Los Mus As Dus yug xyoo 951 nyob Las Ves Nas (Ravenna), Is Tas Lias teb. Nws yog noob nom hauv lub xeem Os Nis Tis (Onesti), ces nws thiaj coj tus yam ntxwv nyiam taug kev plees thiab kev lom zem xws li cov neeg txheej siab hauv lub teb chaws.

Thaum Los Mus As Dus muaj 20 xyoo, nws tau ua ib yam txhaum loj; yog nws tua ib tug neeg txheeb nws. Nws tu siab ces nws mus hauv tsev teev Ntuj, nws txhos caug thov Ntuj 40 hnub sib law thov Tswv Ntuj zam txhaum rau nws.

Qhov kawg, Los Mus As Dus txiav siab mus ua Txiv Twj Cuab them txim txhaum. Los Mus As Dus xav coj lub neej Txiv Twj Cuab nruj, ces nws thiaj mus ua neej twj cuab nyob hauv hav zoov ze tus dej As Nos.

Los Mus As Dus nyiam teev Ntuj thiab muab Huab Tais Yes Xus ua tus qauv yoog raws. Los Mus As Dus kub siab pab kho cov Txiv Twj Cuab txoj cai.

Muaj ib zaug, cov hlob hais kom Los Mus As Dus mus txais lub mom cav txog nws lub hwj chim, tiam sis nws paub tias cov hlob xav muab nws ua chaw tiag taw nrhiav lub hwj chim xwb, ces nws thiaj tsis kam txais lub mom ntawd. Nws hais tias “Leej twg tsis nrauj nws thiab tsis kwv nws tus ntoo cuam, mas nws yuav raws Leej Pleev mus tsis tau.”

Xyoo 1027 Los Mus As Dus thiaj tso lub neej tseg.