaws nws yug, uas yog Uj, nyob Kas Ntes teb, thaum nws txiv Tes Las tseem muaj txoj sia. 29As Nplas thiab Nas Hos nkawd yuav poj niam. As Nplas poj niam hu ua Xas Lais. Nas Hos poj niam hu ua Mis Las Kas, yog Has Laas tus ntxhais, Has Laas yog Mis Las Kas thiab Yis Xas Kas nkawd txiv. 30Xas Lais tsis muaj me nyuam. Nws yug tsis tau tub ki. 31Tes Las coj nws tus tub As Nplas, nws tus xeeb ntxwv Los uas yog Has Laas tus tub, thiab nws tus nyab Xas Lais uas yog As Nplas poj niam, nws coj lawv tawm hauv cov Kas Ntes lub teb chaws Uj mus, lawv yuav tsiv mus nyob Kas Nas Has teb. Tiam sis nws tsiv los txog Has Laas teb, ces nws cia li nyob ntawd lawm. 32Tes Las ua neej nyob txog ob puas tsib xyoos, ces nws tuag nyob Has Laas.
27 Now this is the history of the generations of Terah. Terah became the father of Abram, Nahor, and Haran. Haran became the father of Lot. 28 Haran died in the land of his birth, in Ur of the Chaldees, while his father Terah was still alive. 29 Abram and Nahor married wives. The name of Abram’s wife was Sarai, and the name of Nahor’s wife was Milcah, the daughter of Haran, who was also the father of Iscah. 30 Sarai was barren. She had no child. 31 Terah took Abram his son, Lot the son of Haran, his son’s son, and Sarai his daughter-in-law, his son Abram’s wife. They went from Ur of the Chaldees, to go into the land of Canaan. They came to Haran and lived there. 32 The days of Terah were two hundred five years. Terah died in Haran.