Nyob hauv hnub qhia Ntuj kev cai hauv lub lis piam, Vaj Qhia Les Os 14 xav txog cov xwm thaum cov Yus Das tuaj ntes Huab Tais Yes Xus hauv lub vaj Nkes Txes Mas Nis, mas Vaj Qhia pom tias tab txawm nyob hauv lub caij txaus ntshai, lub caij poob rau kev tsis ncaj ncees, lub caij raug tso pov tseg nyob ib leeg, los Tswv Ntuj nrog nraim.
Hnub Plaub tim 27 lub 8 hli 2025 Vaj Qhia Les Os 14 rov tawm tuaj qhia Ntuj kev cai hauv lub Xyoo Ntshiab kev Tso Siab (Jubilee Year of Hope). Hnub no Vaj Qhia piav txog hmo cov txwj laus Yus Das kom cov zov keeb tuaj ntes Huab Tais Yes Xus hauv lub vaj Nkes Txes Mas Nis (the Garden of Gethsemane) saum lub Roob Txiv Ntoo Roj raws li Zam Ntawv Moo Zoo (Z 18: 1-11).
Leej Ntshiab Zam tus sau Ntawv Moo Zoo tsis tau piav ntsig txog (portray) tias Huab Tais Yes Xus ceeb ntshai (frightened) los khiav (flee), tab sis nws piav tias Huab Tais Yes Xus yog qhia txog tias nws yog ‘tus neeg twj lij’ (free man) rhais ruam tawm los thiab hais lus rau cov neeg tuaj ntes nws, Huab Tais Yes Xus tim ntsej tim muag nrog lub sij hawm nws lub siab nyiam ntua ntais yuav ci ntsa tuaj rau qab ntuj neeg pom.
Huab Tais Yes Xus paub ntsoov tias yuav muaj dab tsi tshwm tuaj tom qab nws raug lawv ntes. Txawm li ntawd, Huab Tais Yes Xus ua siab loj siab tawv thiab tsis thim rov (retreat), qhov Huab Tais Yes Xus ua mas yog nws muab nws cia rau cov zov keeb ntes. Huab Tais Yes Xus ua li ntawd tsis yog vim nws lub zog me (weakness), tab sis vim nws nyiam qab ntuj neeg. Huab Tais Yes Xus kev nyiam yog lub siab nyiam puv npo (full love), lub siab nyiam hlob tiav (mature love), thiab yog lub siab nyiam tsis ntshai kev xyeej (love does not fear rejection).
Huab Tais Yes Xus raug ntes tau, vim nws yeem cia luag ntes nws. Huab Tais Yes Xus yog tus ‘pub paj tshab’ vim nws zoo puav tam li yog ntiaj teb neeg txoj kev cawm lub chaw vam khom. Tab txawm tias nyob hauv lub sij hawm tsaus nti, tsis kav peb muaj kev twj lij xaiv nyiam mus kom txog qhov kawg tau.
Vaj Qhia xav kom sawv daws muab siab rau ras txog thaum Huab Tais Yes Xus hais tias “Yog kuv”, mas cov neeg tuaj ntes nws thaub qab thiab ntog pem teb. Qhov no yog Huab Tais Yes Xus qhia lawv txog Tswv Ntuj lub npe ‘KUV YOG’ (I AM) rau lawv. Tib lub sij hawm ntawd, Huab Tais Yes Xus kuj qhia rau lawv tias Tswv Ntuj nrog nraim nws (God is present) thaum nws ntsib kev tsis ncaj ncees (injustice), kev ntshai (fear), thiab raug tso pov tseg nyob ib leeg (loneliness). Lub sij hawm zoo li ntawd, qhov pom kev tseeb tiag (true light) yuav tsis ntshai ci tawm tuaj rau pom nyob hauv qhov tsaus ntuj uas tab tom nam tuaj.
Hmo ntuj teb tsaus nti, zoo li txhua yam puas ntsoog tas, Huab Tais Yes Xus ua kom pom tias cov ntseeg txoj kev tso siab (Christian hope) tsis yog kev khiav nkaum (evasion) tab sis yog kev txiav txim siab (decision). Vaj Qhia hais tias tus yam ntxwv (attitude) li no yog tuaj ntawm lub neej ua neeg nyiam thov Ntuj heev kom Tswv Ntuj tsis yog pab peb dim ntawm kev txom nyem, tab sis yog kom Tswv Ntuj pub ib lub zog loj rau peb nyiaj tau kev txom nyem nyob hauv lub siab nyiam.
Vaj Qhia pom ntxiv tias thaum lawv ntes Huab Tais Yes Xus, mas nws tsis ntxhov siab dab tsi txog nws. Qhov Huab Tais Yes Xus ua mas yog nws muab siab rau pab nws cov thwj tim. Qhov no nthuav rau peb paub tias Huab Tais Yes Xus muaj lub siab nyiam nws cov thwj tim tiag, mas nws yeem cia lawv ntes nws, kom cov thwj tim tau dim.
Tas Huab Tais Yes Xus lub neej, nws npaj siab txais lub sij hawm raug txom nyem no. Li ntawd, nws thiaj li ua siab tawv qhawv thaum lawv tuaj ntes. Huab Tais Yes Xus to taub tias txoj kev pub nws txoj sia rau kev nyiam no yuav tsis nkim txoj sia dag, tab sis nws yuav rov tau txoj sia rov los puv npo. Txawm li ntawd, tsis tau txhais tias Huab Tais Yes Xus yuav tsis raug txom nyem thaum txog caij nws taug ntoo cuam txoj kev. Tab sis Huab Tais Yes Xus muaj cuab kav kauj ruam mus kom txog chaw tau, vim tias Huab Tais Yes Xus paub zoo tias nws tab tom pub nws txoj sia rau kev nyiam.
Qhov no yog muaj tseem kev tso siab (true hope) nyob xyaw; tsis yog ua tiag khiav deb kev mob, tab sis yog ntseeg tias tab txawm nyob puag hauv kev txom nyem lub plawv, los tseem muaj txoj sia tshiab lub noob nkaum rau hauv.
Zaj lus hnub no muaj feem cuam tshuam rau peb sawv daws niaj hnub no li cas. Vaj Qhia hais li no tias tsawv peb tiv thaiv peb txoj sia, peb zaj tswv yim, peb tej cuab tam, thiab kev nyob twm zeej, ua cas peb tsis tig los xav txog lub Moo Zoo kom pom hais tias tsuas muaj tib yam peb tau txais xwb thiaj huam, tsuas muaj kev nyiam tib yam xwb thiaj rov txhim tau kev tso siab (trust) nyob hauv lub caij zoo li txhua yam plam tas.
Nyob hauv peb kev raws Huab Tais Yes Xus, ntau zaus peb raug ntxias kom tso kev ua neej raws li lub Moo Zoo pov tseg vim zoo li kev nyiam yog ib yam yuav tsheej xeeb tsis tau; zoo li tus tub hluas khiav liab qab tsis npua ib yam dab tsi thaum nws pom Huab Tais Yes Xus raug ntes. Tab sis raws li peb paub, Ntawv Moo Zoo hais tias hnub chiv lub lis piam, muaj ib tus neeg hnav dawb hais rau cov poj niam tias Huab Tais Yes Xus sawv rov los lawm. Qhov no yog lub cim qhia txog ‘chaw tso siab hauv peb lub siab ntseeg’ (the hope of our faith). Tswv Ntuj muaj peev xwm txhim tsa kev ntshaw (desire) ua thwj tim raws Huab Tais Yes Xus hauv peb kom rov sawv tau, ces peb muaj peev xwm muab peb txoj sia pub tau rau lwm tus.
Vaj Qhia plov meej tias peb yuav muab peb lub neej no cia rau ua txhua yam zoo peb tau txais ntawm Tswv Ntuj los. Txawm tias tas txhua yam peb tswj tsis tau, los thov kom txhua hnub peb xaiv yuav txoj kev nyiam xwb ces txaus lawm. Nyob hauv hnub peb lub neej tsaus ntuj nti, los peb kev tso siab yuav nyob mus li, vim tias peb muaj Tswv Ntuj kev nyiam nrog nraim peb, nres peb, thiab xwv lub txiv pub txoj sia nyob mus li kom siav rau peb tau noj.