Leej Ntshiab As Nkas Thas (St. Agatha)

Leej Ntshiab As Nkas Thas.

As Nkas Thas yug xyoo 231 hauv pov txwv Xis Xis Lias, Is Tas Lias teb. As Nkas Thas yog ib tus ntxhais zoo nkauj heev, cov txiv neej hauv lub pov txwv sawv daws xav yuav nws ua lawv poj niam. As Nkas Thas nyiam coj lub neej ntshiab rau Tswv Ntuj, nws tsis kam yuav tus txiv neej twg, As Nkas Thas thiaj raug tsim txom. Lawv muab nws lub txiv mis txiav thiab xa mus nrog cov niam ntiav nyob.

As Nkas Thas yim raug tsim txom nws lub siab yim npuab Tswv Ntuj, nws thov Ntuj tias “Yes Xus Pleev, kuv tus Huab Tais, koj pom hauv kuv nruab siab, koj paub tias kuv yog koj tus yaj. Thov koj pab kom kuv muaj siab tawv yeej dab phem kev ntxias.”

Xyoo 251 tus vaj Des Xis Us kav Xis Xis Lias thiaj ntes As Nkas Thas mus hlawv hauv hluav taws. As Nkas Thas tuag ua tim khawv txog txoj kev ntseeg. Thaum yuav tuag As Nkas Thas thov Ntuj li no tias “Huab Tais, koj yog tus tsim kuv, koj tau tiv thaiv kuv hauv hluav taws, koj tau rho kuv tawm hauv ntiaj teb kev hlub, thiab koj pub ib lub siab tawv rau kuv hnav, thov koj txais kuv tus plig mus nrog koj nyob.”

Leej Ntshiab Mes Tos nyob hauv lub pov txwv Xis Xis Lias hais tias “As Nkas Thas lub npe yog lus Hes Las, txhais tias ‘zoo’ (Good). As Nkas Thas qhov zoo tsis yog nyob hauv nws lub npe xwb, tseem yog nyob hauv nws lub neej ua neeg ntseeg thiab. As Nkas Thas tsis yog rub neeg los koom nrog nws ua qhov zoo xwb, As Nkas Thas tseem ua tus piv txwv rau cov neeg kub siab nrhiav tus Huab Tais zoo tshaj; yog peb tus Huab Tais Tswv Ntuj thiab.

Related Post

Leave a Reply

Your email address will not be published. Required fields are marked *

Translate »