HNUB XYA LUB LIS PIAM 15 CAIJ NYOB NRUAB XYOO (MT 12: 14-21)

¹⁴ Cov Fas Lis Xais tawm mus sab laj nrhiav saib yuav muab Yes Xus tua zoo li cas. ¹⁵ Yes Xus paub qhov lawv xav ua, ces nws tawm mus. Muaj neeg coob raws nws, Yes Xus kho lawv sawv daws zoo tas. ¹⁶ Nws txwv tsis pub lawv qhia leej twg paub. ¹⁷ Ua li mas, muaj raws li Yaj Saub His Xais tau hais tseg tias : ¹⁸ Nej ntsia, tus Tub Txib uas kuv xaiv. Nws yog tus kuv nyiam, kuv lub siab nyiam nyob hauv nws. Kuv yuav tso kuv lub Tswv Yim rau saum nws. Nws yuav tshaj Txoj Kev Ncaj rau tsoom kuj cuab.
¹⁹ Nws yuav tsis cav, tsis nthe nrov, tsis muaj leej twg hnov nws lub suab tom tej tshav puam.
²⁰ Tus tauj qaug, nws tsis muab lov, tus teeb xeeb cig qauj les, nws tsis muab tshuab. Nws yuav ua li ntawd mus txog hnub nws coj Txoj Kev Ncaj mus txais kev yeej. ²¹ Tsoom kuj cuab tso siab lug rau nws lub npe.