Npes Kes yug xyoo 1118 hauv Nplis Tas Nis. Npes Kes ua hauj lwm nyob hauv lub tsev txiav txim. Muaj ib hnub Npes Kes txiav siab tawm nws txoj hauj lwm los ua tub tshaj Ntuj Lus.

Xyoo 1157 tus vaj Hees Lis tim 2 (Henry II) thov kom Txiv Plig Npes Kes ua nws tus tim xyoob pab tawm tswv yim tswj teb chaws. 7 xyoo tom qab, tus vaj tsa Txiv Plig Npes Kes ua Tswv Qhia. Tswv Qhia Npes Kes nyiam pab tsoom neeg thiab nyiam ua hauj lwm them txim, Tswv Qhia Npes Kes muab tag nrho nws lub sij hawm thiab nyiaj txiag los pab cov neeg txom nyem ua rau nws muaj kev sib cov nyom nrog tus vaj ces Tswv Qhia Npes Kes thiaj tsiv mus nyob Fab Kis teb. Thaum kawg Tswv Qhia Npes Kes rov los rau Nplis Tas Nis, muaj ib co nom liam tias Tswv Qhia Npes Kes yuav ntxeev siab mus ib rau Fab Kis tog ces lawv muab Tswv Qhia Npes Kes tua tuag.