Leej Ntshiab Mas Tais los sis tus luag hu kam ua ‘Les Vis’, raws li Mas Kos thiab Lus Kas sau nyob hauv ntawv Moo Zoo, nws yog ib tug nom sau se nyob hauv lub nroog Kas Fas Naus.
Nws lub qub npe yog xeem lus Hes Nplaws. Lub npe Mas Tais, yog txhais tias ‘Tswv Ntuj tus neeg’.
Nyob hauv Ntawv Moo Zoo sau tias muaj ib hnub Mas Tais tab tom zaum ntawm nws lub rooj sau se, Yes Xus hais rau nws tias koj raws kuv mus, ces tam sim ntawd Mas Tais sawv tsees, nws raws Yes Xus mus.
Mas Tais caw Yes Xus mus nrog nws cov phooj ywg sau se noj mov hauv nws tsev, ces cov Fas Lis Xais hais rau Yes Xus cov thwj tim tias vim li cas lawv tus Xib Hwb hos koom rooj mov nrog cov neeg txhaum. Yes Xus thiaj hais rau sawv daws tias tsis yog cov neeg noj qab nyob zoo yuav vam txog kws kho mob, tsuas yog cov neeg mob thiaj vam txog.
Tom qab Yes Xus sawv rov los thiab nce mus saum ntuj, mas Mas Tais tau sau nws phau ntawv Moo Zoo. Qhia kom cov His Xas Lais ntseeg tias Yes Xus yog tus ntxuav tib neeg cov txhaum, nws yog tus tseem leej tib neeg tiag.
Mas Tais tsis yog ib tus neeg sau se xwb, tseem yog ib tug paub Ntawv Ntshiab zoo hauj sim, Mas Tais sau tias Ntuj Ceeb Tsheej zoo li ib tug tswv tsev uas rho tau tej yam qub thiab tej yam tshiab hauv nws lub cuab tam los. Mas Tais tseem zeem tseeb tias Yes Xus yog tus Mes Xias uas ib tsoom Yus Das tos nrhwv raws li Ntawv Cog Lus Qub sau txog.
Mas Tais tau tshaj lub Moo Zoo rau cov His Xas Lais 15 xyoos, ces nws mus rau Es Thias Pias. Nyob ntawd, Mas Tais tau pab tsa tus vaj Es Thias Pias tus ntxhais tuag sawv rov qab los, ua rau tus vaj txais kev ntseeg thiab tas lub teb chaws ntawd kuj txais kev ntseeg coob leej. Thaum His Tas Kus sawv ua vaj, nws ntes thiab xuas taus txiav Mas Tais caj dab tuag ua tim khawv nyob hauv xyoo 65.
Leej Ntshiab Mas Tais (St. Matthew the Apostle)
