Nqes Nkos Lis yug xyoo 951 hauv As Mes Nias (Armenia) teb. Nqes Nkos Lis txiv yog noob nom nyob txawm hauv lub nroog Aas Xes Vas Sis (Andzevatsiq) thiab tuav txoj kab xwm ua Tswv Qhia saib cov neeg ntseeg hauv lub teb chaws. Nqes Nkos Lis txiv xa nws thiab nws tij laug mus nrog tus Txiv Twj Cuab As Nas Nias (Anania) nyob kawm txuj hauv lub tsev Txiv Twj Cuab nyob Nas Les.
Nqes Nkos Lis muaj 26 xyoo, nws txais Cim Tiag Tes ua Leej Choj thiab tuav txoj hauj lwm qhia txuj hais txog Tswv Ntuj rau cov tub kawm. Nqes Nkos Lis sau ntau phau ntawv nthuav Phau Ntawv Yob, nthuav cov zaj teev Ntuj, nthuav Ntawv Moo Zoo, thiab phau ntawv pab thov Ntuj. Nqes Nkos Lis cov ntawv muaj txiaj ntsim rau lub Koom Txoos nyob As Mes Nias kawg, ces xyoo 2015 lub Koom Txoos thiaj saib Leej Ntshiab Nqes Nkos Lis nyob Nas Les yog Koom Txoos cov kws txuj.