Tim 20 lub 7 hli 2025 tom qab ua Thaj Txi Ntuj tas, Vaj Qhia coj sawv daws hais zaj tus Tshiab xa xov, mas Vaj Qhia ntuas sawv daws kom qhib qhov rooj cia Huab Tais Tswv Ntuj los hauv sawv daws tsev.
Hnub no lub Moo Zoo hais txog Mas Tas txais los hauv nws tsev, mas Vaj Qhia thiaj yuav hais txog kev pub (giving) thiab kev txais (receiving) rau sawv daws coj mus xav tswv yim.
Vaj Qhia hais tias kev txais qhua los yog tiam qhua (hospitality) tsum muaj 4 yam li no; xws li ua siab zoo (kindness), muab siab rau (attentiveness), ua siab dav (openness), thiab tshwj xeeb mas yog ‘tsis muab hlob’ (humility). Lub Moo Zoo qhia peb tias Mas Tas yog neeg muab siab ntso lis qav num, nws yog neeg zoo thiab muaj siab dav; tab sis yog ib yam txaus ntshai tias Mas Tas ntsib Huab Tais Yes Xus thiab hnov Huab Tais Yes Xus lo lus zaum no, mas nws yuav tsis xyiv fab.
‘Kev muab siab rau’ yog yam tseem ceeb, vim tias peb lub neej yuav huaj vam tau mas yog peb txawj qhib siab txais kev zoo siab thiab kev puv npo (happiness and fulfillment) uas yog yam tseem ceeb thiab muaj qab hau tshaj peb. Mab Tas tus muam Mab Liab, nws ntsia pom tias tseem muaj ib yam tseem ceeb nyob hauv kev txais Huab Tais Yes Xus; qhov ntawd yog muab siab rau mloog Huab Tais Yes Xus.
Yog li mas, hnub no Vaj Qhia Les Os 14 xav kom peb kawm ntawm Mab Liab tus piv txwv, tso lub siab fab pov tseg thiab mloog saib Huab Tais Yes Xus tab tom hais dab tsi. Peb ua li ntawd, mas peb thiaj xaiv tau qhov zoo. Vaj Qhia tseem ntuas sawv daws ntxiv tias peb xyaum ua tus neeg txawj txais qhua zoo tau; yog peb txais tos (welcome) thiab yeem cia luag txais tos peb, vim nyob hauv peb lub neej muaj ntau yam peb yuav tsum txais, tsis yog yuav pub rau tas mus li.