Xis Moos thiab Yus Das yog ob tug hauv Yes Xus thawj pab thwj tim, nkawd kuj yog Yes Xus cov Hauv Paus Xa Lus.
Nyob hauv Mas Tais thiab Mas Kos Ntawv Moo Zoo hu ‘Xis Moos’ ua ‘tus siab kub’, vim ntau zaus cov neeg kheev hu nws yuam kev thiab xav tias nws yog Xis Moos Pob Zeb. Tos lawv hu Xis Moos ua tus siab kub, vim nws yog ib tug His Xas Lais uas hwm Tswv Ntuj zoo thiab muaj Tswv Ntuj ua tus pov hwm, thiab vim Xis Moos lub siab kub lug tiv cov Los Mas.
Xis Moos tau nrog Yus Das mus tshaj lub Moo Zoo txog Pes Xis teb. Nyob ntawd Xis Moos txaus siab rau lawv xuas kaw los kaw nws tuag, vim li ntawd qhov pom tseeb tias yog Xis Moos tus siab kub mas yog ib rab kaw thiab phau Ntawv Ntshiab.
Nyob hauv Mas Tais thiab Mas Kos phau ntawv Moo Zoo hu Yus Das ua xeem lus As Las Mais tias ‘Thas Des As’ vim nkawd xav hu Yus Das lub npe kom txhob thooj li Yus Das Kas Lis Yaus lub npe.
Yus Das yog Mab Liab thiab Yos Xes cov xeeb ntxwv, yog Yes Xus ib tug txheeb kwv tij, nws tseem yog Yas Kos tus kwv thiab. Yus Das tau mus tshaj lub Moo Zoo txog cov teb chaws Pes Xis. Nws raug hmuv nkaug tuag ua tim khawv, vim li ntawd, Yus Das daim duab thiaj yog tuav ib rab hmuv muaj ib rab taus.
