Leej Ntshiab Npes Nas Ntis Nos yog tus pov hwm cov tub lis dej num fab xov xwm hauv Is Tas Lias teb.
Npes Nas Ntis Nos yug xyoo 1380 hauv Xis As Nas, Is Tas Lias teb. Xyoo 1400 muaj tus kab mob sib kis nyob hauv Xis As Nas ua rau neeg tuag coob li ib hnub 20 leej, Npes Nas Ntis Nos mob thiab raug xa mus kho hauv tsev kho mob tau 4 lub hlis, nws mam zoo. Tiam sis tshuav Npes Nas Ntis Nos tus phauj tseem tsis tau zoo, mas nws thiaj nyob tu nws phauj tau 1 xyoo txwm nkaus ces tus phauj tuag. Thaum tus phauj tuag tas Npes Nas Ntis Nos yoo mov thov Ntuj kom nws paub txog Tswv Ntuj lub siab.
Thuam Npes Nas Ntis Nos muaj 22 xyoos, nws txiav siab ua Leej Choj nyob hauv lub koom haum Fas Ntshis Kas. Npes Nas Ntis Nos yog ib tug Leej Choj nthuav Tswv Ntuj Lo Lus tau zoo heev ua rau ib zeej tsoom nyiam mloog. Npes Nas Ntis Nos ntuas sawv daws kom ua lub neej nyob hauv txoj kev ncaj, ua neej xyuam xim, txhob lwg noj lwg haus xws li cov nom tswv. Ntuas sawv daws kom txhob ua neeg qhia dub, tiam sis yuav ua neej nyiam thiab pub rau lwm tus.
Xyoo 1417 Npes Nas Ntis Nos pom lub cim hais txog Huab Tais Yes Xus lub npe (HIS) nyob hauv ib daim ntawv thiab saum daim chij. Npes Nas Ntis Nos tau tshaj lub cim no mus thoob Is Tas Lias teb.
Npes Nas Ntis Nos txoj hauj lwm tshaj lub cim hais txog Huab Tais Yes Xus lub npe no, ua rau muaj ib co tsis nyiam thiab hais lus thuam nws. Tsuas muaj Vaj Qhia Aws Zes 4 xwb thiaj pom zoo thiab hais lus txhawb Npes Nas Ntis Nos siab kom nws ua txoj hauj lwm no ntxiv mus.
Xyoo 1444 Npes Nas Ntis Nos tuag nyob hauv As Nkis Las.