Leej Ntshiab Pob Zeb Tshas Nes yug nyob Fab Kis teb hauv xyoo 1803, nws tshaj Ntuj Lus nyob hauv tuam teb Os Xes As Nias.
Txiv Plig Tshas Nes mus txog lub pov txwv Fus Tus Nas. Cov neeg nyob txawm hauv ua tsiv tsiv rau nws tsis kav nws ua siab muag luag ntxhi rau lawv. Lawv taij dab tsi ntawm nws mas nws muab pub rau lawv.
Txiv Plig Tshas Nes ua hauj lwm tshaj lub Moo Zoo nyob hauv lub pov txwv Fus Tus Nas tau 3 xyoos, nws coj tau ib pab neeg los ntseeg ua rau tus hau tswj lub pov txwv ntshai tsam Txiv Plig Tshas Nes tuaj txeeb nws lub hwj chim, ces nws thiaj ua phem rau Txiv Plig Tshas Nes. Xyoo 1841 Txiv Plig Tshas Nes tuag ua tim khawv nyob hauv lub pov txwv Fus Tus Nas no.
Ua ntej yuav tuag Txiv Plig Tshas Nes hais tias “Kuv tuag los tsis ua cas, vim tias lub Moo Zoo tau nrhau cag nyob hauv lub pov txwv no lawm. Kuv txoj kev tuag yuav rho tsis tau txoj kev ntseeg txog Yes Xus tawm hauv lub pov txwv no mus.”
Tom qab tuag tas, tsoom pej xeem tas nrho hauv lub pov txwv tau hloov siab tshiab los ntseeg txog Yes Xus.
Txiv Plig Tshas Nes yog thawj tug tub tshaj Ntuj Lus tuag ua tim khawv txog txoj kev ntseeg nyob hauv tuam teb Os Xes As Nias, ces xyoo 1954 Vaj Qhia Pis Yus tim 12 thiaj tsa Txiv Plig Tshas Nes ua Koom Txoos ib tug Leej Ntshiab.
