Tos lub Koom Txoos muab hnub no tshwj tseg ua hmoov Huab Tais Yes Xus lub hwj chim tawm tuaj vim tias nyob Pas Les Tis Nas, mas thaud lub Koom Txoos txhim tsa ib lub tsev teev Ntuj nyob saum lub roob Tas Npos thaj chaw uas lawv ntseeg tias Huab Tais Yes Xus tau muab Ntuj lub hwj chim nyob hauv nws rau Pob Zeb, Yas Kos, thab Zam lawv pom. Lub Koom Txoos nyob Pas Les Tis Nas yeej ib txwm muab hnub tim 6 lub 8 hli los ua hmoov lub tsev teev Ntuj no. Los txog xyoo 1456 Vaj Qhia Kas Lis Tus Peb (Pope Callistus III) thiaj li pom zoo cia muab hnub no tshwj cia rau lub Koom Txoos ua hmoov Huab Tais Yes Xus lub hwj chim tawm tuaj, kom tau cav txog Tswv Ntuj lub txiaj ntsim pab cov ntseeg caum cov Mawv Xim Lim tawm hauv lub tsheej Npes Nkes.
