Leej Ntshiab Nplus Nos (St. Bruno of Cologne)

Nplus Nos yug xyoo 1030 hauv Kos Loos, Zes Mas Nias teb. Nplus Nos mus rau Fab Kis teb, nws mus qhia ntawv hauv lub tsev kawm txuj hauv lub nroog Lees (Reims).
Nplus Nos ua hauj lwm tau 20 tawm xyoo ces nws ua ib siab tso tej cuab tam tseg tig los coj lub neej ua Txiv Twj Cuab.
Xyoo 1088 Vaj Qhia Aws Npas tim 2 (Pope Urban II) xa xov kom Nplus Nos los pab Vaj Qhia tiv tus vaj Hes Lis Nkos tim 4 (Henry IV). Tom qab kev tiv dhau tas, Vaj Qhia xav tsa Nplus Nos ua Tswv Qhia, tab sis nws tsis kam. Nplus Nos thov rov qab mus coj lub neej ua Txiv Twj Cuab li qub.
Xyoo 1090 muaj tus neeg siab zoo tau pub ib thaj chaw rau Nplus Nos pab Txiv Twj Cuab ‘Kas Thus Xias’ (Carthusians) nyob. Tim 6 lub 10 hli 1101 Nplus Nos thiaj tuag.
Nplus Nos yog tus Txiv Twj Cuab qhia kom cov neeg ntseeg tias thaum lawv tab tom ua Thaj Txi Ntuj, mas Yes Xus nqes los nyob hauv lub Thaj Txi Ntuj ntawd tiag. Nplus Nos sau tias “Kuv ntseeg txog lub Cim Yug thiab kuv hwm lub Cim Yug ntawd. Lub Cim Yug yog Huab Tais Yes Xus lub cev thiab cov ntshav, yog li thaum peb txais lub Cim Yug mas peb tau txais kev zam txhaum thiab vam khom txog txoj sia nyob mus li.

Related Post

Leave a Reply

Your email address will not be published. Required fields are marked *

Translate »