Hnub tim 30 lub 4 hlis, nco txog Leej Ntshiab Vaj Qhia Pis Yus tim Tsib, nws ua Vaj Qhia xyoo 1566 txog xyoo 1572. Vaj Qhia Pis Yus tim 5 tau tsa tsab cai qhuab qhia kev ua Leej Choj, tsim cov ntawv ua Thaj Txi Ntuj tshiab, txhim tsev kawm kev ntseeg qhia cov me nyuam, tsim cov tsev kho mob rau cov neeg txom nyem thiab txiav Vaj Qhia cov nyiaj ua rooj noj haus los faib rau cov ntseeg.

Hnub tim 29 lub 4 hlis, nco txog Leej Ntshiab Kas Tas Lis Nas nyob Xis As Nas tus pov hwm Is Tas Lias teb.

Hnub tim 28 lub 4 hlis, nco txog Leej Ntshiab Pob Zeb Tshas Nes tus tshaj Ntuj Lus nyob tuam teb Os Xes As Nias.

Hnub tim 28 lub 4 hlis, nco txog Leej Ntshiab Lus Is Ntes Moos Fos. Nws hais tias “Tsev kawm muaj nuj nqis cuag lub tsev teev Ntuj vim lub tsev kawm yog thaj chaw qhuab ntuas cov me nyuam kom loj tiav ua ib tug neeg zoo. Thaum muaj lub tsev kawm lawd, yuav tau muaj cov xib hwb zoo los qhuab qhia thiab mas thiaj yuav tsim nyog.”

Hnub tim 25 lub 4 hlis, nco txog Paj Lug Thoj Xyooj thawj tus Hmoob tau txais lub koob meej Leej Hmoov Zoo.

Hnub tim 25 lub 4 hlis, ua hmoov txog Leej Ntshiab Mas Kos tus sau Ntawv Moo Zoo.