Es Lis Xas Npes Aas Xis Toos lub xeem yog Npes Les, yug hnub tim 28 lub 8 hli xyoo 1774 hauv Nus Yos (New York), As Mes Lis Kas teb.
Thaum muaj 19 xyoos, nws yuav tus txiv hu ua Vis Les Mas Nkis Xis Toos (William Magee Seton).
Xyoo 1803 Vis Les tuag nyob Is Tas Lias teb tseg Es Lis Xas Npes thiab 5 tug me nyuam ua ntsuag. Xyoo 1809 Es Lis Xas Npes thiab cov me nyuam thiaj tshais chaw mus nyob rau lub xeev Mas Lis Las As (Maryland). Nyob ntawd, nws tau tsa thawj lub koom haum cov Leej Phauj hauv txoj kev sis hlub nyob As Mes Lis Kas teb (The Sisters of Charity of New York).
Es Lis Xas Npes tseem txhim cov tsev kawm ntawv Kav Tos Liv los qhia ntawv rau cov me nyuam yaus nyob ib cheeb tsam hauv lub nroog. Xyoo 1821 Es Lis Xas Npes muaj hnub nyoog 46 xyoo, nws tas sim neej. Txog xyoo 1975 Vaj Qhia Paj Lug 6 tsa nws ua Leej Ntshiab, nws yog thawj tug Leej Ntshiab nyob hauv As Mes Lis Kas teb.
