Tes Fas Nos yog ib tug hauv 7 tus thwj tim cov Hauv Paus Xa Lus tsa ua Tub Tsob Hwb nyob hauv lub tsheej Yes Lus Xas Les. Ib cov neeg nyob Xis Les Nas thiab As Xias teb txib ib cov neeg tuaj liam Tes Fas Nos tias “Peb tau hnov tus ntawd hais tej lo lus thuam Mais Xes thiab thuam Tswv Ntuj.”

Lawv ntes Tes Fas Nos mus rau cov His Xas Lais txiav txim. Tes Fas Nos lub tswv yim ntse ces nws nrog lawv sib cav, lawv cav tsis yeej nws, ces Tes Fas Nos raug cov yeeb ncuab cab tawm mus nraum ntug nroog, thiab lawv muab pob zeb txawb nws. Tes Fas Nos vau rau hauv av, nws qw nrov nrov tias “Huab Tais! koj txhob muab qhov txhaum ntawd rau lawv ris.”

Tes Fas Nos tseem tsa suab hu ntxiv tias “Huab Tais Yes Xus, thov koj txais kuv tus ntsuj plig mas!” Nws hais li ntawd tas, ces nws txoj sia tu.

Tsoom pej xeem sawv daws pom tias lub sij hawm Tes Fas Nos tuav txog Yes Xus lub npe, mas muaj ib lub voj nyob ncig Tes Fas Nos taub hau thiab nws lub ntsej muag ci xws li ib tug Tshiab.