Tes Fas Nos (Stephanus) yog tus vaj kav Hoos Nqias teb, nws txiv yog neeg teev dab. Tom qab Tes Fas Nos txiv hloov siab tshiab los ntseeg txog Yes Xus ces Tes Fas Nos thiaj tau txais lub Cim Ntxuav thaum nws yug.

Tes Fas Nos muaj 22 xyoos mas nws sawv los ua vaj kav lub teb chaws. Tes Fas Nos xa tus tiam lis mus cuag Vaj Qhia nyob Los Mas thov lus tso cai txhim tsa lub Koom Txoos nyob Hoos Nqias. Vaj Qhia Xis Ves Taws tim 2 thiaj muab lub mom ua vaj rau Tes Fas Nos thaum xyoo 1001.

Tus vaj Tes Fas Nos txhim tsa lub Koom Txoos nyob hauv lub teb chaws, Tes Fas Nos thov cev nws lub teb chaws rau niam Mab Liab, nws pab cov Leej Choj thiab cov Txiv Twj Cuab qhia Ntuj kev cai rau tsoom pej xeem. Tus vaj Tes Fas Nos txwv tsis pub cov neeg ntseeg yuav cov teev dab thiab pom zoo kom cov tub ua hauj lwm hauv lub Koom Txoos muaj cuab, tshwj kiag cov Leej Choj thiab Txiv Twj Cuab. Xyoo 1038 tus vaj Tes Fas Nos tuag, nws tsis muaj caj ces los tuav lub theej kiab ua vaj, lub teb chaws thiaj rov muaj tsov rog thiab lub Koom Txoos hauv Hoos Nqias raug xwv txheej loj.