Kas Tas Lis yug xyoo 287, nws yog tus vaj kav lub nroog As Les Xas Nrias hu ua Koos Xas Tus tus ntxhais. Khas Tas Lis tau hais tseg tias nws tus txij nkawm mas yuav tsum yog neeg muaj suab npe, nplua nuj thiab tsum yog neeg txawj ntse muaj laj lim tswv yim zoo dua nws; tsis yog li mas nws tsis yuav leej twg. Yog li, Kas Tas Lis niam thiaj xa Kas Tas Lis mus cuag ib tus Leej Choj. Tus Leej Choj no hais tias muaj ib tus txiv neej nto moo thiab zoo nraug cuag li lub hnub tsom, muaj laj lim tswv yim thoob ntuj, muaj nyiaj txiag thoob teb. Tab sis yuav yuav tus txiv neej no tau, mas yuav tsum txais lub Cim Ntxuav thiaj yuav tau.
Thaum Kas Tas Lis hnov li ntawd, nws thiaj txais Cim Ntxuav. Kas Tas Lis txais lub Cim Ntxuav tas mas nws npau suav pom nws nce mus saum Ntuj, mus nrog Yes Xus sib qhaib.
Thaum Kas Tas Lis hloov los yuav siab tshiab lawm, nws mus rau Los Mas. Kas Tas Lis mus ntuas kom tus vaj Mes Xes Nias txhob rau txim rau cov neeg ntseeg txog Yes Xus. Kas Tas Lis muaj peev xwm ntuas tus vaj Mes Xes Nias tus poj niam thiab cov kws txuj Los Mas tig los yuav lub siab tshiab tas, tab sis Kas Tas Lis ntuas tsis tau tus vaj Mes Xes Nias, ces cov neeg Los Mas hloov siab tshiab thiaj raug txiav caj dab tas. Kas Tas Lis raug ntes kaw hauv tsev loj faj. Txawm tias Khas Tas Lis raug kaw lawm los, tus neeg twg tuaj xyuas nws mas lawv hloov siab tshiab rov qab tas li. Tus vaj Mes Xes Nias coj Kas Tas Lis mus tsim txom npaum cas los Kas Tas Lis tsis ua cas. Thaum kawg lawv coj Kas Tas Lis mus txiav caj dab. Kas Tas Lis tuag thaum nws muaj hnub nyoog 18 xyoo.
Tom qab tuag lawm, muaj ib tus Tshiab nqes los npo Kas Tas Lis lub cev mus tso saum lub roob Xis Nais.
Leej Ntshiab Kas Tas Lis nyob As Les Xas Nrias (St. Catherine of Alexandria)
