Nes Les As thiab As Khis Les As yog ob kwv tij tub peeb zeej Los Mas nyob hauv tiam ib. Nes Les As thiab As Khis Les As zov tus vaj Dos Mis Tis As Nus (Domitian) tus muam xeeb ntxwv Fas Vias Dos Mis Tis Las (Flavia Domitilla) lub tsev. Thaum Fas Vias txais kev ntseeg, mas nkawd tau hloov siab tshiab thiab txais Cim Ntxuav ntawm tus Hauv Paus Xa Lus Pob Zeb, ces nkawd tso riam tso hmuv pov tseg.

 Nyob hauv Paj Lug tsab ntawv sau mus rau cov ntseeg nyob Los Mas tau hais txog Nes Les As thiab As Khis Les As tias yog thawj pab ntseeg xws li Fis Los Los Nkos thiab Yus Lias nkawd.

Vim yav thaud Nes Les As thiab As Khis Les As tau tsim txom cov ntseeg, ces nkawd paub tias thaum nkawd hloov siab tshiab lawm mas yuav ntsib xwv txheej li cas. Tiam sis vim txoj kev ntseeg, nkawd thiaj tsis ntshai cov kev txom nyem ntawd. Xyoo 98 Nes Les As thiab As Khis Les As raug tus vaj Los Mas hu ua Tais As Nus (Trainanus) txiav taub hau tuag. Cov ntseeg coj nkawd lub cev mus zwm nyob hauv Dos Mis Tis Las lub qhov ntxa (the Catacomb of Domitilla).