Leej Ntshiab Tub Tsob Hwb Vis Ses Nthes (St. Vincent of Saragossa)

By admin Jan22,2025 #Tub Tsob Hwb

Vis Ses Nthes (Vincente) yug los nyob Xyis Pas Yas teb. Nws tau ua Tub Tsob Hwb pab Tswv Qhia Vas Les Lis Us (Valerius) nyob Xas Las Nkos Xas. Vim Tswv Qhia hais lus tsis taus, ces Vis Ses Nthes thiaj ua tus pab hais Tswv Qhia li lus ntuas tsoom neeg ntseeg.

Xyoo 304, tus tuam vaj Los Mas hu ua Dias Khes Xyas Nus (Diocletian) hiam cov ntseeg. Cov tub tseem hwv Los Mas ntes tus Tswv Qhia thiab Vis Ses Nthes. Tus Tswv Qhia laus heev, cov nom Los Mas ntiab Tswv Qhia tawm mus nyob pej kum teb.

Cov tub rog hais tias yog Vis Ses Nthes yeem muab phau Ntawv Ntshiab hlawv pov tseg mas lawv yuav tso nws mus, tab sis Vis Ses Nthes tsis kam. Vis Ses Nthes hais tias “Kuv yeem raug kev iab kev txom nyem zoo dua yuav thim wb kev ntseeg txog Yes Xus.”

Vis Ses Nthes cov lus ua rau tus nom npau taw, lawv coj Vis Ses Nthes mus khi saum ib daim ntxaij hlau thiab muab nws hlais nqaij. Lawv nphoo ntses tom cov qhov nqaij thiab lawv rauv taws txhiab nws.

Lawv tsis pub kom Vis Ses Nthes tuag, lawv coj nws musk aw hauv tsev loj fab. Vis Ses Nthes mam tuag nyob ntawd, ces lawv coj nws lub cev mus pov hauv dej.

Related Post

Leave a Reply

Your email address will not be published. Required fields are marked *

Translate »