Ves Xoos yug hauv ib yim neeg ua liaj ua teb. Xyoo 1600 thaum Ves Xoos muaj 19 xyoos, nws txiav siab ua Leej Choj. Xyoo 1605 Vis Ses raug cov tub sab Tws Kis ntes mus muag ua qhev rau Tws Nis Xis teb (Tunisia).
Thaum Ves Xoos ua qhev ntawd, nws tseem niaj hnub ua txoj hauj lwm tshaj lub Moo Zoo tsis tseg, ces nws tus tswv thiaj tso nws ntawm kev ua qhev.
Xyoo 1607 Ves Xoos los txog tuam ceeb Los Mas, hauv Is Tas Lias teb. Ves Xoos los tuav txoj hauj lwm qhia kev ntseeg rau cov tub nom. Tau tsis ntev, Ves Xoos tau txais txoj hauj lwm saib xyuas cov tub nqev nyob hauv Pas Lis.
Thaum chiv thawj, Ves Xoos txiav siab ua Leej Choj vim nws xav tias txoj hauj lwm no yuav pab nws dim hauv kev txom nyem. Tab sis muaj ib hnub, ib tug neeg txom nyem tuaj daws txhaum ntawm Txiv Plig Ves Xoos, ua rau Txiv Plig Ves Xoos lub tswv yim qhib plho, nws khuv leeg cov neeg pluag txom nyem li tus neeg txom nyem ntawd. Txiv Plig Ves Xoos thiaj txhim tsa cov koom haum ua hauj lwm pab cov neeg pluag txom nyem, cov neeg nyob hauv tsev loj faj. Txiv Plig Ves Xoos nrhiav hauj lwm rau cov neeg thov khawv kom lawv tau hauj lwm ua los yug lawv tsev neeg. Txiv Plig Ves Xoos kub siab tshaj Tswv Ntuj Lo Lus rau cov neeg nyob deb kev vam meej, ces nws thiaj tsa lub haum xeeb ‘Cov Tub Tsaj Ntuj Lus’ (Congregation of the Mission) los yog ‘Ves Xoos Ntos’ (Vincentian); lawv mus nyob hauv cov zej zos.
Txiv Plig Ves Xoos thiab Txiv Plig Lus Is Daws Mas Lis Las (Louise de Marillac) tau txhim tsa ib lub koom haum cov Leej Phauj los ua txoj hauj lwm pab cov neeg pluag, muaj mob thiab raug txim.
Tim 27 lub 9 hli 1660 Txiv Plig Ves Xoos tas sim neej. Vaj Qhia Nkes Mees tim 12 tsa Txiv Plig Vees Xoos ua Leej Ntshiab nyob hauv xyoo 1737. Xyoo 1835 cov neeg hauv Fab Kis teb pom txog Leej Ntshiab Ves Xoos lub txiaj ntsim mas lawv thiaj txhim tsa ‘koom haum Leej Ntshiab Ves Xoos Daws Pos’ los ua txoj hauj lwm pab cov neeg txom nyem.
Leej Ntshiab Ves Xoos daws Pos (St. Vincent de Paul)
