-3-
1Tus nab[1] yog tus ntse tshaj tas txhua hom tsiaj Yas Ves Tswv Ntuj tau tsim los nyob nruab nrag. Nab hais rau tus poj niam tias “Tswv Ntuj hais tias ‘Neb yuav tsis txhob noj txhua yam txiv ntoo hauv lub vaj no puas yog’?”
1 Now the serpent was more subtle than any animal of the field which Yahweh God had made. He said to the woman, “Has God really said, ‘You shall not eat of any tree of the garden’?”
2Tus poj niam teb rau tus nab hais tias “Wb noj tau cov txiv txi saum cov ntoo hauv lub vaj no tib si, 3tsuas tshwj cov txiv txi saum tsob ntoo nyob hauv nruab nrab lub vaj. Tswv Ntuj hais tias ‘Neb tsis txhob noj. Nej tsis txhob kov, yog neb noj neb kov mas neb yuav tuag.”
2 The woman said to the serpent, “We may eat fruit from the trees of the garden, 3 but not the fruit of the tree which is in the middle of the garden. God has said, ‘You shall not eat of it. You shall not touch it, lest you die.’ ”
4Tus nab teb ntua tus poj niam tias “Neb yuav tsis tuag li, 5 Tswv Ntuj paub tias hnub twg neb noj ces neb qhov muag yuav qhib, neb yuav zoo li Tswv Ntuj uas paub qhov zoo thiab phem.”
4 The serpent said to the woman, “You won’t really die, 5 for God knows that in the day you eat it, your eyes will be opened, and you will be like God, knowing good and evil.”
6Tus poj niam pom hais tias tus ntoo ntawd yeej zoo noj thiab zoo saib kawg, thiab yog tus ntoo uas yus ntshaw noj kom yus paub qhov zoo thiab qhov phem, nws de zoj lub txiv ntawm tus ntoo los noj. Nws kuj cev rau nws tus txiv uas nrog nws nyob, ces tus txiv kuj noj thiab. 7Ces nkawd ob leeg qhov muag qhib plho, nkawd paub hais tias nkawd liab qab. Nkawd thiaj muab nplooj ncuav pias los ua tiab npua. 8Thaum hnub txias zias, nkawd hnov Yas Ves Tswv Ntuj rhais ruam ncig lub vaj. Tus txiv neej thiab nws tus poj niam khiav tsiv nraim Yas Ves Tswv Ntuj hauv cov ntoo nyob hauv lub vaj.
6 When the woman saw that the tree was good for food, and that it was a delight to the eyes, and that the tree was to be desired to make one wise, she took some of its fruit, and ate. Then she gave some to her husband with her, and he ate it, too. 7 Their eyes were opened, and they both knew that they were naked. They sewed fig leaves together, and made coverings for themselves. 8 They heard Yahweh God’s voice walking in the garden in the cool of the day, and the man and his wife hid themselves from the presence of Yahweh God among the trees of the garden.
9Yas Ves Tswv Ntuj hu tus txiv neej hais tias “Koj nyob qhov twg?”
9 Yahweh God called to the man, and said to him, “Where are you?”
10Tus txiv neej teb tias “Kuv hnov koj rhais ruam hauv lub vaj. Kuv ntshai vim kuv liab qab; kuv thiaj khiav tsiv nraim.”
10 The man said, “I heard your voice in the garden, and I was afraid, because I was naked; so I hid myself.”
11Tswv Ntuj rov hais ntxiv tias “Leej twg qhia koj tias koj liab qab? Koj noj lub txiv uas kuv txwv tsis pub noj lawm puas yog?”
11 God said, “Who told you that you were naked? Have you eaten from the tree that I commanded you not to eat from?”
12Tus txiv neej teb tias “Yog tus poj niam uas koj tso nyob ze kuv, nws muab lub txiv rau kuv, ces kuv thiaj noj.”
12 The man said, “The woman whom you gave to be with me, she gave me fruit from the tree, and I ate it.”
13Yas Ves Tswv Ntuj hais rau tus poj niam tias “Koj ua dab tsi li ntawd?”
13 Yahweh God said to the woman, “What have you done?”
Tus poj niam teb tias “Yog niag nab ntxias kuv, kuv thiaj noj.”
The woman said, “The serpent deceived me, and I ate.”
14Yas Ves Tswv Ntuj hais rau tus nab tias “Vim koj tau ua li ntawd, koj txoj hmoov yuav phem tshaj ib tsoom tsiaj nyeg thiab tsiaj qus. Koj yuav xuas koj lub plab mus kev, thiab koj yuav niaj hnub noj av tas koj sim neej.
14 Yahweh God said to the serpent, “Because you have done this, you are cursed above all livestock, and above every animal of the field. You shall go on your belly and you shall eat dust all the days of your life.
15Kuv yuav ua kom muaj kev ciaj caub ntawm koj thiab tus poj niam, ntawm koj caj ces thiab nws caj ces. Nws[2] yuav tsuj koj taub hau, koj yuav tom nws luj taws.”
15 I will put hostility between you and the woman, and between your offspring and her offspring. He will bruise your head, and you will bruise his heel.”
16Tswv Ntuj hais rau tus poj niam hais tias “Kuv yuav ua kom koj muaj mob ntau thaum koj xeeb tub xeeb ki. Koj yuav tau mob tau ntsaj, koj thiaj yug tau me tub me nyuam. Tsis kav, koj tseem yuav ntshaw koj tus txiv, tiam sis nws yuav tswj koj.”
16 To the woman he said, “I will greatly multiply your pain in childbirth. You will bear children in pain. Your desire will be for your husband, and he will rule over you.”
17Tswv Ntuj hais rau As Das[3] hais tias “Vim koj tau mloog koj tus poj niam lus, koj thiaj noj lub txiv kuv txwv tsis kheev noj, av thiaj raug foom phem vim koj. Koj yuav siv zog khwv tas koj lub neej koj thiaj tau noj.
17 To Adam he said, “Because you have listened to your wife’s voice, and have eaten from the tree, about which I commanded you, saying, ‘You shall not eat of it,’ the ground is cursed for your sake. You will eat from it with much labor all the days of your life.
18Av yuav tuaj pos tuaj nrhab rau koj, thiab koj yuav noj tej nroj tsuag uas tuaj hauv nruab teb.
18 It will yield thorns and thistles to you; and you will eat the herb of the field.
19Koj ntsej muag yuav tawm hws lug koj thiaj tau noj mus txog hnub koj rov mus ua av, vim koj yog av puab. Koj yog av luaj ces koj yuav rov mus ua av luaj.”
19 You will eat bread by the sweat of your face until you return to the ground, for you were taken out of it. For you are dust, and you shall return to dust.”
20Tus txiv neej tis npe rau nws poj niam hu ua Es Vas,[4] vim nws yog ib tsoom neeg muaj txoj sia leej niam.21Yas Ves Huab Tais Ntuj muab tawv los ua tsoos rau As Das thiab nws poj niam hnav.
20 The man called his wife Eve because she would be the mother of all the living. 21 Yahweh God made garments of animal skins for Adam and for his wife, and clothed them.
22Yas Ves Huab Tais Ntuj hais tias “Zaum no tib neeg zoo li peb lawm, nws paub qhov phem thiab qhov zoo.[5] Yuav tsis pub kom nws cev tes mus de tau tsob txiv muaj txoj sia los noj ntxiv, tsam nws muaj txoj sia nyob mus li.” 23Yas Ves Huab Tais Ntuj thiaj tshem neeg tawm hauv lub vaj Es Dees, kom neeg mus nrhiav noj hauv cov av uas muab los puab neeg. 24Huab Tais Ntuj ntiab tib neeg tawm, nws tso ib co Kes Lus Npis[6] zov lub vaj Es Dees, sab hnub tuaj, thiab tsa ib rab ntaj nplaim taws thaiv txoj kev mus txog tus ntoo muaj txoj sia.
22 Yahweh God said, “Behold, the man has become like one of us, knowing good and evil. Now, lest he reach out his hand, and also take of the tree of life, and eat, and live forever—” 23 Therefore Yahweh God sent him out from the garden of Eden, to till the ground from which he was taken. 24 So he drove out the man; and he placed cherubim† at the east of the garden of Eden, and a flaming sword which turned every way, to guard the way to the tree of life.
[1] ‘Tus nab’ hauv nqe no yog hais txog Tswv Ntuj tus yeeb ncuab, yog Xas Tas.
[2] Tsis yog hais txog tus poj niam yuav tsuj tsuj tus nab taub hau, tiam sis hais txog tus poj niam tus tub yog tus yuav tsuj tus nab lub taub hau.
[3] ‘As Das’ txhais tias ‘neeg’, yog hlav los ntawm lo tias ‘Av’.
[4] ‘Es Vas’ txhais tias ‘muaj sia’.
[5] Ntu no txhais tias ‘ziag no tib neeg tau tsa tus kheej cai los txiav tias qhov twg zoo los phem rau lwm tus lawm.’
[6] ‘Kes Lus Npis’ yog Huab Tais Ntuj cov Tshiab.