Kwv tij, cov lus nram no yog Maiv Tooj Lis cov lus txhais Vaj Qhia Pis Us Kaum cov lus qhia Ntuj Kev Cai, ntu 6 hais txog ‘tej yam tsis zoo thiab kev txhaum’, tso tawm hauv lub tsev vas: Hmongcatholique nyob Fab Kis teb, xyoo 2014.
Yam tsis zoo rau kev xav yog dab tsi?
Yam tsis zoo rau kev xav yog ib qho phem rau tus ntsuj plig, ua kom tus ntsuj plig khiav deb txoj kev zoo thiab ua phem, uas yog tim ntawm tej kev niaj hnub ua phem los.
Yam tsis zoo rau kev xav thiab kev ua txhuam sib txawv li cas?
Kev ua txhaum yog ib qho uas yus tau ua los, hos yam tsis zoo rau lub tswv yim yog ib qhov tsis zoo uas yus niaj hnub xav, ib txwm nyob rawv ntawm yus uas ua kom yus poob rau kev txhaum.
Yam tsis zoo rau lub tswv yim twg uas luag hais tias yog qhov loj tshaj?
Muaj 7 qhov tsis zoo rau lub tswv yim uas loj tshaj: 1. Khav theeb (muab hlob), 2. Qia dub (ntshaw luag tug), 3. Ua plees, 4. Npau taws sai, 5. Hu dab, 6. Khib, 7. Tub nkeeg.
Yuav ua li cas thiaj li yuav yeej tej tswv yim tsis zoo?
Xyaum ua kom txhawv cov tswv yim zoo ces yuav yeej xwb:
Kev khav theeb txia ua tsis muab hlob, qhia dub hloov ua sib txhawb, nyiam kev plees xyaum ua neeg tsim txiaj, npau taws sai xyaum ua siab ntev, hu dab xyaum ua neeg noj tsawg, xam khib hloov ua kev sis nyiam, tub nkeeg hloov ua neeg nquag tsob hwb Tswv Ntuj.
Muaj pes tsawg yam txhaum rau Leej Ntuj Plig Ntshiab?
Muaj 6 yam txhaum rau Leej Ntuj Plig Ntshiab: 1. Tag kev cia siab rau txoj kev cawm; 2. Tsis tsim koob hmoov tab sis ho xav tias yus yuav tau kev cawm; 3. Tawm tsam qhov tseeb uas muaj tiag; 4. Khib tus neeg tau txais txiaj ntsim; 5. Paub tias yus txhaum los tseem tawv qhawv ua; 6. Hnub kawg tuag nrog yug tej kev txhaum.
Luag hu ua cov txhaum rau Leej Ntuj Plig Ntshiab vim yog nws txhob txwm ua ntawm txoj kev lim hiam los, uas tsis yog los ntawm Leej Ntuj Plig Ntshiab qhov zoo los.
Muaj plaub yam kev txhaum ua kev rob caub rau Tswv Ntuj yog: 1. Yus rov txo yus txoj sia, 2. Txoj kev tsis dawb huv rau tej yam Ntuj tsim, 3. Saib tsis taus cov pluag, 4. Noj luag nqe zog.
Vim li cas thiaj hais tias cov txhaum ntawd tsim kev rob caub rau Tswv Ntuj?
Vim yog Leej Ntuj Plig Ntshiab hais kom paub tias yog ib yam txhaum loj heev thiab pom tseeb, yog li mas Tswv Ntuj thiaj yuav muab txim hnyav rau.
