Cov me nyuam yaus tseem tsis tau paub tab raug Hes Los tua nyob hauv lub caij Yes Xus yug raws li Mas Tais Ntawv Moo Zoo sau cia tias “Hes Los pom tias cov kws hnub qub dag nws, ces nws npau taws ceev kawg. Nws xa neeg mus tua cov me nyuam uas muaj ob xyoos raws li nws hnov cov kws hnub qub hais. Nws tua cov nyob Npes Les Hes thiab nyob ib ncig ntawm Npes Les Hes tas tib si” (MT 2: 16).

Cov me nyuam no, lawv yog cov me nyuam tawm tuaj tos Leej Pleev, lawv yog cov muab txoj sia los zeem tseeb txog Leej Pleev.

Lub Koom Txoos tsa hnub no los hwm lawv sawv daws vim xav kom tsoom ntseeg ras txog cov me nyuam lub meej mom.