25Lub caij ntawd, Yes Xus hais tias “Kuv cav lus zoo txog koj, Txiv, koj yog tus Huab Tais kav lub ntuj lub teb, vim koj zais tej yam ntawd rau cov neeg thoob tsib thiab cov neeg ntse, koj ho qhib rau cov me neeg. 26Muaj tseeb tiag, Txiv, koj lub siab nyiam li ntawd. 27Kuv Txiv muab tas ib puas tsav yam rau kuv. Tsis muaj leej twg paub Leej Tub, tsuas kawg Leej Txiv thiaj paub; kuj tsis muaj leej twg paub Leej Txiv, tsuas kawg Leej Tub thiab tus uas Leej Tub pom zoo qhia rau kom paub.”
Nyob hauv qib 25-27 Huab Tais Yes Xus hais txog ‘cov neeg thoob tsib thiab ntse’ thiab ‘cov me neeg.
Cov neeg thoob tsib thiab ntse yog cov Fas Lis Xais, cov leej choj, cov thoob xwm txoj cai. Cov me neeg yog tsoom pej xeem uas lawv niaj hnub khwv ua teb, cov neeg pluag uas cov neeg ntse thuam lawv.
Cov neeg thoob tsib thiab ntse mas ntau zaus lawv muab hlob, mas Huab Tais Yes Xus thiaj ua Leej Txiv tsaug vim Leej Txiv ua kom cov me neeg to taub Huab Tais Yes Xus cov lus qhia.
Yog vim Huab Tais Leej Txiv muab tas ib puas tsav yam rau Huab Tais Yes Xus, mas cov nom tswv Yus Das thiaj yuav nrog Huab Tais Yes Xus tsis sib haum; lawv xav tias kawg yog lawv thiaj muaj cai coj luag tej xwb.
Huab Tais Yes Xus tseem xav hais tias nws yog Leej Tub, nws txais hauj lwm ntawm Leej Txiv los; tas puas tsav yam uas niaj hnub nws ua mas yog vim nws xav ua tim khawv txog Leej Txiv. Huab Tais Yes Xus sim neej thiab cov hauj lwm qhia tas tsoom sid tias Leej Txiv yog zoo li cas.
