Lus Is Ntsis yug los xyoo 1568 nyob Is Tas Lias qaum teb. Nws txiv yog tus vaj Xyis Pas Yas ib tug nom txheej siab nyob hauv lub nroog Mas Tos Vas.

Lus Is Ntsis yog neeg npau taws sai, nws siab luv, nws tsis nyiam mloog luag hais, nws tsuas xav kom luag mloog nws xwb. Lus Is Ntsis niam kheev hais rau nws tias “Kev hais lus tsis zoo, tab txawm yus hais ib los me me xwb, tsis kav tsis haum Tswv Ntuj lub siab.”

Lus Is Ntsis nco ntsoov nws niam cov lus qhia, nws kho tej yam tsis zoo ntawm nws tus kheej, ces Lus Is Ntsis hloov ua ib tug neeg siab zoo thiab nyiam teev Ntuj.

Thaum Lus Is Ntsis muaj 11 xyoos, nws cog lus nyob tab seeb ib sim neej. Thaum muaj 16 xyoo, nws sau siab raws li Leej Ntshiab Los Yos Las txoj kev xyaum yuam siab, ces Lus Is Ntsis txiav siab tias nws yuav tsis hloov nws txiv ua kab xwm nyob hauv tus vaj Xyis Pas Yas lub tuam tsev, nws cia nws tus kwv ua kab xwm txheej siab ntawd. 

Lus Is Ntsis muaj 18 xyoo, nws pib xyaum ua ib tug tub haum xeeb nyob hauv lub koom haum Yes Xus Is nyob Los Mas. Lus Is Ntsis muab siab rau mloog cov hlob. Lus Is Ntsis xyaum ua neeg me thiab xyaum ua txhua yam hauj lwm.

Xyoo 1590 Lus Is Ntsis ua tub haum xeeb tau 5 xyoos, muaj ib tug mob sib kis mus thoob lub nroog Los Mas. Lus Is Ntsis niaj hnub mus pab cov neeg mob, ua rau nws kis tus mob ntawd, ces xyoo 1591 Lus Is Ntsis thiaj tuag. Nws puag rawv tus ntoo cuam. Thaum Lus Is Ntsis tuag, nws muaj 23 xyoos.