Keeb kwm piav tias Tsom nrog zaj laug sib tua ces Tsom yeej tus zaj laug. Tab sis qhov tseeb tiag mas yog Tsom yeej tib neeg kev fiv dab.
Tsom yog ib tug vaj txheeb Pas Les Tis Nas yug xyoo 275 los yog 281 ntawd. Tom qab nws txiv tuag tas, Tsom niam coj nws rov los nyob Lis Das, hauv Yus Das teb. Nyob ntawd, Tsom tau kawm txuj thiab ua tub rog xws li nws txiv. Qhov kawg nws tau nce ua vaj txheeb thaum hnub nyoog tsis tau nto 30 xyoo. Tsom raug tsa ua txoj hauj lwm pov hwm tus vaj Ntais Os Nkes Tis As Nus
Xyoo 303 tus vaj Los Mas hu ua Ntais Os Nkes Tis As Nus tso cai kom cov nom tswv tsim txom cov teev hawm Yes Xus, tus vaj txheeb Tsom lees tias nws yog cov ntseeg txog Yes Xus thiab sawv los tawm tsam tus vaj Los Mas txoj cai. Tus vaj thiaj ntes Tsom coj mus txiav caj dab. Tsom txoj kev tuag ua rau muaj coob leej tau hloov siab tshiab, xws li tus poj vaj As Les Xas Ntas thiab tus thawj Leej Choj As Thas Nas Xis Us.
Leej Ntshiab Tsom yog tus Leej Ntshiab pov hwm Aas Kiv teb.