Rov txog lis piam Hnub Plaub, mas Vaj Qhia rov tawm tuaj qhia Ntuj kev cai ntxiv, zaj hnub no yog muab hauv Huab Tais Yes Xus zaj paj lug tus Xas Mas Lias siab zoo (LK 10: 25-37), mas Vaj Qhia hais tias “Txhob cia lub neej ntxhov quav niab thaiv (prevent) peb lub siab hlub lwm tus neeg.”

Nyob hauv Yes Xus lub Moo Zoo hais tias tus kws lij choj xav sim Huab Tais Yes Xus ces nws nug tias yuav ua dab tsi thiaj tau txais txoj sia nyob mus li, mas Huab Tais Yes Xus thiaj hais txog kev nyiam Tswv Ntuj thiab nyiam tus nyob ze. Tus kws lij choj xav cav tias nws hais yog lawm, nws hais ntxiv tias tus nyob ze yog leej twg, mas Huab Tais Yes Xus thiaj hais zaj paj lug tus Xas Mas Lias siab zoo.

Vaj Qhia pom tias tus kws loj choj no nws tsuas ntsia pom nws xwb, nws tsis nco pom lwm tus, mas nws thiaj tsis to taub tias tus nyob ze nws yog leej twg.

Huab Tais Yes Xus xav kom nws hloov lub tswv yim tshiab, mas Huab Tais Yes Xus thiaj hloov lo lus nug tias “Leej twg yog tus yob ze kuv’ los ua lo lus tias “Leej twg ua tus nyob ze tus neeg poob rau hauv tub sab txhais tes”; yam li hloov tias “Leej twg nyiam kuv?” ua “Kuv nyiam leej twg?”

 Vaj Qhia hais ntxiv tias lo lus tus kws lij choj nug mas yog lu lus xws li tus neeg tsis tau hlob txaus nug, hos lo lus Huab Tais Yes Xus nug mas yog lo lus xws li tus neeg laus nkag siab lub neej lawm. Lo lus nug ib yog qeeb siab tsis xav ua, tab sis lo lus nug ob yog txhib kom mob siab ua.

 Nyob hauv zaj tus Xas Mas Lias siab zoo, hais txog ib tug neeg nqes ntawm Yes Lus Xas Les mus rau Yes Lis Kos, mas Vaj Qhia muab piv tau rau kev ua neej nyob vim yog ib txog kev nyuaj thiab pheej hmoo.

Thaum txog tog, tus neeg ntawd raug ntaus, raug lwm, thiab muab tso pov tseg tshuav tuag; tej zwm no kuj tshwm tuaj raug peb tau yog nyob nyob muaj ib hnub twg sawv daws rho txhua yam peb muaj ntawm peb mus, lawv tso peb pov tseg.

Tab sis kev ntsib thiab tau nrog luag lwm tus tham pab tau kom peb rov paub tias tiag tiag mas peb yog leej twg. Thaum peb ntsib tus neeg xav tau kev pab, mas yog peb tab tom ntsib ob txog kev; yam li saib xyuas nws los yuav ua twj ywm.

Nyob hauv zaj paj lug no hais txog 2 tus neeg; ib tug yog tus Leej Choj thiab ib tug yog Les Vis. Peb xav tias nkawd yuav nres thiab pab tut us raug mob, tab sis qhov nkawd ua yog tsis quav ntsej txog nws. Qhov no qhia tau tias kev ua raws txoj kev teev hawm xwb pab tsis tau kom neeg muaj lub siab hlub neeg. Li ntawd, lub siab hlub neeg tsis yog tus cuj pwm tuaj ntawm kev teev hawm tuaj, tab sis yog tuaj ntawm kev ua neeg tuaj. Tib neeg raug hu los kom muaj lub siab hlub neeg tab txawm nws coj txoj kev teev hawm twg.

Tus Leej Choj thiab tus Les Vis piv tau rau peb cov uas muaj kev maj kev rawm mus tsev. Kev maj kev rawm li no ua rau peb tsis muaj lub siab hlub neeg vim tus uas nws ntseeg tias nws txoj kev nws lub neej muaj nuj nqes dua mas nws tsis nco nres rau lwm tus.

 Tsuas yog tus Xas Mas Lias uas cov Yus Das saib tsis taus xwb thiaj nres kom tau pab tus neeg mob. Tus Xas Mas Lias pab, tsis yog vim txoj kev teev hawm qhia kom ua, tab sis nws pab vim nws yog ib tug tib neeg tab tom sawv nyob ntawm lwm tus tib neeg uas xav tau kev pab.

Vaj Qhia Les Os 14 hais hnyav nthi tias lub siab hlub neeg tsum ua cov hauj lwm tawm tuaj rau pom vim tias yog koj pab leej twg mas koj yuav sawv deb deb pab tsis tau. Yog koj xav hlub neeg, koj tsum raus tes (involve) thiab npaj (prepare) nrog nws ceb (dirty) los pheej hmoo (risk).

Tus Xas Mas Lias yog tus piv txwv hais txog lub siab hlub neeg vim tias nws saib xyuas thiab tu tus neeg mob lub cev. Yog li mas kev pab luag tej tiag thiaj yog kev muab siab rau hnov luag tej kev mob.

Vaj Qhia muab ib lo lus rau sawv daws khaws xav li no tias peb muaj lub siab hlub tau yog peb raws tau tias peb yog tus raug mob.